IJAI 13:14 - Bibəl ta Sar̄

¹⁴ Loo ń noō tə́ mbā gə̄ kógə̄ḿ kógə̄ḿ a télən̄ yā kaw̄ gogə́ dan gír deē yādə́ gə̄ tə́, nin̄ kógə̄ḿ kógə̄ḿ a a̰ȳn̄ yā tél kaw̄ gogə́ dɔ nang yādə́ gə̄ tə́, tītə̄ kāl̄ kə́ deē ngɔ̄dən beé, tītə̄ batə̄ gə̄ kə́ de kə́ yā kɔsə njadə́ kə̄ naā tə́ gətóo beé.

Bible sar

¹⁴ Loo ń noō tə́ mbā gə̄ kógə̄ḿ kógə̄ḿ a télən̄ yā kaw̄ gogə́ dan gír deē yādə́ gə̄ tə́, nin̄ kógə̄ḿ kógə̄ḿ a a̰ȳn̄ yā tél kaw̄ gogə́ dɔ nang yādə́ gə̄ tə́, tītə̄ kāl̄ kə́ deē ngɔ̄dən beé, tītə̄ batə̄ gə̄ kə́ de kə́ yā kɔsə njadə́ kə̄ naā tə́ gətóo beé.

IJAI 13:14 Referans Kwoze

1 MBAN̄G GƏ̄ 22:17

Anī Mise tūr̄ ədan na n-a̰a̰ ngán Israel gə̄ malang tḭ̄ḭ̄n̄ naā kə̄ dɔ mbal̄ gə̄ tə́ tītə̄ batə̄ gə̄ kə́ nge kul̄də́ gətóo beé, ba Kɔ́ɔ̄ɓē əda na de gə̄ ń toō ngoldə́ gətóó ní, ādə̄ náā nəkɔ́ a tél ta kaw̄ gogə́ ɓēé kə kem kə́ sɔl̄ lɔmɔɔ́!

JEREMI 50:16

Nge dubə̄ kōō ō, ngé kəja kōō kə ngorongoó gə̄ dan yā sāā kōō gə̄ tə́ ō ní, ɔ̄rīdə́ kɔ̄ɔ́. Āyī naā kógə̄ḿ kógə̄ḿ ta kaskar kə́ kumən o̰o̰n aĺ tə́ kə̄ dan gír deē yāsí gə̄ tə́ ō, ādə̄ náā nəkɔ́ a̰ȳ kum kə̄ ɓē yān tə́.

1 MBAN̄G GƏ̄ 22:36

Dan ń mbang aw̄ kə̄ kuduú anī, mbēr̄ ɓār̄ kem gérgereé na: Ādə̄ de gə̄ télən̄ kógə̄ḿ kógə̄ḿ kə̄ ɓē yādə́ gə̄ tə́ ō, kə̄ gō nang yādə́ gə̄ tə́ ō,

JEREMI 51:9

Jə-nāā rāā kadə̄ do Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

IJAI 47:15

De gə̄ ń noō malang ní, ə́lá gír kɔr gōdə́ tə́ loo kaw̄ koō yādə́ tə́ i dan ń ḭ̄ i balsáá ɓáý ní. I beé ní, nin̄ i tām̄ yāí tə́ i najə̄ yá̰á̰ ń noō tə́! Ngɔlaā ní, nin̄ aw̄n̄ kə̄ loo gə̄ tə́ ō, deē kógə̄ḿ kə́ asə kajiī gətóo ō.

IJAI 17:13

Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

MATIYE 9:36

Dan ń Jeju a̰a̰ kósə de gə̄ anī kumən o̰o̰n tām̄ yādə́ tə́, tɔdɔ̄ de gə̄ ní ɔrən̄ ō, tɔ́gə́də́ ur̄ wak kɔ̄ɔ́ ō, tītə̄ batə̄ gə̄ kə́ nge kul̄də́ gətóo beé.

MARK 6:34

Loo ń Jeju teē kem to tə́, ba a̰a̰ kósə de gə̄ ngá̰ý anī, kumən o̰o̰n sedə́. Tɔdɔ̄ nin̄-ton̄ tītə̄ batə̄ gə̄ kə́ nge kul̄də́ gətóo beé, ba ni-əla gíŕ ndóōdə́ yá̰á̰ ngá̰ý.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

IJAI 21:15

De gə̄ a̰ȳn̄ naā kɔ̄ɔ́ no rɔ̄ɔ̄ tə́, a̰ȳn̄ naā kɔ̄ɔ́ no kaskar kə́ əndān̄ dɔ danaá yā kɔsəń deē tə́ tə́, no ga̰ gərā kə́ ɔrən̄ gō yā kurəńdə́ tə́, no rɔ̄ɔ̄ kə́ təngā piling tə́.

JEREMI 25:12

Banī dan ń ɓāl̄ kə́ kutə sīrí gə̄ ní a təgān̄ anī, m-ā m-ə́nda mban̄g kə́ Babilon ō, nápar de gə̄ ń noō ō. M-ā m-ə́nda ɓē yā Kalde gə̄ ō, m-ā m̄-rāān kadə̄ a tél ndágə loo kə́ to kum ko̰ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

NAHUM 3:18

Ḭ̄ mban̄g kə́ Asiri, ngé ko̰o̰ ɓē yāí gə̄ ɓīīn̄ i ɓīī kə́ njɔ́ḿ gə̄ tə́ ō, go̰ rɔ̄ɔ̄ yāí gə̄ ɔrən̄ rɔ̄də́ mer to̰ aĺ ō. Gír deē yāí gə̄ tə̄ndān̄ naā tḭ̄ḭ̄n̄ kə̄ dɔ mbal̄ bo gə̄ tə́ ō, de kə́ yā kɔsə njadə́ kə̄ naā tə́ gətóo ō.