IJAI 13:4 - Bibəl ta Sar̄

⁴ Ōōī kōō yá̰á̰ ń a ɓār̄ dɔ mbal̄ gə̄ tə́ noō: I kōō de kə́ ngá̰ý gə̄. Ōōī kōō ɓē ko̰o̰ gə̄ ń a ɓār̄ noó, kōō nápar de gə̄ kə́ ɔsən̄ dɔdə́ naā tə́. I Kɔ́ɔ̄ɓē kə́ bo kə́ tɔ́gən i ngá̰ý n a əndā ma̰ȳ ɓūtə̄ áskar yān gə̄ tām̄ yā rɔ̄ɔ̄ tə́ ní.

Bible sar

⁴ Ōōī kōō yá̰á̰ ń a ɓār̄ dɔ mbal̄ gə̄ tə́ noō: I kōō de kə́ ngá̰ý gə̄. Ōōī kōō ɓē ko̰o̰ gə̄ ń a ɓār̄ noó, kōō nápar de gə̄ kə́ ɔsən̄ dɔdə́ naā tə́. I Kɔ́ɔ̄ɓē kə́ bo kə́ tɔ́gən i ngá̰ý n a əndā ma̰ȳ ɓūtə̄ áskar yān gə̄ tām̄ yā rɔ̄ɔ̄ tə́ ní.

IJAI 13:4 Referans Kwoze

JOEL 2:25

Kōō yāsí gə̄ ń m-ə́la kə kur̄ kə́ ngá̰ý yāḿ gə̄ ń i yim̄ gə̄ ō kə́ndīŕ gə̄ ō gaẃ gə̄ ō taw̄ gə̄ ō, adə̄ nujənə̄ń kɔ̄ɔ́ kem ɓāl̄ kə́ kété gə̄ tə́ ní, m̄-téləń m-ādə̄sí gogə́.

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

IJAI 5:26

Kɔ́ɔ̄ɓē udə dərapóo rɔ̄ɔ̄ kógə̄ḿ dɔɔ́, yā kɔrə̄ń najə̄ kə nápar de gə̄ ń ndin̄ sa̰y ní. Nin̄ ń ndin̄ i ta ngóy dɔ nang tə́ ní, ni-ɓāŕdə́ kə ngélé. Anī gír de gə̄ ní nin̄ n toó, nin̄ reēn̄ láẃ ngá̰ý, njadə́ hɔɔ́lɔ̄.

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

IJAI 17:12

I yá̰á̰ kə́ to kum kaȳ aĺ kə́ ba̰ý beē! Nápar de kə́ ngá̰ý gə̄ ń toó, kōōdə́ ɓār̄ tītə̄ kōō bā bo gə̄ beé. Kōō do̰ rɔ̄ɔ̄ yādə́ ɓār̄ tītə̄ kōō bəngál bā bo kə́ ḭḭ kə tɔ́gɔ́ ngá̰ý beē.

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

JEREMI 21:4

Najə̄ ń Kɔ́ɔ̄ɓē, Nə́ɓā yā Israel əda ní n toó: Yá̰á̰ rɔ̄ɔ̄ kə́ jīsí tə́ gə̄ ń ī-rɔ̄ɔ̄īneé mban̄g kə́ Babilon ō, de kə́ Kalde tə́ gə̄ ń gīrə̄n̄ gidə ndogə̄ mbal̄ gə̄ ō ní, m-ā m̄-tūr̄ ta kum kə̄ kem ɓēé.

JEREMI 25:14

Tɔdɔ̄ nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō, a o̰o̰n̄ ɓē dɔdə́ tə́. M-ā m-ādə̄ əgān̄ kə̄rā yá̰a̰ gə̄ ń rāān̄ ní ō, jī bēl̄ loo rāā yá̰a̰ yādə́ gə̄ ō.