IJAI 13:21 - Bibəl ta Sar̄

²¹ Banī məla kə́ bembeé gə̄ a ndin̄ kem ɓē ngeé ń toō tə́, kɔȳ gə̄ a rosən̄ kem kújə gə̄ tū tə́. Burum gə̄ a rāān̄ ɓē kemeé ō, bal bə̄yā̰ gə̄ a ndāmə̄n̄ naā kemeé ō.

Bible sar

²¹ Banī məla kə́ bembeé gə̄ a ndin̄ kem ɓē ngeé ń toō tə́, kɔȳ gə̄ a rosən̄ kem kújə gə̄ tū tə́. Burum gə̄ a rāān̄ ɓē kemeé ō, bal bə̄yā̰ gə̄ a ndāmə̄n̄ naā kemeé ō.

IJAI 13:21 Referans Kwoze

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

IJAI 23:13

Ādə̄ əga kemsí dɔ ɓē yā Babilon gə̄ tə́: Gír de gə̄ ń noō gətóon̄ kɔ̄ɔ́. Dɔ nang kə́ Asiri rāā ɓē ní adə̄ tél i ɓē yā dā̰ kə́ bembeé gə̄. De kə́ Asiri gə̄ rāān̄ kújə́ kə́ ngāl̄ ɓururu kə̄ dɔɔ́ gə̄ yā kənīnneé rɔ̄ɔ̄. Nin̄ tétə̄n̄ kújə ngol yān gə̄ nang tə́ kɔ̄ɔ́ ō, nin̄ rāān̄ adə̄ ni-tél i kɔkərɔ kə́ kán̄ dɔ naā tə́ bing ō.

IJAI 32:14

Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

JEREMI 50:39

I tāmə̄n̄ toō tə́ n məla bembə gə̄ ō, ɓon̄g gə̄ ō, a reēn̄ yā rāā ɓē Babilon tə́ ō. Burum gə̄ a rāān̄ ɓē yādə́ i noó ō. Deē a ndi Babilon tə́ to̰ aĺ bátə́, deē a ndi kemeé to̰ aĺ i kə́ bátə́ gə̄ tə́ ta ngóy ndɔ̄ gə̄ tə́.

MISE 1:8

I tām̄ najə̄ ń toō tə́ n m-ā m-ún pā yo ō, m-ā m̄-nōō ō ní. M-ā m̄-njə̄rā njaḿ karī kanjə̄ sākə̄rā ō, kanjə̄ kūbə̄ rɔ̄ḿ tə́ ō. M-ā m̄-nōō tītə̄ tal̄ ō, m-ā m̄-nōō tītə̄ burum ō.

SOPONI 2:14

Ɓūtə̄ yá̰a̰ kul̄ gə̄ a ndin̄ tū tə́ danaá bang. Dā̰ kə́ tayā tayā gə̄ ō, kɔȳ múu gə̄ ō, kɔȳ kōrōrōý ō, a ɓīīn̄ dɔ kāgə̄ nga dan kújə yān gə̄ tə́ dɔɔ́ ndɔ̄ɔ́ ō, yel̄ gə̄ a ndin̄ ta ko̰rō̰ kújə gə̄ tə́ yā nōōn̄ kadə̄ deē oō kōōdə́ ō, ré deē udə kə̄ kemeé anī, a a̰a̰ i kɔkərɔ kə́ ra dɔ naā tə́ bing gə̄ ō, kāgə̄ ta róbə́ kújə gə̄ ń rāān̄də́ i kə kāgə̄ Sédər ní, i kə́ ró̰ȳ kɔ̄ɔ́ ō.

LEBI GƏ̄ 11:16

burum, gabə kɔsə, yel̄ dɔ bā, gír nənga kə́ tayā tayā gə̄,

IJAI 14:23

M-ā m̄-rāā ɓē bo ngeé ń toō kadə̄ a tél loo kə́ man̄ i tū tə́ ō, bɔr kə́ tū tə́ i kə́ ndul ō, kɔȳ gə̄ a ndin̄ tū tə́ ō. M-ā m-ɔ́y loo kə́ tū tə́ i kə ndəsā kə́ a nujə loo. I mā Kɔ́ɔ̄ɓē kə́ bo kə́ tɔ́gən i ngá̰ý n m-ə́da najə̄ ń noō ní.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.