IJAI 14:25 - Bibəl ta Sar̄

²⁵ M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.

Bible sar

²⁵ M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.

IJAI 14:25 Referans Kwoze

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

NAHUM 1:13

Ngɔlaā ní, m̄-nujə ko̰o̰ ɓē ń taā tɔ́gə́sí kɔ̄ɔ́ ní ō, m̄-tútə́ súĺ yāsí gə̄ kɔ̄ɔ́ ō.

IJAI 14:5

Kɔ́ɔ̄ɓē nujə ko̰o̰ ɓē yā ngé kem ndul gə̄ kɔ̄ɔ́. ni tétə̄ kāgə̄ ko̰o̰ ɓē

EJEKIEL 39:4

Ḭ̄ ō, ngé rɔ̄ɔ̄ yāí gə̄ malang ō, de kə́ ngá̰ý gə̄ ń ɓoon̄ rɔ̄də́ tū yāí tə́ ní ō, ā óyiī dɔ mbal̄ gə̄ kə́ Israel tə́. M-ā m-ə́ya̰ mbal̄ gə̄ ō, dā̰ kə́ bembeé gə̄ ō, kadə̄ əsan̄ nīńsí.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 52:2

Ī-gógə̄ bumbə́rú ń utə̄ gidə rɔ̄í ní kɔ̄ɔ́. Jerusalem, ḭ̄ ń i dəngáý ní, ḭ́ḭ dɔɔ́ ba ī-ndi gotií tə́! Siyo̰, ḭ̄ ń i dəngáý ní, ɔ̄r̄ súĺ kə́ kɔ́ɔ́í tə́ kɔ̄ɔ́!

MISE 5:6

Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.

2 YÁ̰A̰ GƏ̄ 32:21

Anī Kɔ́ɔ̄ɓē əla de kə́ dɔ rā̰ tə́ yān kógə̄ḿ kem gérger yā mban̄g kə́ Asiri tə́ adə̄ tɔ̄l̄ go̰ rɔ̄ɔ̄ gə̄ malang kɔ̄ɔ́ ō, tɔ̄l̄ ngol ngé rɔ̄ɔ̄ gə̄ ō, de kə́ bo gə̄ ō. Mban̄g kə́ Asiri tél kə rɔ̄sɔl̄ gēé ta kaw̄ gogə́ ɓēé. Dan ń udə kem kújə yā nə́ɓā yān tə́ anī, ngán kemən nəkɔ́ gə̄ tɔ̄l̄nən̄ kə kaskaraá.

EJEKIEL 32:22

Mban̄g kə́ Asiri i noó kə ngé rɔ̄ɔ̄ yān gēé. Dɔ ɓádə́ ngé rɔ̄ɔ̄ yān gə̄ gīr̄ gidən.

MISE 5:5

Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

JAKARI 10:11

Nin̄ a teēn̄ bā yá̰á̰ kə́ to kum kaȳ aĺ kə̄ gidə kə́rēý tə́. Mā Kɔ́ɔ̄ɓē, m-ā m-ə́nda bəngál man̄ gə̄ kə́ dɔ bā bo tə́. Man̄ bā Nil gə̄gē a iī kɔ̄ɔ́ kem kārə̄n tə́. Ɓē kə́ Asiri ń ɔjə rɔ̄n ngá̰ý ní, a mbərenən̄ yā kənīn ō, ɓē kə́ Ejiptə a o̰o̰ ɓē to̰ aĺ ō.