IJAI 14:15 - Bibəl ta Sar̄

¹⁵ Banī ī-risə āw̄ ɓádá, loo ń de kə́ koy gə̄ i tū tə́ ní tə́, āw̄ bátə́ ūgə̄ ngɔ́n bəlo kə́ bo tə́.

Bible sar

¹⁵ Banī ī-risə āw̄ ɓádá, loo ń de kə́ koy gə̄ i tū tə́ ní tə́, āw̄ bátə́ ūgə̄ ngɔ́n bəlo kə́ bo tə́.

IJAI 14:15 Referans Kwoze

MATIYE 11:23

Ba ḭ̄, ɓē kə́ Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá. Tɔdɔ̄ yá̰á̰ kə yáā gə̄ ń rāān̄ yá̰a̰ looí ní ré rāān̄ yá̰a̰ i Sodom anī, ɓōólaā ń toō gə̄gē ní ɓē kə́ Sodom a ndi noó ɓáý.

EJEKIEL 32:23

Dɔ ɓádə gə̄ ní ton̄ i gə́le loo kə́ ɓádá tə́, kə gō gidə dɔ ɓádə mban̄g. Nin̄ malang ní tɔ̄lə̄n̄də́ i ta rɔ̄ɔ̄ tə́, nin̄ ń kété rāān̄ de kə́ ndi kə kumdə́ gə̄ adə̄ ɓōĺ rāādə́ adə̄ ndewn̄ ní.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

Najə̄ kə́ Majə yā Jeju ń Luk ndang ní 10:15

Ba ḭ̄, Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá.

IJAI 14:16

Ngé ka̰a̰í gə̄ əndān̄ kumdə́ dɔí tə́ a̰a̰īń ngá̰ý. Nin̄ dəjen̄ rɔ̄də́ najə̄ ədan̄ na ké i nəkɔ́ wa, dəngam ń kété rāā dɔ nang adə̄ ndew ní, ni ń kété yéȳ ko̰o̰ ɓē gə̄ ní nəkɔ́ a?

EJEKIEL 31:16

Dan ń m-ā m̄-rāā kadə̄ kāgə̄ ngeé ń toō aw̄ ɓádá gō ngé gə̄ ń ton̄ ɓádá tə́ ní anī, nápar de gə̄ ń a oōn̄ kōōn loo kəsō tə́ ní, ɓōĺ a rāādə́ adə̄ nin̄ a ndewn̄. Yá̰a̰ malang kə́ gírí nang tə́ ń i kāgə̄ gə̄ malang kə́ Eden tə́ ō, kāgə̄ gə̄ kə́ dɔ mbal̄ kə́ Liban tə́ i kāgə̄ gə̄ kə́ majən̄ tɔȳ madə̄ gə̄ ō, rāān̄ man̄ dɔ tə́ tɔȳ yā gotə gə̄ ō ní, a rāān̄ rɔ̄nel̄.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

EJEKIEL 31:14

I tītə̄ ń noō tá kāgə̄ kə́ rāān̄ man̄ dɔ tə́ majə ō, man̄ asən ō, a asəń tɔgə to̰ alé. Dɔ kāgə̄ sedər a ɔdə kil̄ man̄ gə̄ to̰ alé, ni a asə kɔjə rɔ̄n kə bo yānneé to̰ alé. Tɔdɔ̄ kāgə̄ gə̄ ō, de gə̄ ō ní, i gáŕ kadə̄ nin̄ a oyn̄ ndɔ̄ kógə̄ḿ. Nin̄ a aw̄n̄ gíŕ nángāá naā tə́ kə ngé gə̄ ń risə aw̄ ton̄ ɓádá ní.

ABƏDIAS 1:3

Kɔjə rɔ̄ yāí kə́ ngá̰ý gólī! Ḭ̄ ī-ndi i bəlo mbal̄ gə̄ tə́, ī-rāā kújə yāí gə̄ i loo kə́ kḭḭ kə̄ dɔɔ́ gə̄ tə́. Ḭ̄ ə́da rɔ̄í na: I náā n asə rāām̄ kadə̄ m̄-risə nang tə́ ní.