IJAI 13:16 - Bibəl ta Sar̄

¹⁶ A rējə̄n̄ ngáń kásə̄ yādə́ gə̄ ta kumdə́ tə́, a ɔyn̄ yá̰a̰ kənge kə́ kem kújə yādə́ gə̄ tə́ dɔ gúú tə́. A sāān̄ nə̄yá̰də́ gə̄ dɔ gúú tə́.

Bible sar

¹⁶ A rējə̄n̄ ngáń kásə̄ yādə́ gə̄ ta kumdə́ tə́, a ɔyn̄ yá̰a̰ kənge kə́ kem kújə yādə́ gə̄ tə́ dɔ gúú tə́. A sāān̄ nə̄yá̰də́ gə̄ dɔ gúú tə́.

IJAI 13:16 Referans Kwoze

NAHUM 3:10

Ɓá tā ba əhɔn̄ de kə́ Tebə gə̄ aw̄n̄ sedə́ dɔ ɓē kə́ rang tə́ dɔ gúú tə́, tītə̄ dəngáy gə̄ beé ō. Ngáń kə́ dūú ngá̰ý kə́ kem ɓēé gə̄ gə̄gē ní, madə̄ ba̰ā̰də́ gə̄ réjēn̄də́ dɔ gajə róbə gə̄ tə́ malang. Nin̄ túgə̄n̄ wə̄lā dɔ ngār yān gə̄ tə́ malang ō, tṵ́ṵ̄n̄ de kə́ bo yān gə̄ malang kə súĺ ō.

OJEE 10:14

I tām̄ najə̄ ń noō tə́ n rɔ̄ɔ̄ a təngā dan gír deē yāí gə̄ tə́ ō, a nujən̄ ɓē yāí kə́ ngan̄g gə̄ malang kɔ̄ɔ́ ō ní. Nin̄ a ton̄ tītə̄ Bet Arbel. Dan ń mban̄g Salman ənī ɓē ń toō rɔ̄ɔ̄ ní, ni rējə̄ kó̰ó̰ ngán gə̄ ō, ngáńdə́ gə̄ ō.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.

NŌŌ RƆ̄ 5:11

Nin̄ ɓīīn̄ kə dəyá̰ kə́ Siyo̰ gə̄ ō, kə ngáń kə́ mandə kə́ Juda tə́ gə̄ ō, dɔ gúú tə́.

IJAI 13:18

Ga̰ gərā yādə́ mbə́rē balsáa gə̄ tə́nīdə́, kumdə́ o̰o̰də́ kə ngáń kásə̄ gēé alé, nel̄də́ rāā ngán gə̄ yá̰á̰ kə́ tōr̄.

IJAI 14:21

Majə kadə̄ i yā kəndā dɔ rɔ̄ danaá yā tɔ̄l̄ ngáń kə́ dəngam gə̄ kɔ̄ɔ́ najə̄ tɔ̄l̄ ń bɔbə̄də́ gə̄ tɔ̄lə̄n̄ de gə̄ tə́ ní. Majə kadə̄ nin̄ ḭḭn̄ dɔɔ́ yā taā loo dɔ nang tə́ to̰ aĺ ō, yā rāā ɓē bo gə̄ kadə̄ taān̄ loo dɔ nang tə́ malang to̰ aĺ ō.

IJAI 47:9

I beé ní, yá̰á̰ kə́ to kum kaȳ aĺ kə́ gír jōó gə̄ ń toō a teēn̄ dɔí tə́ i gidə kógə̄ḿ. Kem ndɔ̄ kə́ kógə̄ḿ beē tə́ ní, ā ī-tḭ̄ḭ̄ ta ngání gə̄ ō, ā ī-tél dəyá̰ kə́ ngaa koy ō. Yá̰a̰ malang ń ngé kəga gə̄ rāān̄ ní ō, yá̰a̰ malang ń ngé mbōlí gə̄ rāān̄ ō ní, a asən̄ kɔgə̄ yá̰á̰ ń noō rāā yá̰a̰ alé.

JEREMI 51:22

M-úniī m̄-tə̄ndań de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga gə̄ ō, balsáa gə̄ ō, ngáń kə́ dəngam gə̄ ō, ngáń kə́ dəyá̰ gə̄ ō.