IJAI 14:19 - Bibəl ta Sar̄

¹⁹ Ba ḭ̄, ənīn̄ ndágá kɔ̄ɔ́, sa̰y kə bəlo ɓádə yāí. Ī-to i tītə̄ ngōn̄ kə́ teē nīń, kə́ nel̄ de gə̄ seneé aĺ ngá̰ý. Ī-to tītə̄ nīń kə́ rējə̄n̄ kɔ̄ɔ́, de kə́ tɔ̄lə̄n̄də́ gə̄ taān̄ loo gidií tə́ malang, tɔ́sə̄n̄də́ i kə kaskar ō, tə́nīn̄də́ i dɔ mbal̄ gə̄ tə́ ō, ngɔ́n bəlo kə́ bo tə́.

Bible sar

¹⁹ Ba ḭ̄, ənīn̄ ndágá kɔ̄ɔ́, sa̰y kə bəlo ɓádə yāí. Ī-to i tītə̄ ngōn̄ kə́ teē nīń, kə́ nel̄ de gə̄ seneé aĺ ngá̰ý. Ī-to tītə̄ nīń kə́ rējə̄n̄ kɔ̄ɔ́, de kə́ tɔ̄lə̄n̄də́ gə̄ taān̄ loo gidií tə́ malang, tɔ́sə̄n̄də́ i kə kaskar ō, tə́nīn̄də́ i dɔ mbal̄ gə̄ tə́ ō, ngɔ́n bəlo kə́ bo tə́.

IJAI 14:19 Referans Kwoze

JEREMI 41:9

Bəlo ń Ismael tə́nī nīń de gə̄ malang ń ni-tɔ̄l̄də́ ní kemeé ní, i bəlo taā man̄ ndī kə́ bo ngá̰ý ń mban̄g Asa ndēr̄ dan ń mban̄g Basa kə́ Israel tə́ ənīnneé rɔ̄ɔ̄ tə́ ní. Ismael, ngōn̄ Netania tə́nī de gə̄ ń ni-tɔ̄l̄də́ ní kemeé adə̄ rosə.

JEREMI 41:7

Ba dan ń ugə̄n̄ dan ɓēé anī, Ismael, ngōn̄ Netania ō de kə́ dəngam gə̄ ń dānə̄nən̄ ní ō, tɔ̄lə̄n̄də́ ba tə́nīn̄də́ kem bəlo taā man̄ ndī tə́.

EJEKIEL 32:23

Dɔ ɓádə gə̄ ní ton̄ i gə́le loo kə́ ɓádá tə́, kə gō gidə dɔ ɓádə mban̄g. Nin̄ malang ní tɔ̄lə̄n̄də́ i ta rɔ̄ɔ̄ tə́, nin̄ ń kété rāān̄ de kə́ ndi kə kumdə́ gə̄ adə̄ ɓōĺ rāādə́ adə̄ ndewn̄ ní.

JEREMI 22:19

A dubə̄nən̄ i tītə̄ loo dubə̄ kərō beé. adə̄ a ndɔ́r̄nən̄ nang tə́ ō, a teēn̄ seneé ta róbə gə̄ kə́ Jerusalem tə́ yā kaw̄ kənīn ndágá.

JEREMI 16:6

Kem ɓē ń toō tə́ ní, de kə́ bo gə̄ ō, de kə́ dūú gə̄ ō a oyn̄ mbak. Deē a dubə̄də́ aĺ ō, a un pā yo dɔdə́ tə́ aĺ ō, a əja rɔ̄n kə doó najə̄ yādə́ tə́ aĺ ō, a dəsā dɔn aĺ ō.

2 MBAN̄G 9:25

Yehu əda Bidkar nge kətō der yān na: Únən āw̄ ə̄nīn kem ndɔr̄ yā Nabot kə́ Jisreel tə́. Ba ādə̄ əga kemií dɔ najə̄ ń Kɔ́ɔ̄ɓē əda bɔbə̄n kété dan ń jḭḭ seí jōó, ḭ̄ ō, mā ō, jə-ndi kem púsú gō bɔbə̄n tə́ j-a jə-dānə̄nəń ní tə́.

1 MBAN̄G GƏ̄ 21:24

De kə́ gír kojə yā Akab tə́ ń a oy kem ɓēé ní bísə gə̄ a əsanən̄ ō, nge ń a oy bembeé ní yel̄ kə́ dɔɔ́ gə̄ a əsanən̄ ō.

1 MBAN̄G GƏ̄ 21:19

Āw̄ ə́dan na Kɔ́ɔ̄ɓē əda na: Adə̄ ī-tɔ̄l̄ deē ba ī-reē yā taā yá̰a̰ yān dɔ tə́ ní! Gō tə́ anī ə́dan na Kɔ́ɔ̄ɓē əda ɓáý to̰ na: Loo ń bísə gə̄ tō̰nə́n̄ mósə Nabot tū tə́ ní, bísə gə̄ a tō̰nə́n̄ mósí īkɔ́ tū tə́ ō.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

IJAI 13:15

Ngé gə̄ ń a əngen̄də́ ní a urən̄də́ kə gərāá, ngé gə̄ ń a əhɔn̄də́ ní a oyn̄ yo kaskar.

IJAI 14:18

Mban̄g gə̄ yā nápar de gə̄ malang, a̰á̰ā̰, nin̄ malang to a ɔrə̄n̄ koō ō, rɔyn̄də́ ō, nin̄ kógə̄ḿ kógə̄ḿ ní ton̄ i kə̄ kem bəlo ɓádə yādə́ gə̄ tə́.

IJAI 34:3

Nīń de gə̄ yādə́ gə̄ taā loo dɔ nang tə́, rɔ̄ de gə̄ yādə́ gə̄ otə ndum, mósə́də́ a̰ȳ dɔ mbal̄ bo gə̄ tə́ tītə̄ man̄ dɔ mbal̄ beé.

JEREMI 51:4

Ādə̄ ngé gə̄ ń əngen̄ do kə́ asə yodə́ ní, tə́sōn̄ kem ɓē yā Kalde gə̄ tə́ ō, ngé gə̄ ń tɔ́sə̄n̄də́ kə nəngaá ní, tə́sōn̄ kum kə̄lá róbə gə̄ kə́ Babilon tə́ ō.

EJEKIEL 32:27

Dubə̄n̄də́ naā tə́ kə go̰ rɔ̄ɔ̄ kə́ kété jóo gə̄ gə̄ ń rāān̄ de gə̄ kə́ ndin̄ kə kumdə́ adə̄ ɓōĺ rāādə́ adə̄ ndewn̄ ní. Ngé rɔ̄ɔ̄ gə̄ ngeé ń toō ní aw̄n̄ ɓádá i kə yá̰a̰ rɔ̄ɔ̄ yādə́ gēé. Taān̄ dɔdə́ i kə kaskar yādə́ ō, ənīn̄ der yādə́ i dɔ nīńdə́ tə́ ō.