IJAI 13:22 - Bibəl ta Sar̄

²² Ɓon̄g gə̄ a nōōn̄ kem kújə́ kə́ ngāl̄ ɓururu kə́ tū tə́ gə̄ tə́ ō, tal̄ gə̄ a nōōn̄ kem kújə ngol kə́ tū tə́ gə̄ ń yá̰a̰ i ngá̰ý kemeé ní tə́ ō. Kum mbang ń gír yā Babilon a gāgəń ní, dɔ i ngɔr, a reē noó. Ndɔ̄n gə̄ i kə́ tə́da kɔ̄ɔ́.

Bible sar

²² Ɓon̄g gə̄ a nōōn̄ kem kújə́ kə́ ngāl̄ ɓururu kə́ tū tə́ gə̄ tə́ ō, tal̄ gə̄ a nōōn̄ kem kújə ngol kə́ tū tə́ gə̄ ń yá̰a̰ i ngá̰ý kemeé ní tə́ ō. Kum mbang ń gír yā Babilon a gāgəń ní, dɔ i ngɔr, a reē noó. Ndɔ̄n gə̄ i kə́ tə́da kɔ̄ɔ́.

IJAI 13:22 Referans Kwoze

JEREMI 51:33

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Babilon ń i dəyá̰ kə́ mandə ní, to tītə̄ gár̄ kə́ deē teē kemən kə̄ gogə́ kadə̄ laa beé. Sḛ́ý to̰ anī, kum mbang sāā kōō a ugə̄ tām̄ yān tə́.

IJAI 35:7

Nán̄g ngárə̄ḿnjēý kə́ təngā a tél dang man̄ kə́ bo, nang kə́ kəndā man̄ a rāā de gə̄ tū tə́ a tél gō nang kə́ man̄ gə̄ a əɓan̄ nang tə́ tū tə́. Loo ń kété tal̄ gə̄ rāān̄ ɓē tū tə́ ní, mu tə̄ɓā ō mu papirus ō a əɓan̄ tū tə́.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

IJAI 34:13

Túpə̄ kōn̄ gə̄ a əɓan̄ kem kújə ngol gə̄ tə́, mu kə́ majaĺ gə̄ ō, ngar̄ gə̄ ō, a taān̄ loo dɔ ndogə̄ mbal̄ gə̄ kə́ yā rɔ̄ɔń dɔ ɓē tə́ kɔ̄ɔ́. Tal̄ gə̄ a rāān̄ ɓē loo ń noō tə́ ō, burum gə̄ a ndin̄ tū tə́ ō.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

PĀ GƏ̄ 44:19

J-əya̰ gōí aĺ ō, jə-tɔ̄ kɔ̄ɔ́ dɔ róbə yāí tə́ aĺ ō.

IJAI 32:14

Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

IJAI 43:20

Dā̰ kə́ bembeé gə̄, tal̄ gə̄ kə burum gə̄ a rɔȳmə̄n̄, tɔdɔ̄ m̄-rāā adə̄ man̄ nūgə́ dəla loo tə́, bā gə̄ nūgə́n̄ loo kə́ tutə ń toō tə́. A̰á̰ā̰, gír de gə̄ ń m̄-gə̄rādə́ ní, m̄-ndigə kadə̄də́ man̄ kadə̄ a̰ȳn̄.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 48:16

Moab a nujə sák sák ngɔr. Yá̰á̰ kə́ to kum kaȳ aĺ a əsō dɔn tə́.

NŌŌ RƆ̄ 4:3

Tal̄ gə̄ gə̄gē a, adə̄n̄ ngáńdə́ gə̄ mba adə̄ ilən̄ ō, adə̄n̄də́ yá̰á̰ adə̄ əsan̄ ō. Banī ngōmandə ń toō ń rāā rɔ̄n i gír deē yāḿ gə̄ tə́ ní, kumən o̰o̰n alé, tītə̄ burum kə́ dəla loo tə́ beé.

MISE 1:8

I tām̄ najə̄ ń toō tə́ n m-ā m-ún pā yo ō, m-ā m̄-nōō ō ní. M-ā m̄-njə̄rā njaḿ karī kanjə̄ sākə̄rā ō, kanjə̄ kūbə̄ rɔ̄ḿ tə́ ō. M-ā m̄-nōō tītə̄ tal̄ ō, m-ā m̄-nōō tītə̄ burum ō.

IJAI 14:23

M-ā m̄-rāā ɓē bo ngeé ń toō kadə̄ a tél loo kə́ man̄ i tū tə́ ō, bɔr kə́ tū tə́ i kə́ ndul ō, kɔȳ gə̄ a ndin̄ tū tə́ ō. M-ā m-ɔ́y loo kə́ tū tə́ i kə ndəsā kə́ a nujə loo. I mā Kɔ́ɔ̄ɓē kə́ bo kə́ tɔ́gən i ngá̰ý n m-ə́da najə̄ ń noō ní.

IJAI 34:14

Məla bembə gə̄ a ndɔ̄də̄n̄ ɓon̄g gə̄, bal bə̄yā̰ gə̄ a əngen̄ naā loo ń nuū tə́. Lilitə ń i ndíĺ kə́ majaĺ kə́ ndɔ̄ɔ́ ní, a ndi i loo ń noō tə́ ō, a ɔr̄ koō i loo ń noō tə́ ō.

SOPONI 2:14

Ɓūtə̄ yá̰a̰ kul̄ gə̄ a ndin̄ tū tə́ danaá bang. Dā̰ kə́ tayā tayā gə̄ ō, kɔȳ múu gə̄ ō, kɔȳ kōrōrōý ō, a ɓīīn̄ dɔ kāgə̄ nga dan kújə yān gə̄ tə́ dɔɔ́ ndɔ̄ɔ́ ō, yel̄ gə̄ a ndin̄ ta ko̰rō̰ kújə gə̄ tə́ yā nōōn̄ kadə̄ deē oō kōōdə́ ō, ré deē udə kə̄ kemeé anī, a a̰a̰ i kɔkərɔ kə́ ra dɔ naā tə́ bing gə̄ ō, kāgə̄ ta róbə́ kújə gə̄ ń rāān̄də́ i kə kāgə̄ Sédər ní, i kə́ ró̰ȳ kɔ̄ɔ́ ō.