IJAI 15:2 - Bibəl ta Sar̄

² De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.

Bible sar

² De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.

IJAI 15:2 Referans Kwoze

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.

LEBI GƏ̄ 21:5

Ngé tun̄ yá̰a̰ gə̄ a dəsān̄ dɔdə́ ō, mbāýdə́ kə́ mbɔ́ŕdə́ gə̄ tə́ ō, a əndān̄ tə́re rɔ̄də́ tə́ ō, loo yo tə́ alé.

JEREMI 48:18

Sḭḭ̄ de kə́ Dibon gə̄, ī-risiī dɔ yá̰á̰ kə́ to kɔsə gɔn yāsí tə́ ō, ī-ndiī kə kəndā maná ō. Nge nujə kə ɓē kə́ Moab sák sák aw̄ kənīsí rɔ̄ɔ̄ tə́, ni nujə ɓē yāsí kə́ ngan̄g ngá̰ý gə̄ kɔ̄ɔ́.

IJAI 3:24

Sēē yá̰á̰ kə́ ndum a otə kum gotə ítər gə̄ ō, kəlā kə́ karī a un gotə ndāŕ kəhɔ ɓōdə̄ ō. Dɔ kə́ dəsā a un gotə dɔ kə́ tūmə̄n tə́la naā ngá̰ý ō, kūbə̄ kəhɔ ndoō kə́ rāā kə sákə̄ kə́ ndo̰ō̰ huyuyu a un gotə kūbə̄ kə́ majə ngá̰ý kə́ gātə̄n i ngá̰ý ō. Tə́re rɔ̄sɔl̄ a un gotə majə kə́ rɔ̄ deē majə ō.

NDŪ NAJƏ̄ 34:1

Moijə ḭḭ ndágə loo gə̄ kə́ Moab tə́ aw̄ dɔ mbal̄ Nebo tə́, aw̄ al̄ ta tél mbal̄ Pisga ń ra sɔɔ̄n̄ ta naā kə ɓē kə́ Jeriko ní tə́. Kɔ́ɔ̄ɓē ɔjən gō nang kə́ Galaad bátə́ teē gō nang yā Dan tə́.

TƏ́DA 21:30

Əla gír Hesəbon bátə́ ugə̄ń Dibon ní, Yá̰a̰ malang i kə́ koy kɔ̄ɔ́. Jə-túr̄də́ kə kum gərāá jə-mbútə̄də́. Jə-nujə loo bátə́ j-ugə̄ Nopa. Jə-nujə kə yá̰a̰ gə̄ ń ton̄ ta kaw̄ Medeba ní.

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

JEREMI 48:31

I tām̄ najə̄ ń toō tə́ n m̄-nōō najə̄ yā Moab tə́ ní. m̄-ɓār̄ ɓār̄ kadə̄ dḭḭ̄n̄ Moab kə taá malang. m̄-toō rus rus najə̄ yā Kir Heres gə̄ tə́.

JEREMI 47:5

Nənga dɔ de kə́ Gaja tə́ gə̄ i kə́ dəsā kɔ̄ɔ́, utə̄n̄ ta de kə́ Askalon tə́ gə̄ kɔ̄ɔ́, adə̄ ndin̄ tadə́ mbóo. Sḭḭ̄ de kə́ ndágə loo tə́ gə̄ ń ī-ndiī kə kumsí ní, ā ī-toī dan tə́jā rɔ̄sí kə doó i bátə́ ta kə́ rá?

JEREMI 7:29

Ə́ja nənga dɔí ń ɔjə kadə̄ ɔ̄r̄ kamí tām̄ yā Nə́ɓā tə́ ní ba ī-ɓōkə́ kɔ̄ɔ́. Ə̄nī pā nōō rɔ̄ kum róbə gə̄ tə́, tɔdɔ̄ Kɔ́ɔ̄ɓē kídə̄ de gə̄ ń rāānən̄ adə̄ ənge wōn̄g ní ō, əya̰də́ kɔ̄ɔ́ ō.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

IJAI 16:12

Moab gə̄ ɔrən̄ loo kal̄ tə́ ta kaw̄ kə̄ dɔɔ́, adə̄ de gə̄ a̰a̰n̄də́. Nin̄ aw̄n̄ ndɔ̄yɔ̄ɔ́ loo yādə́ kə́ yā ɓōĺ gidə tə́, banī nge ń noō a rāā yá̰a̰ alé.

IJAI 16:7

Ngɔlaā ní Moab gə̄ a nōōn̄ i Moab, de gə̄ malang a nōōn̄ i mbée. Nin̄ a sō̰mə́n̄ ō, a ndə̄ngān̄ gotə makəla kan̄ nduú gə̄ ń kété a rāān̄ kem ɓē kə́ Kir Heres tə́ ní ō. Tɔ́gə́də́ teē malang kɔ̄ɔ́.

IJAI 15:3

Nin̄ əlan̄ kūbə̄ kəhɔ ndoō rɔ̄də́ tə́ njə̄rān̄neée kum róbə kɔsə gə̄ tə́. Nin̄ ran̄ kə̄ ta kújə gə̄ tə́ ō, kə̄ ndágə loo gə̄ tə́ ō ənīnəń pā yo ō, de gə̄ malang nōōn̄ ō.

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

Makətūbə̄ yā Job 1:20

Anī Job ḭḭ dɔɔ́, əhɔ ta kūbə̄ kə́ dɔ madə̄ gə̄ tə́ kə́ rɔ̄n tə́ rə̄yā̰ ō, dəsā dɔn ō. Gō tə́ anī əsō sébə kumən nang tə́

NDŪ NAJƏ̄ 14:1

Sḭḭ̄ i ngán Kɔ́ɔ̄ɓē Nə́ɓā yāsí, adə̄ ā ī-tə́jāī rɔ̄sí, aláa ā ī-dəsāī dɔsí yā rāań ndoō de kə́ koy alé.

