IJAI 13:2 - Bibəl ta Sar̄

² Kɔ́ɔ̄ɓē əda na: Údiī dərapóo rɔ̄ɔ̄ dɔ mbal̄ kə́ ndágə doy karī tə́. Úriī kɔĺ ī-tāāīneé ngé rɔ̄ɔ̄ gə̄. Ī-wélī jīsí ādə̄ nin̄ udən̄neé kə ta róbə yā de kə́ bo kə́ kem ɓēé gēé.

Bible sar

² Kɔ́ɔ̄ɓē əda na: Údiī dərapóo rɔ̄ɔ̄ dɔ mbal̄ kə́ ndágə doy karī tə́. Úriī kɔĺ ī-tāāīneé ngé rɔ̄ɔ̄ gə̄. Ī-wélī jīsí ādə̄ nin̄ udən̄neé kə ta róbə yā de kə́ bo kə́ kem ɓēé gēé.

IJAI 13:2 Referans Kwoze

JEREMI 51:58

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ndogə̄ mbal̄ kə́ ngāl̄ ngá̰ý gə̄ kə́ Babilon tə́ tə́sōn̄ ō, hor o̰o̰ ta róbə yān gə̄ kə́ ngālə̄n̄ ngá̰ý kum kə̄ dɔɔ́ gə̄ ō. Gír de gə̄ rāān̄ i kəla kə́ ndāńg karī ō, nápar de gə̄ rāān̄ kəla adə̄ kɔr rāādə́ i tām̄ yā hor tə́ ngóy ō.

IJAI 5:26

Kɔ́ɔ̄ɓē udə dərapóo rɔ̄ɔ̄ kógə̄ḿ dɔɔ́, yā kɔrə̄ń najə̄ kə nápar de gə̄ ń ndin̄ sa̰y ní. Nin̄ ń ndin̄ i ta ngóy dɔ nang tə́ ní, ni-ɓāŕdə́ kə ngélé. Anī gír de gə̄ ní nin̄ n toó, nin̄ reēn̄ láẃ ngá̰ý, njadə́ hɔɔ́lɔ̄.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 51:25

Mbal̄ kə́ nge nujə loo gə̄, ḭ̄ ń ī-nujə dɔ nang kə taá malang ní, m-ə́hɔī ɓōólaā tā! M-ə́la jīḿ kə̄ dɔí tə́, m̄-rāāī adə̄ ī-ndūbə̄rū dɔ mbal̄ gə̄ tə́ ī-teē ə̄sō ō, m̄-rāāī adə̄ ī-tél dūbə̄ yā̰l̄ hor kə́ ajə ying ō. Najə̄ ń Kɔ́ɔ̄ɓē əda ní n noó.

IJAI 10:32

Ndɔ̄ ngeé noō tə́ ní madə̄ ba̰ā̰ gə̄ dəban̄ Nob. Nin̄-unən̄ jīdə́ kə́ ɓir̄ əlan̄ kə̄ dɔɔ́, yā kəlań ɓōĺ kem mbal̄ bo kə́ Siyo̰ tə́, kem ngōn̄ mbal̄ kə́ Jerusalem tə́.

IJAI 18:3

Sḭḭ̄ de gə̄ malang ń ī-ndiī dɔ nang tə́ ní, sḭḭ̄ ń ī-taāī loo malang dɔ nang tə́ ní, dan ń a udən̄ yá̰á̰ kə́ ɔjə kadə̄ yá̰á̰ kógə̄ḿ a rāā yā rāā yá̰a̰ dɔ mbal̄ bo gə̄ tə́ anī, á̰a̰ī ō, dan ń a kɔ̄rə́n̄ tōw̄ gajə batə̄ anī, ōōī ō.

IJAI 11:15

Bā bo kə́ Ejiptə ní, Kɔ́ɔ̄ɓē a rāā kadə̄ man̄ kə́ tū tə́ gətóo kɔ̄ɔ́. Ni a wél̄ jīn yā kəlań ɓōĺ kem bā Opəratə tə́. Ni a gān̄g bā ngeé ń toō kə koō kə́ tan tə́ kə́ tɔ́gən i ngá̰ý kadə̄ a téĺ ngán man̄ gə̄ gír loo sīrí. Deē a asə teē man̄ gə̄ ní kə sākə̄rāá njan tə́.

IJAI 11:12

Ni a udə dərapóo rɔ̄ɔ̄ yā tāań nápar de gə̄ ngeé ń toō najə̄ yá̰á̰ ń ni sāā rāā tə́ ní. Israel gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a ɔsə dɔdə́ naā tə́ ō, Juda gə̄ ń aw̄n̄ kə̄ kíl dɔ nang kə́ sɔ́ gə̄ tə́ ní, ni a kán̄də́ kə̄ naā tə́ ō.

PĀ GƏ̄ 60:4

Ī-rāā ādə̄ dɔ nang ndebə ō njar ō ní, ī-tél ə̄ndā ta naā tə́ gogə́ tām̄ a yéȳ i mbée!

IJAI 19:16

Ndɔ̄ kógə̄ḿ tə́ anī de kə́ Ejiptə gə̄ a ton̄ tītə̄ dəyá̰ gə̄ beé. Dan ń Kɔ́ɔ̄ɓē kə́ bo kə́ tɔ́gən i ngá̰ý a un jīn kə́ ɓir̄ yā kəlań ɓōĺ kemdə́ tə́ anī, ɓōĺ a rāādə́ kadə̄ a ndewn̄.

IJAI 31:9

Ɓōĺ a rāādə́ adə̄ nin̄ a ndewn̄. Ngé gə̄ ń ngangə̄n̄ tɔȳ madə̄də́ gə̄ ní a a̰ȳn̄ naā ō, ngār gə̄ ń jīdə́ ur̄ wak ní, a əya̰n̄ dərapóo yādə́ kɔ̄ɔ́ ō. I Kɔ́ɔ̄ɓē ń ta ndo̰ hor yān i Siyo̰ ní, ni ń hor yān o̰o̰ kem ɓē kə́ Jerusalem tə́ ní. Najə̄ ń ni əda ní n noó.

JEREMI 50:41

Gír deē kógə̄ḿ gə̄ ḭḭn̄ mbɔ́r ɓē kə́ ko̰ó̰ tə́ a reēn̄ noó, nápar de kə́ ngá̰ý gə̄ ō, mban̄g kə́ ngá̰ý gə̄ ō ḭḭn̄ ta ngóy dɔ nang tə́ a reēn̄ noó.

JEREMI 51:12

Ə́laī dərapóo rɔ̄ɔ̄ kum kə̄ dɔ ndogə̄ mbal̄ kə́ Babilon tə́, ī-rēēī kə ngé ngɔ̄m̄ loo gēé dɔ madə̄ tə́ ɓáý, ī-tə́ndāī ngé ngɔ̄m̄ loo gə̄ ō, ngé ngān̄g róbə gə̄ ō, loo ndadə́ gə̄ tə́. A̰á̰ā̰, yá̰á̰ ń Kɔ́ɔ̄ɓē əda dɔ de kə́ Babilon gə̄ tə́ ní, i yá̰á̰ kə́ ni gír̄ dɔ tə́ ō, rāā ō.