IJAI 14:22 - Bibəl ta Sar̄

²² Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ḭ́ḭ yā rɔ̄ɔ̄ Babilon gə̄. Rī ń na i Babilon ní ō, de kə́ kemeé gə̄ ń teēn̄ ta yo tə́ ní ō, ngáńdə́ gə̄ ō, ngán kaadə́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́.

Bible sar

²² Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ḭ́ḭ yā rɔ̄ɔ̄ *Babilon gə̄. Rī ń na i Babilon ní ō, de kə́ kemeé gə̄ ń teēn̄ ta yo tə́ ní ō, ngáńdə́ gə̄ ō, ngán kaadə́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́.

IJAI 14:22 Referans Kwoze

Gōsə̄ najə̄ gə̄ 10:7

Kəga kem dɔ de kə́ súmūú tə́ i yá̰á̰ kə́ a rāā majə kə deé, banī dɔ de gə̄ a ndígə̄nal rī ngé kem ndul gə̄.

1 MBAN̄G GƏ̄ 14:10

I tām̄ najə̄ ń noō tə́ n m-ā m̄-rāā kadə̄ yá̰á̰ kə́ to kum kaȳ aĺ a reē dɔ gír kojə yāí tə́ ní. M-ā m̄-tɔ̄l̄ de kə́ dəngam gə̄ kə́ gír yāí tə́ malang kɔ̄ɔ́, ngáń kə́ dūú gə̄gē, de kə́ tɔgə gə̄gē. M-ā m̄-rāā kadə̄ de kə́ gír kojə yāí tə́ gə̄ gətóon̄ kɔ̄ɔ́ malang tītə̄ ń deē a ɔyń loo kə́ yḛr kɔ̄ɔ́ kə ndəsá ní.

IJAI 43:14

Yá̰á̰ ń Kɔ́ɔ̄ɓē, nge gān̄g dɔsí, Nə́ɓā kə́ táĺ yā Israel, əda ní n toó: M-ə́la kə deē kógə̄ḿ Babilon tām̄ yāsí tə́. Ta róbə gə̄ ń a ngɔ̄mə̄n̄ ɓē ní, m-ā m̄-rāādə́ kadə̄ tə́sōn̄. Loo ń noō tə́ kɔŕ rɔ̄nel̄ yā de kə́ Babilon gə̄ a tél i pā nōō yo.

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

IJAI 13:5

Kɔ́ɔ̄ɓē ō, ngé gə̄ ń a bə̄gān̄ wōn̄g yān ō ní, ḭḭn̄ i sa̰y ngá̰ý n a reēn̄ ní, ḭḭn̄ i ta ngóy dɔ rā̰ kə́ dām̄ kə́rēý tə́. Nin̄ a nujən̄ ɓē malang kɔ̄ɔ́.

JEREMI 50:3

A̰á̰ā̰, nápar de gə̄ teēn̄ mbɔ́r ɓē kə́ ko̰ó̰ tə́ reē ənīnən̄ rɔ̄ɔ̄. Nin̄ rāān̄ ɓē yān adə̄ tél ndágə loo kə́ to kum ko̰ ngá̰ý, i ndágə loo kə de kə́ yā ndi ɓē tū tə́ gətóo. De gə̄ ō, dā̰ gə̄ ō, a̰ȳn̄ nāā malang, yá̰á̰ kógə̄ḿ gē gətóo.

NAHUM 1:14

Yá̰á̰ ń Kɔ́ɔ̄ɓē gḛy rāā sesí sḭḭ̄ de kə́ Ninibə gə̄ ní n toó: Ngán gə̄ kə́ kadə̄ rīsí i dɔdə́ tə́ ní, sḭḭ̄ ā ə́ngeī to̰ alé. Ɓesə̄ kāgə̄, aláa ɓesə̄ gində̄ yāsí gə̄ ń ī-tɔ́sídə́ aláa ī-nōōīdə́ horoó, ba ī-tə́ndāīdə́ kem kújə yā nə́ɓā yāsí gə̄ tə́ ní, m-ā m̄-nujəń kɔ̄ɔ́. M-ə̄ndā dɔ bəlo yosí danaá, tām̄ sḭḭ̄ i yá̰á̰ kógə̄ḿ kə́ sáláńg alé.

PĀ GƏ̄ 12:6

Banī Kɔ́ɔ̄ɓē əda na, ń toō ní n-a n-ḭḭ dɔɔ́ yā dḭḭ̄ ngé tɔ́gə gətóo gə̄ ń a rāān̄ kumdə́ ndoō tə́ ní ō, ngé rɔ̄ to ndoō gə̄ ń a tṵ́ṵ̄n̄ ní ō. Na n-a n-dḭḭ̄ deē ń a əjanən̄ kə̄ gogə́ kə gidə jīdə́ ní ō.