IJAI 14:18 - Bibəl ta Sar̄

¹⁸ Mban̄g gə̄ yā nápar de gə̄ malang, a̰á̰ā̰, nin̄ malang to a ɔrə̄n̄ koō ō, rɔyn̄də́ ō, nin̄ kógə̄ḿ kógə̄ḿ ní ton̄ i kə̄ kem bəlo ɓádə yādə́ gə̄ tə́.

Bible sar

¹⁸ Mban̄g gə̄ yā nápar de gə̄ malang, a̰á̰ā̰, nin̄ malang to a ɔrə̄n̄ koō ō, rɔyn̄də́ ō, nin̄ kógə̄ḿ kógə̄ḿ ní ton̄ i kə̄ kem bəlo ɓádə yādə́ gə̄ tə́.

IJAI 14:18 Referans Kwoze

IJAI 22:16

Ādə̄ ndērə̄n̄ bəlo dubīí loo ń toō tə́ laā, ādə̄ tə́gān̄ bəlo ní kum kə̄ dɔɔ́, ī-ndēr̄ loo kɔr̄ koō kə́ tām̄ yāí tə́ kem mbal̄ tə́. Ba yá̰a̰ yāí kə́ laā i rí? Ngééí gə̄ i laā a?

Makətūbə̄ yā Job 30:23

Mā m̄-ger̄ majə kadə̄ ī-tél ā āw̄ seḿ i kə̄ ɓē yā yo tə́. I loo kənge naā yā de gə̄ malang ń ndin̄ kə kumdə́ ní.

2 YÁ̰A̰ GƏ̄ 24:25

Dan ń ngé rɔ̄ɔ̄ kə́ Aram gə̄ aw̄n̄ ní əya̰nən̄ i kə mo̰y kə́ ngan̄g ngá̰ý. Ngé kəla yān gə̄ oōn̄ naā ba rāān̄ ba̰ā̰ ngōn̄ Yoyada nge tun̄ yá̰á̰ ń oy ní. Nin̄ tɔ̄l̄nən̄ kem tə̄rá yān tə́. Dubə̄nən̄ i kem ɓē yā Dabid tə́, banī i kem bā ɓádə yā mban̄g gə̄ tə́ alé.

2 YÁ̰A̰ GƏ̄ 24:16

Dubə̄nən̄ i kem ɓē yā Dabid tə́, bāá ɓádə yā mban̄g gə̄ tə́, tɔdɔ̄ ni-rāā i yá̰á̰ kə́ majə ngándáńg tām̄ yā Israel tə́ ō, tām̄ yā Nə́ɓā tə́ ō, tām̄ yā kújə yā Nə́ɓā tə́ ō.

KOHELET 12:5

Loo ń noō tə́ ní, róbə́ kə́ əta tan kə̄ dɔɔ́ rāā adə̄ deē ɓōĺ ō, deē ɓōĺ njə̄rā ō. Dɔ deē ndaa bum tītə̄ kāgə̄ kə́ hútə̄ beé ō, rɔ̄ deē ɔȳn tītə̄ gaẃ kə́ ḭḭ ba tél əsō nang tə́ beē ō. Ndi kə kumuú yā deē aw̄ kɔ̄ɔ́ tītə̄ kan̄ kāgə̄ kə́ ḭḭ dɔɔ́ əsō beé ō. A̰á̰ā̰, ndɔ̄ kógə̄ḿ tə́ anī, de gə̄ kógə̄ḿ kógə̄ḿ a aw̄n̄ kum kə́ ɓádá. Loo kə́ ɓádá i kújə yā de kə́ ta tɔ̄l̄ ta tə́. Dəyá̰ kə́ ngé nōō yo gə̄ i kum róbə kɔsɔɔ́ kɔ̄ɔ́ ɓá.

KOHELET 6:3

De kógə̄ḿ asə kojə ngán gə̄ nja ɓú ō, ndi kə kumneé ɓāl̄ ngá̰ý ō. Ba ré rɔ̄n nelə̄n kem ɓāl̄ kə́ ngá̰ý gə̄ noō tə́ aĺ ō, deē dubə̄n kə gōó aĺ ō ní, kumən na i rí? Mā m-ə́da na yā ngōn̄ kə́ teē nīń i só tə́ tɔȳ yān.

IJAI 14:17

Ni ń kété rāā dɔ nang adə̄ tél dəla loo ō, nujə ɓē bo gə̄ ō, mbātə́ kəya̰ dəngáy gə̄ dɔɔ́ ō ní.

IJAI 14:19

Ba ḭ̄, ənīn̄ ndágá kɔ̄ɔ́, sa̰y kə bəlo ɓádə yāí. Ī-to i tītə̄ ngōn̄ kə́ teē nīń, kə́ nel̄ de gə̄ seneé aĺ ngá̰ý. Ī-to tītə̄ nīń kə́ rējə̄n̄ kɔ̄ɔ́, de kə́ tɔ̄lə̄n̄də́ gə̄ taān̄ loo gidií tə́ malang, tɔ́sə̄n̄də́ i kə kaskar ō, tə́nīn̄də́ i dɔ mbal̄ gə̄ tə́ ō, ngɔ́n bəlo kə́ bo tə́.

2 MBAN̄G 9:35

Aw̄n̄ dubə̄n tə́ anī əngen̄ i kār̄ dɔn ō, njan gə̄ kə jīn gə̄ ō ngóy.

Makətūbə̄ yā Job 3:14

naā tə́ kə mban̄g gə̄ ō, ngé kadə̄ kɔjə kə́ dɔ nang tə́ gə̄ ō, ngé tél rāā loo kə́ nujə kɔ̄ɔ́ gə̄ gogə́ rang tām̄ yādə́ nin̄ kɔ́ gə̄ tə́ ō.