IJAI 14:12 - Bibəl ta Sar̄

¹² I ba̰ý á ḭ̄ ń i dɔgə́ loo tīī kə́ ā ī-ndə́lē ní, ḭ́ḭ dɔ rā̰ tə́ ə̄sō ní? Ḭ̄ ń kété ī-mbə́rē nápar de gə̄ī-tə́nīdə́ ní, ənīn̄ nang tə́!

Bible sar

¹² I ba̰ý á ḭ̄ ń i dɔgə́ loo tīī kə́ ā ī-ndə́lē ní, ḭ́ḭ dɔ rā̰ tə́ ə̄sō ní? Ḭ̄ ń kété ī-mbə́rē nápar de gə̄ī-tə́nīdə́ ní, ənīn̄ nang tə́!

IJAI 14:12 Referans Kwoze

Najə̄ kə́ Majə yā Jeju ń Luk ndang ní 10:18

Anī Jeju tél ədadə́ na: M-á̰a̰ Sətan ḭḭ dɔ rā̰ tə́ əsō tītə̄ man̄ kə́ tel̄ beé.

JEJU TEĒ KUM JA̰A̰ 8:10

De kə́ dɔ rā̰ tə́ kə́ nge ko̰ mətá kɔ̄ŕ bərúnjə, anī tə́yō̰ kógə̄ḿ kə́ bo ḭḭ dɔ rā̰ tə́ əsō, unjə̄ tītə̄ hor ngel̄ beé. Ré gángə̄n̄ bā gə̄ gír loo mətá anī, tə́yō̰ ní əsō i dɔ gírən kə́ kógə̄ḿ tə́ ō, dɔ kəɓa man̄ gə̄ tə́ ō.

JEJU TEĒ KUM JA̰A̰ 22:16

Mā Jeju, m-ə́la deē yāḿ kə́ dɔ rā̰ tə́ kadə̄ reē teē kumsí dɔ yá̰a̰ gə̄ ń noō tə́ malang kə̄ kem Egəlijə gə̄ tə́. Mā i de kə́ gír kojə yā Dabid tə́ ō, dɔgə́ loo tīī kə́ ndə́lē ō.

2 PIYER 1:19

Adə̄ jḭḭ j-əhɔ gír najə̄ ń ngé koō ta gə̄ ədan̄ ní adə̄ ngan̄g ngá̰ý tɔȳ kə́ kété ɓáý. Ré ə̄ndāī kumsí gír najə̄ ní tə́ anī, ī-rāāī i yá̰á̰ kə́ majə. Tɔdɔ̄ ni-to i tītə̄ hor lámbá kə́ unjə̄ loo kə́ risə til tə́ beé bátə́ kadə̄ loo tīīń ō, tītə̄ dɔgə́ loo tīī kə́ teē ngarān̄g kemsí tə́ beé ō.

IJAI 34:4

Ɓūtə̄ tə́yō̰ gə̄ malang tə́sōn̄, gájə́də́ gə̄ i dūbú. Dɔ rā̰ ɓír̄ rɔ̄n gidə naā tə́ tītə̄ makətūbə̄ beé. Yá̰á̰ kə́ dɔ rā̰ tə́ gə̄ malang urə̄n̄ tītə̄ mbī kāgə̄ nduú aláa mbī kāgə̄ kótə̄ kə́ tutə beé.

JEJU TEĒ KUM JA̰A̰ 2:28

Tītə̄ ń bɔbə́ḿ adə̄m̄neé tɔ́gə́ ní, mā m-ā m-ādə̄ deē ní dɔgə́ loo tīī ō.

2 PIYER 2:4

Tɔdɔ̄ de kə́ dɔ rā̰ tə́ gə̄ ń rāān̄ majaĺ ní, Nə́ɓā əya̰də́ karī alé, banī ɓōkə́də́ loo kə́ yá̰á̰ kə́ tōr̄ a rāādə́ tū tə́ tə́. Tó̰ō̰n̄də́ kə súĺ ba ngōmə̄n̄də́ loo ngeé ń noō tə́ kum til tə́, yā ngóoń ndɔ̄ gān̄g sarya.

JEJU TEĒ KUM JA̰A̰ 9:1

De kə́ dɔ rā̰ tə́ kə́ nge ko̰ mí kɔ̄ŕ bərúnjə, anī m-á̰á̰ tə́yō̰ kógə̄ḿ ḭḭ dɔ rā̰ tə́ əsō dɔ nang tə́. Adə̄n̄ tə́yō̰ ní lakélé ta bəlo kə́ bo ngá̰ý kə́ ngɔ́nən gətóo.

JEREMI 50:23

Kété ní Babilon i mūú kə́ nge rējə̄ de gə̄ malang kə́ dɔ nang tə́. Ba ń toō ɓáa, tétə̄nən̄ naā tə́ rárák kɔ̄ɔ́. Ní, rāān̄ yá̰á̰ ń noō i ba̰ý? Babilon tél i ɓē kə́ nujə sák sák kɔ̄ɔ́ dan ɓē gə̄ yā nápar de gə̄ tə́.

IJAI 13:10

Tə́yō̰ kə́ dɔ rā̰ tə́ gə̄ ō, ɓūtə̄ tə́yō̰ gə̄ ō ní, a nujən̄ to̰ alé. Dan ń mbang a əɓa lap anī, a tetə ndul kɔ̄ɔ́ ō, nāā a ndaa to̰ aĺ ō.

JEREMI 51:53

Ká ré Babilon al̄ ndiń i dɔɔ́ dɔ rā̰ tə́, rāań loo kə́ ngan̄g utə̄ń gidən, adə̄ deē asə kugə̄ gōn tə́ aĺ gə̄gē anī, m-ā m-ə́lá ngé nujə loo gə̄ kadə̄ aw̄n̄ bátə́ ugə̄n̄ gōn tə́ yā nujə seneé. Najə̄ ń Kɔ́ɔ̄ɓē əda ní n noó.

NŌŌ RƆ̄ 2:1

I ba̰ý á Kɔ́ɔ̄ɓē utə̄ dɔ ngōmandə kə́ Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.

EJEKIEL 26:17

Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.

ABƏDIAS 1:4

Ká ré ḭ̄ ḭ́ḭń bɔ̄gə̄ aw̄ń i dɔɔ́ sa̰y tītə̄ yā māl̄ gə̄gē, ká ré ī-rāań ɓēí i dan tə́yō̰ gə̄ tə́ gə̄gē, m-ā m̄-mbəreī yā kənī nang tə́. I mā Kɔ́ɔ̄ɓē n m-ə́da najə̄ ń noō ní.