IJAI 13:19 - Bibəl ta Sar̄

¹⁹ Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

Bible sar

¹⁹ *Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

IJAI 13:19 Referans Kwoze

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

TA KƏLA 19:24

Loo ń noō tə́ Kɔ́ɔ̄ɓē rāā adə̄ hor bursu ḭḭ dɔ rā̰ tə́ edə tītə̄ man̄ dɔ ɓē kə́ Sodom tə́ ō, Gomor tə́ ō.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

JEREMI 51:41

I ba̰ý á taān̄ ɓē kə́ Sesak ō, ndin̄ kemeé ō, ni ń i ɓē kə́ rīn ɓār̄ taā gō dɔ nang malang ní? I ba̰ý á ɓē kə́ Babilon tél loo i kə́ to kum ko̰ dáń ɓē gə̄ yā nápar de gə̄ tə́ ní?

JEREMI 50:40

De kógə̄ḿ kə́ yā ndi ɓē loo ń noō tə́ to̰ a gətóo ō, de kə́ yā kaw̄ ndi kemeé a gətóo ō. Tītə̄ yā Sodom ō, Gomor ō, ɓē gə̄ ń ndi girə̄n̄ gidədə́ á Nə́ɓā nujəń kɔ̄ɔ́ ō ní. Najə̄ ń Kɔ́ɔ̄ɓē əda ní n noó.

JEREMI 49:18

Tītə̄ ń deē gətóoń Sodom ō, Gomor ō, ɓē gə̄ ń ndin̄ kə gō gidədə́ á nujən̄ sák sák kɔ̄ɔ́ ō ní tītə̄ ń toō deē kógə̄ḿ kə́ yā rāā ɓē loo ń noō tə́ a gətóo ō, deē ndul kə́ yā kaw̄ ndi kemeé a gətóo ō. Najə̄ ń Kɔ́ɔ̄ɓē əda ní n noó.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

Makətūbə̄ ń Pol ndang adə̄ Rom gə̄ ní 9:29

I yá̰a̰ nəkɔ́ ń toō n Ijai əda kété ɓáý to̰ ní, ni-əda na: Nə́ngētə́ Kɔ́ɔ̄ɓē kə́ bo kə́ tɔ́gən i ngá̰ý əya̰ kōōjí sḛ́ý aĺ anī, ta yājí a to tītə̄ yā Sodom ō Gomor ō.

JEJU TEĒ KUM JA̰A̰ 18:11

Ba ngé rāā gātə̄ kə́ dɔ nang tə́ gə̄ nōōnən̄ ō, əhɔn̄ ndoō tām̄ yān tə́ ō. Tɔdɔ̄ deē mangdə́ yá̰a̰ to̰ alé.

JEJU TEĒ KUM JA̰A̰ 18:19

Nin̄-əgan̄ bumbə́ru kə̄ dɔdə́ tə́ dɔdə́ tə́ ō əgan̄ kɔŕ ō, nōōn̄ ō, əhɔn̄ ndoō ō, ba ədan̄ na: Rɔ̄ tō ndoō, rɔ̄ tō ndoō! Tɔdɔ̄ ɓē kə́ bo ń ngé to bo gə̄ kə́ dɔ bā bo gə̄ tə́ malang əngen̄ yá̰a̰ i kə ta kūl̄neé ní, nujə sák sák kɔ̄ɔ́ i kum mbang kógə̄ḿ beē ngóy.

TA KƏLA 19:25

Ni-nujə ɓē kə́ jōó gə̄ ń noō kə de kə́ kemeé gə̄ malang ō, nujə ndágə loo malang ō, yá̰a̰ malang kə́ kəɓa dɔ nang tə́ ō.

IJAI 13:1

Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

IJAI 47:5

Ɓē yā Babilon gə̄, ī-ndi nang tə́ kə taí kə́ mbóó, ī-ɓɔ̄ɔ̄ rɔ̄í kum loo kə́ ndɔ̄ɔ́ tə́. Tām̄ a ɓāríīn̄ na i mban̄g kə́ dəyá̰ yā ɓē ko̰o̰ gə̄ to̰ aĺ i kə́ bátə́ gə̄ tə́.

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

JEREMI 25:12

Banī dan ń ɓāl̄ kə́ kutə sīrí gə̄ ní a təgān̄ anī, m-ā m-ə́nda mban̄g kə́ Babilon ō, nápar de gə̄ ń noō ō. M-ā m-ə́nda ɓē yā Kalde gə̄ ō, m-ā m̄-rāān kadə̄ a tél ndágə loo kə́ to kum ko̰ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

JEREMI 51:26

Deē a sāā mbal̄ kə́ yā kəndā kíĺ kújə, aláa ngəra kújə looí to̰ alé. Ā ī-tél loo kə́ nujə kɔ̄ɔ́ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

JEREMI 51:29

Dɔ nang ndebə̄ ō, ndām̄ ngin ngin ō, dan ń Kɔ́ɔ̄ɓē rāā yá̰á̰ ń ni núm̄ yā rāā kə Babilon ní. N rāān adə̄ téĺ ndágə loo kə́ to kum ko̰ ō, kə́ deē gətóo tū tə́ ō.

JEREMI 51:62

ā ə́da na: Kɔ́ɔ̄ɓē, i īkɔ́ n ɔr̄ najə̄ kə́ sɔɔ̄ dɔ loo ń toō yā kadə̄ ī-nujəń sák sák kɔ̄ɔ́ ō, kadə̄ yá̰á̰ kə́ taā koō, adə̄ i deē, aláa i dā̰, kə ndiń kemeé to̰ aĺ ō, kadə̄ tél loo kə́ to kum ko̰ kə́ njɔ́ḿ gə̄ tə́ ō ní.