IJAI 14:6 - Bibəl ta Sar̄

⁶ ń ənda nápar de gə̄ kə wōngōó kanjə̄ dəba ō, rējə̄də́ kə tɔ́gɔ́ ō, rāādə́ adə̄ a̰a̰n̄ tápə̄ ngá̰ý ō ní.

Bible sar

⁶ ń ənda nápar de gə̄ kə wōngōó kanjə̄ dəba ō, rējə̄də́ kə tɔ́gɔ́ ō, rāādə́ adə̄ a̰a̰n̄ tápə̄ ngá̰ý ō ní.

IJAI 14:6 Referans Kwoze

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

JEREMI 50:31

Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 25:26

mban̄g gə̄ malang kə́ mbɔ́r ɓē kə́ ko̰ó̰ tə́ ń ndin̄ ngɔr ō, ndin̄ sa̰y ō ní, ɓē ko̰o̰ gə̄ malang ń ndin̄ kə gō loo gēé dɔ nang tə́ ní ō. M-ādə̄ mban̄g kə́ Sesak adə̄ a̰ȳ ta tɔ̄l̄ ta tə́ ō.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 10:14

M-ɔ́ý yá̰a̰ kənge gə̄ yā gír de gə̄ tītə̄ loo kɔr̄ ɓē yel̄ beé. M-ɔ́ý yá̰a̰ malang kə́ dɔ nang tə́ tītə̄ loo kɔy kaw kə́ kəya̰ kɔ̄ɔ́ beē. De kə́ ibə bɔ̄gə̄n, aláa teē tan əgań kɔŕ gətóo.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

Makətūbə̄ yā Job 9:13

Nə́ɓā əhɔ gír wōn̄g yān alé. Dā̰ man̄ kə́ kum bā bo tə́ gə̄, adə̄ i Rahab nin̄ kə ngé rāā seneé gēé ní, tɔ́gə́də́ gətóó gír njan tə́.

2 YÁ̰A̰ GƏ̄ 36:17

Ta anī Kɔ́ɔ̄ɓē rāā adə̄ mban̄g kə́ Babilon reē ənīdə́ rɔ̄ɔ̄, tɔ̄l̄ ngé rɔ̄ɔ̄ yādə́ gə̄ bátə́ ugə̄ń kem loo kə́ táĺ yādə́ tə́ gə̄gē kə kaskaraá. Kumən o̰o̰n tām̄ yā balsáá tə́ aĺ ō, mandə tə́ aĺ ō, de kə́ tɔgə nājə̄ tə́ aĺ ō, de kə́ tɔgə ɓə́gá tə́ aĺ ō. Kɔ́ɔ̄ɓē əla yá̰a̰ malang kem jī mban̄g kə́ Babilon tə́.

IJAI 14:5

Kɔ́ɔ̄ɓē nujə ko̰o̰ ɓē yā ngé kem ndul gə̄ kɔ̄ɔ́. ni tétə̄ kāgə̄ ko̰o̰ ɓē

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

HABAKUK 1:17

Ndɔ̄ kógə̄ḿ nin̄ a lōōn̄ gír kəla ń nin̄ a rāān̄ kə réng yādə́ ní tə́ yā tɔ̄ləń nápar de gə̄ kanjə̄ ka̰a̰ kum tō ndoō yādə́ a?

Gōsə̄ najə̄ gə̄ 28:15

De kə́ nge kem ndul kə́ ndi dɔ gír de kə́ ngé ndoō gə̄ tə́ to i tītə̄ ɓɔl kə́ a nōō ō, dā̰ úrsə kə́ a ḭḭ bal ō.

JEREMI 48:17

Sḭḭ̄ madə̄ ɓēn gə̄, kə madə̄ tan gə̄, ə́hɔī ndoō seneé ə́daīn̄ na: I rí n rāā yá̰á̰ á tɔ́gə́ kə́ ngá̰ý ń toō tetə kɔ̄ɔ́ ní, ko̰o̰ ɓē kə́ majə ngá̰ý ń toō əsō kɔ̄ɔ́ ní?

HABAKUK 2:5

A̰á̰ā̰, yá̰a̰ kənge a rāā deē majaĺ: Ngé kɔjə rɔ̄də́ gə̄ ndin̄ gotə kógə̄ḿ alé. Nin̄ teēn̄ tadə́ adə̄ laa ngá̰ý tītə̄ loo kə́ ɓádá beē. Yá̰a̰ asədə́ tadə́ aĺ tītə̄ ń yá̰a̰ asəń ta yo aĺ ní beē. Nin̄ ɔsən̄ nja ɓē gə̄ malang kə̄ naā tə́ adə̄ gīr̄ gidədə́ ō, nápar de gə̄ malang ndin̄ i gíŕ tɔ́gə yādə́ tə́ ō.