TƏ́DA 32:38

Nebo ō, Baal Meon ō, Sibəma ō gogə́ rang, ba tə́ndān̄ rī kə́ kijə gə̄ dɔ tə́.

TƏ́DA 32:3

Atarot ō, Dibon ō, Yajer ō, Nimra ō, Hesəbon ō, Elale ō, Sebam ō, Nebo ō, Beon ō,

LEBI GƏ̄ 13:40

Ré nənga dɔ de kə́ dəngam tə́sō anī, ni i nge dɔ kɔr̄ adə̄ i de kə́ unjə̄ njáý njáý.

TƏ́DA 21:28

Hor ḭḭ Hesəbon. Ta ndo̰ hor teē kem ɓē yā Sihon tə́. Gān̄g əsō dɔ Ar ń i ɓē kə́ Moab ní tə́ o̰o̰n̄ ō, O̰o̰ń ngār gə̄ ń ndin̄ dɔ gósə bā Arnon tə́ ní ō.

2 SAMUEL 10:4

Loo ń noō tə́ Hanun əhɔ de kə́ bo gə̄ ń Dabid əladə́ ní, dəsā mbāýdə́ dām̄ kógə̄ḿ ō, tə́jā kūbə̄ yādə́ gə̄ gán̄g danaá adə̄ gində̄ ugə̄ ta gíŕdə́ tə́ ō, ba əya̰də́ adə̄ aw̄n̄.

JEREMI 3:21

Ndū kógə̄ḿ ɓār̄ dɔ loo kə́ kḭḭ kə́ dɔɔ́ gə̄ tə́, i ngán Israel gə̄ n a nōōn̄ ō, a rāān̄ ɓɔ́ ō ní. Háĺdə́ nujə sák sák kɔ̄ɔ́. tɔdɔ̄ dɔdə́ ndigə̄nal Kɔ́ɔ̄ɓē Nə́ɓā yādə́.

JEREMI 47:2

Najə̄ ń Kɔ́ɔ̄ɓē əda ní n toó: Man̄ ḭḭ ngá̰ý dām̄ mbɔ́r ɓē kə́ ko̰ó̰ tə́ ō, tél man̄ kə́ nūgə́ wut wut ō. Man̄ ní taā loo kem ɓēé ō, un dɔ yá̰a̰ malang kə́ tū tə́ ō, un dɔ ɓē ō, de kə́ kemeé gə̄ ō. Dan ń de gə̄ oōn̄ kōō nja sə́ndá kə́ ngan̄g ngá̰ý gə̄ yā Parao̰ ō, kōō púsə́ sə́nda yān gə̄ ō, kōō nja púsə́ sə́nda gə̄ ō anī,

JEREMI 48:35

M-ā m̄-tɔ̄l̄ de kə́ Moab tə́ gə̄ ń tunə̄n̄ yá̰a̰ kə taá malang ō, róōn̄ yá̰a̰ ndējə̄ gə̄ ō dɔ loo ndɔ̄ȳ gə̄ tə́ rɔȳnəń nə́ɓā yādə́ gə̄ ní.

EJEKIEL 27:31

Nin̄ dəsān̄ dɔdə́ ō, a o̰o̰n̄ kūbə̄ kəhɔ ndoō ō, najə̄ yāí tə́. Nin̄ a nōōīn̄ kə man̄ kumdə́, tɔdɔ̄ kemdə́ nel̄də́ aĺ ngá̰ý ō, nin̄ a nōōn̄ rɔ̄də́ kə wur katāá ō.

EJEKIEL 30:2

Ḭ̄ ngōn̄ deē, ɔ̄r̄ najə̄ ādə̄m̄, ə́da na: Najə̄ ń Kɔ́ɔ̄ɓē Nə́ɓā əda ní n toó: Ī-nōōī rɔ̄sí tām̄ yā ndɔ̄ ń yá̰á̰ kə́ to kum kaȳ aĺ a rāań yá̰á̰ tə́ ní.

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

1 YÁ̰A̰ GƏ̄ 19:4

Loo ń noō tə́ Hanun adə̄ əhɔn̄ de kə́ bo gə̄ yā Dabid, dəsān̄ mbāýdə́ ō, tə́jān̄ kūbə̄ kə́ rɔ̄də́ tə́ gə̄ adə̄ gīndə̄ ugə̄ ta gíŕdə́ tə́ dɔɔ́ ō, ba tə̄ɓān̄də́.

JEREMI 49:3

Hesəbon, ī-nōō kə̄ dɔɔ́ ɓororo na ɓē kə́ Ai nujə sák sák kɔ̄ɔ́. Ɓē gə̄ ń Raba o̰o̰ ɓē dɔsí tə́ ní, ə́gaī kɔŕ. Ə́laī kūbə̄ kəhɔ ndoō rɔ̄sí tə́ ō, ī-nōōī rɔ̄sí ō. Ī-dáyī kə̄ yóō kə̄ laā kem ndogə̄ mbal̄ gə̄ tə́. Tɔdɔ̄ aw̄n̄ kə ɓesə̄ Milkom ō, ngé tun̄ yá̰a̰ yān gə̄ ō, de kə́ bo yān gə̄ ō, naā tə́ malang dɔ nang kə́ rang tə́ kɔ̄ɔ́.