IJAI 14:4 - Bibəl ta Sar̄

⁴ Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

Bible sar

⁴ Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ *Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

IJAI 14:4 Referans Kwoze

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JEJU TEĒ KUM JA̰A̰ 18:16

ba a ədan̄ na: Rɔ̄ tō ndoō, rɔ̄ tō ndoō! Tɔdɔ̄ ɓē kə́ bo ń o̰ō̰ kūbə̄ lḛ́ḛ ō, kūbə̄ kə́ kəla kum man̄ yá̰á̰ kə́ kərē ning tə́ ō, kum man̄ yá̰á̰ kə́ kərē bḭḭ tə́ ō, lɔ́ŕ i rɔ̄n tə́ ō, mbal̄ gə̄ kə́ gātə̄də́ i ngá̰ý gə̄ i rɔ̄n tə́ ō, məde gə̄ i rɔ̄n tə́ ō ní,

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

HABAKUK 2:17

A̰á̰ā̰, yá̰a̰ rāā kə dɔ́nɔ́ ń rāān̄ kə ɓē kə́ Liban ní a taā loo ɓēé loosí ō. Sḭḭ̄ ī-tɔ̄lī dā̰ gə̄. Adə̄ dā̰ gə̄ a rāān̄sí kə ɓōló kadə̄ ā ī-ndewiī. Yá̰a̰ gə̄ ń noō malang a reēn̄ tɔdɔ̄ sḭḭ̄ ī-ɓōkíī mósə deē nang tə́, tɔdɔ̄ sḭḭ̄ ī-rāāī yá̰a̰ kə dɔ́nɔ́, ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

DANIEL 2:38

Loo kə́ rá nəkɔ́ ń de gə̄ ō dā̰ gə̄ ō yel̄ gə̄ ō ndin̄ tū tə́ ní ni-əla dɔdə́ gír tɔ́gə yāí tə́. Nin̄ malang ní ni əndāī dɔdə́ tə́. Adə̄ dɔn kə́ rāā kə lɔ́rɔ́ ní i ḭ̄.

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

NŌŌ RƆ̄ 4:1

I rí n rāā yá̰a̰! Lɔ́r ń i yá̰á̰ kə́ ndə́lē pir pir ō, i gində̄ kə́ majə páráńg ō ní, kumən oy a? I rí n rāā yá̰á̰ á mbal̄ kə́ táĺ gə̄ ton̄ kógə̄ḿ kógə̄ḿ kə gō kadə̄ róbó ní?

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

IJAI 51:23

M-ā m-ə́lan kem jī ngé rāāī yá̰á̰ kə́ tōr̄ tə́. Kété ní, nin̄ ədaīn̄ na: Ī-to nang tə́! J-a jə-njə̄rā dɔí tə́. Adə̄ kété ní, ī-rāā dūnīí i loo kə́ yā mān̄ tū tə́ tə́, i róbə́ ń nin̄ njə̄rān̄ tū tə́ ní tə́.

IJAI 47:5

Ɓē yā Babilon gə̄, ī-ndi nang tə́ kə taí kə́ mbóó, ī-ɓɔ̄ɔ̄ rɔ̄í kum loo kə́ ndɔ̄ɔ́ tə́. Tām̄ a ɓāríīn̄ na i mban̄g kə́ dəyá̰ yā ɓē ko̰o̰ gə̄ to̰ aĺ i kə́ bátə́ gə̄ tə́.

IJAI 14:17

Ni ń kété rāā dɔ nang adə̄ tél dəla loo ō, nujə ɓē bo gə̄ ō, mbātə́ kəya̰ dəngáy gə̄ dɔɔ́ ō ní.

IJAI 14:6

ń ənda nápar de gə̄ kə wōngōó kanjə̄ dəba ō, rējə̄də́ kə tɔ́gɔ́ ō, rāādə́ adə̄ a̰a̰n̄ tápə̄ ngá̰ý ō ní.

IJAI 13:19

Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

2 YÁ̰A̰ GƏ̄ 36:18

Yá̰a̰ malang kə́ bo gə̄gē kə́ dūú gə̄gē, kə́ kem kújə yā Nə́ɓā tə́ gə̄gē, yá̰a̰ ɓɔ̄ɔ̄ gə̄ kə́ kem kújə yā Kɔ́ɔ̄ɓē tə́ gə̄gē, yá̰a̰ ɓɔ̄ɔ̄ gə̄ yā mban̄g gə̄gē, yā de kə́ bo yān gə̄ gə̄gē ní mban̄g kə́ Babilon ɔy aw̄ń Babilon malang.

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

IJAI 13:1

Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

IJAI 14:5

Kɔ́ɔ̄ɓē nujə ko̰o̰ ɓē yā ngé kem ndul gə̄ kɔ̄ɔ́. ni tétə̄ kāgə̄ ko̰o̰ ɓē

IJAI 16:4

Ə́ya̰ mā̰ȳ rɔ̄ɔ̄ yājí gə̄ ādə̄ ndin̄ ɓēé looí, ādə̄də́ loo ādə̄ ndin̄ tū tə́ najə̄ yā nge nujə loo tə́. Nge rējə̄jí a ndi ngándáńg alé, gír nujə loo a gān̄g. Nge nujəjí a əya̰ ɓē yājí ba a aw̄.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 54:14

Ā ə̄ndā tɔ́gí dɔ yá̰a̰ rāā kə́ gōtə́ tə́. Deē a rējī to̰ aĺ ō, ɓōĺ a rāāī to̰ aĺ ō. De kə́ yā rāāī kadə̄ ndílí a̰ȳ to̰ a gətóo ō, de kə́ yā kəla ɓōĺ kemií tə́ to̰ a gətóo ō.

IJAI 21:2

Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.

JEREMI 48:17

Sḭḭ̄ madə̄ ɓēn gə̄, kə madə̄ tan gə̄, ə́hɔī ndoō seneé ə́daīn̄ na: I rí n rāā yá̰á̰ á tɔ́gə́ kə́ ngá̰ý ń toō tetə kɔ̄ɔ́ ní, ko̰o̰ ɓē kə́ majə ngá̰ý ń toō əsō kɔ̄ɔ́ ní?