IJAI 14:23 - Bibəl ta Sar̄

²³ M-ā m̄-rāā ɓē bo ngeé ń toō kadə̄ a tél loo kə́ man̄ i tū tə́ ō, bɔr kə́ tū tə́ i kə́ ndul ō, kɔȳ gə̄ a ndin̄ tū tə́ ō. M-ā m-ɔ́y loo kə́ tū tə́ i kə ndəsā kə́ a nujə loo. I mā Kɔ́ɔ̄ɓē kə́ bo kə́ tɔ́gən i ngá̰ý n m-ə́da najə̄ ń noō ní.

Bible sar

²³ M-ā m̄-rāā ɓē bo ngeé ń toō kadə̄ a tél loo kə́ man̄ i tū tə́ ō, bɔr kə́ tū tə́ i kə́ ndul ō, kɔȳ gə̄ a ndin̄ tū tə́ ō. M-ā m-ɔ́y loo kə́ tū tə́ i kə ndəsā kə́ a nujə loo. I mā Kɔ́ɔ̄ɓē kə́ bo kə́ tɔ́gən i ngá̰ý n m-ə́da najə̄ ń noō ní.

IJAI 14:23 Referans Kwoze

SOPONI 2:14

Ɓūtə̄ yá̰a̰ kul̄ gə̄ a ndin̄ tū tə́ danaá bang. Dā̰ kə́ tayā tayā gə̄ ō, kɔȳ múu gə̄ ō, kɔȳ kōrōrōý ō, a ɓīīn̄ dɔ kāgə̄ nga dan kújə yān gə̄ tə́ dɔɔ́ ndɔ̄ɔ́ ō, yel̄ gə̄ a ndin̄ ta ko̰rō̰ kújə gə̄ tə́ yā nōōn̄ kadə̄ deē oō kōōdə́ ō, ré deē udə kə̄ kemeé anī, a a̰a̰ i kɔkərɔ kə́ ra dɔ naā tə́ bing gə̄ ō, kāgə̄ ta róbə́ kújə gə̄ ń rāān̄də́ i kə kāgə̄ Sédər ní, i kə́ ró̰ȳ kɔ̄ɔ́ ō.

JEJU TEĒ KUM JA̰A̰ 14:8

Anī de kə́ dɔ rā̰ tə́ kə́ rang kə́ nge ko̰ jōó utə̄ gōn, əda na: Babilon ń i ɓē bo ní, əsō kɔ̄ɔ́, əsō kɔ̄ɔ́! Ni-adə̄ nápar de gə̄ malang kasə nduú ń i ájə́ba kɔ̄r̄ yān ní adə̄ a̰ȳn̄.

1 MBAN̄G GƏ̄ 14:10

I tām̄ najə̄ ń noō tə́ n m-ā m̄-rāā kadə̄ yá̰á̰ kə́ to kum kaȳ aĺ a reē dɔ gír kojə yāí tə́ ní. M-ā m̄-tɔ̄l̄ de kə́ dəngam gə̄ kə́ gír yāí tə́ malang kɔ̄ɔ́, ngáń kə́ dūú gə̄gē, de kə́ tɔgə gə̄gē. M-ā m̄-rāā kadə̄ de kə́ gír kojə yāí tə́ gə̄ gətóon̄ kɔ̄ɔ́ malang tītə̄ ń deē a ɔyń loo kə́ yḛr kɔ̄ɔ́ kə ndəsá ní.

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

2 MBAN̄G 21:13

M-ā m̄-nujə ɓē kə́ Jerusalem tītə̄ ń m̄-nujəń ɓē kə́ Samari ō, de gə̄ kə́ gír kojə yā Akab tə́ ō ní. M-ā m̄-tə́go kem ɓē kə́ Jerusalem tītə̄ ń deē a tə́goń səmbē ba sébə kemən nang tə́ ní.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

IJAI 13:20

Deē a ndi kemeé to̰ aĺ i kə́ bátə́ gə̄ tə́, kemən a ra karī i kə́ njɔ́ḿ gə̄ tə́. Ngé njə̄rā dɔɔ́ gə̄gē a əhɔn̄ loo kemeé yā ndi tū tə́ to̰ alé. Ngé ngɔ̄m̄ yá̰a̰ kul̄ gə̄ gə̄gē a aw̄n̄ kə ɓūtə̄ yá̰a̰ kul̄ yādə́ gēé tū tə́ to̰ alé.

IJAI 21:1

Najə̄ yā dəla loo kə́ kadə bā bo tə́ ngɔr. Madə̄ ba̰ā̰ ḭḭ dəla loo tə́ reē, ḭḭ i kem ɓē kógə̄ḿ kə́ adə̄ de gə̄ ɓōĺ tə́ n reē, tītə̄ néĺ kə́ əla kə tɔ́gɔ́, kə́ ənda gō nang kə́ Negeb mān̄ beé.

JEREMI 50:3

A̰á̰ā̰, nápar de gə̄ teēn̄ mbɔ́r ɓē kə́ ko̰ó̰ tə́ reē ənīnən̄ rɔ̄ɔ̄. Nin̄ rāān̄ ɓē yān adə̄ tél ndágə loo kə́ to kum ko̰ ngá̰ý, i ndágə loo kə de kə́ yā ndi ɓē tū tə́ gətóo. De gə̄ ō, dā̰ gə̄ ō, a̰ȳn̄ nāā malang, yá̰á̰ kógə̄ḿ gē gətóo.

JEREMI 50:26

Ḭ́ḭī kə̄ ta ngóy dɔ nang gə̄ tə́ ba ī-reēī Babilon. Ī-téēī ta mō̰ȳ yān gə̄ ō, ɔ́yiī yá̰a̰ kənge yān gə̄ ī-kánī ādə̄ ra dɔ naā tə́ bing ō. Ī-nujiī ɓē sák sák kɔ̄ɔ́ ādī yá̰á̰ kógə̄ḿ na̰y alé.

JEREMI 51:62

ā ə́da na: Kɔ́ɔ̄ɓē, i īkɔ́ n ɔr̄ najə̄ kə́ sɔɔ̄ dɔ loo ń toō yā kadə̄ ī-nujəń sák sák kɔ̄ɔ́ ō, kadə̄ yá̰á̰ kə́ taā koō, adə̄ i deē, aláa i dā̰, kə ndiń kemeé to̰ aĺ ō, kadə̄ tél loo kə́ to kum ko̰ kə́ njɔ́ḿ gə̄ tə́ ō ní.