IJAI 13:9 - Bibəl ta Sar̄

⁹ Ndɔ̄ yā Kɔ́ɔ̄ɓē n a reē toó. Ka̰a̰ kum tō ndoō yā deē gətóo ndɔ̄ ń noō tə́. I ndɔ̄ wōn̄g kə́ ngá̰ý. A tūr̄ dɔ nang kadə̄ tél dəla loo kə́ wōn̄g i tū tə́ ō, de gə̄ ń najə̄ i dɔdə́ tə́ ní, ni a nujədə́ kɔ̄ɔ́ ō.

Bible sar

⁹ Ndɔ̄ yā Kɔ́ɔ̄ɓē n a reē toó. Ka̰a̰ kum tō ndoō yā deē gətóo ndɔ̄ ń noō tə́. I ndɔ̄ wōn̄g kə́ ngá̰ý. A tūr̄ dɔ nang kadə̄ tél dəla loo kə́ wōn̄g i tū tə́ ō, de gə̄ ń najə̄ i dɔdə́ tə́ ní, ni a nujədə́ kɔ̄ɔ́ ō.

IJAI 13:9 Referans Kwoze

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

NAHUM 1:2

Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

PĀ GƏ̄ 104:35

Ādə̄ ngé rāā majaĺ gə̄ gətóon̄ kɔ̄ɔ́ dɔ nang tə́ ō, ādə̄ ngé kem ndul gə̄ ndin̄ kə kumdə́ to̰ aĺ ō! Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Aleluya!

Gōsə̄ najə̄ gə̄ 2:22

Banī a ɔrə̄n̄ ngé kem ndul gə̄ kɔ̄ɔ́ dan deē madə̄də́ gə̄ tə́ dɔ nang tə́ ō, a ró̰ȳn̄ de kə́ sew aĺ gə̄ kɔ̄ɔ́ dɔ nang tə́ ō.

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

IJAI 9:19

De gə̄ rə́yā̰n̄ dāmə̄n kə́ ko̰ó̰, banī ɓō rāādə́ ɓáý. Nin̄ do̰ō̰n̄ dāmə̄n kə́ geleé, banī ndānə̄n̄ alé. Náā nəkɔ́ ɓáa ənī madə̄ ɓēn i rɔ̄ɔ̄.

EJEKIEL 13:5

Nin̄ aw̄ tínīn̄ kum bəlo gə̄ kə́ tū ndogə̄ mbal̄ tə́ aĺ ō, ənīn̄ ndogə̄ mbal̄ dɔsí tə́ yā ngɔ̄məńsí ta rɔ̄ɔ̄ tə́ ndɔ̄ wōn̄g yā Kɔ́ɔ̄ɓē tə́ aĺ ō.

JOEL 1:15

Ndoō wa. Ndɔ̄ kə́ to ɓōĺ ngá̰ý ń i ndɔ̄ yā Kɔ́ɔ̄ɓē ní dɔ i ngɔr! Loo kə́ nujə ń i Nə́ɓā kə́ bo kə́ tɔ́gən i ngá̰ý n gḛy ní, a reē naā tə́ seneé.

NAHUM 1:8

dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.

JAKARI 14:1

Sḭḭ̄ de kə́ Jerusalem gə̄, dɔ ndɔ̄ yā Kɔ́ɔ̄ɓē i ngɔr. Gír de kə́ rang gə̄ a kə̄ngə̄n̄ naā yá̰a̰ kənge yāsí gə̄ ta kumsí tə́.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

IJAI 34:8

I ndɔ̄ ń Kɔ́ɔ̄ɓē a daləń ba̰ā̰ dɔ dɔ Edom gə̄ tə́ ní, i ɓāl̄ ń nge rɔ̄ɔ̄ dɔ ɓē kə́ Siyo̰ tə́ a dəjeńdə́ gíŕ yá̰a̰ rāādə́ gə̄ ní.

IJAI 63:4

Kemḿ tə́ ní m̄-ndigə i dal ba̰ā̰ḿ. Kum mbang gān̄g dɔ gír deē yāḿ gə̄ asə.

IJAI 66:17

Najə̄ ń m-ɔ̄r̄ toó i najə̄ yā ngé tə́go rɔ̄də́ kadə̄ unjə̄ kə rī kudəń kem ndɔr̄ gə̄ kə́ yā ɓōĺ gidə tə́. Nin̄ a ran̄ i gidə de kə́ ra danaá tə́. Nin̄ a əsan̄ i kosong, aláa yégə̄, yá̰á̰ kə́ majaĺ ngá̰ý gə̄. De gə̄ ń noō a oyn̄ ndɔ̄ naā tə́ malang. Najə̄ ń Kɔ́ɔ̄ɓē əda ní n noó.

EJEKIEL 30:3

A̰á̰ā̰, ndɔ̄ yā Kɔ́ɔ̄ɓē a reē noó, dɔ to ngɔr ngá̰ý. I ndɔ̄ kə́ kil̄ man̄ a ndul ndí ndḭ́. I kum mbang ń a gāngə̄nəń sarya dɔ nápar de gə̄ tə́ ní.

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.

SOPONI 1:15

Ndɔ̄ ngeé ń noō i ndɔ̄ yā wōn̄g ō, wur kɔl ō, i ndɔ̄ yā ɓōĺ ō, loo kə́ nujə ō, i ndɔ̄ yā yo ō, loo kə́ ndɔ̄ɔ́ ō, i ndɔ̄ yā loo kə́ risə til ō, yā kil̄ man̄ gə̄ ō, i ndɔ̄ yā kə́ tuútu ō.