IJAI 13:13 - Bibəl ta Sar̄

¹³ I tām̄ najə̄ ń noō tə́ n dɔ rā̰ a ndew ō, a yéȳn̄ dɔ nang dɔ ngəran gə̄ tə́ ō ní. Yá̰á̰ ń noō a rāā yá̰a̰ sɔɔ̄ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý, ndɔ̄ ń wōn̄g yān a o̰o̰ń loo tītə̄ hor beé ní.

Bible sar

¹³ I tām̄ najə̄ ń noō tə́ n dɔ rā̰ a ndew ō, a yéȳn̄ dɔ nang dɔ ngəran gə̄ tə́ ō ní. Yá̰á̰ ń noō a rāā yá̰a̰ sɔɔ̄ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý, ndɔ̄ ń wōn̄g yān a o̰o̰ń loo tītə̄ hor beé ní.

IJAI 13:13 Referans Kwoze

MATIYE 24:29

Sḛ́ý gō wur kɔl gə̄ kə́ kem ndɔ̄ gə̄ ngeé ń noō tə́ anī, mbang a ndul ō, nāā a ndaa to̰ aĺ ō, tə́yō̰ kə́ dɔ rā̰ tə́ gə̄ a tə́sōn̄ dɔ nang tə́ ō, ngé tɔ́gə́ kə́ dɔ rā̰ tə́ gə̄ a ndewn̄ ō.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

IJAI 51:6

Ə̄nī kumsí kə̄ dɔɔ́ á̰a̰īń loo kum kə̄ dɔ rā̰ tə́, ba ī-téĺ á̰a̰ī loo kum kə̄ nang tə́. Dɔ rā̰ a gətóo kɔ̄ɔ́ tītə̄ sa hor beé ō, dɔ nang a əsō ngisə tītə̄ kūbə̄ beé ō, de kə́ tū tə́ gə̄ a oyn̄ tītə̄ kón̄g gə̄ beé ō. Banī teē ɓəloó a to i kə́ njɔ́ḿ gə̄ tə́, kajə ń m̄-reēń ní ta tɔ̄l̄ tan a gətóo.

IJAI 34:4

Ɓūtə̄ tə́yō̰ gə̄ malang tə́sōn̄, gájə́də́ gə̄ i dūbú. Dɔ rā̰ ɓír̄ rɔ̄n gidə naā tə́ tītə̄ makətūbə̄ beé. Yá̰á̰ kə́ dɔ rā̰ tə́ gə̄ malang urə̄n̄ tītə̄ mbī kāgə̄ nduú aláa mbī kāgə̄ kótə̄ kə́ tutə beé.

Makətūbə̄ yā Job 9:6

ni-rāā adə̄ dɔ nang yéȳ ō, bir̄ njan gə̄ ń dɔ nang ndi tadə́ tə́ ní yéȳn̄ ō.

PĀ GƏ̄ 18:7

Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.

PĀ GƏ̄ 88:16

Rɔ̄ḿ əla gír tō ndoō ō, tɔ́gə́ḿ əla gír təgā kɔ̄ɔ́ ō i kə ngōn̄ dūúḿ. Ḭ̄ ə́la ɓōĺ kə́ ngá̰ý kemḿ tə́ adə̄ kemḿ nujə sák sák kɔ̄ɔ́ najə̄n tə́.

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

IJAI 9:19

De gə̄ rə́yā̰n̄ dāmə̄n kə́ ko̰ó̰, banī ɓō rāādə́ ɓáý. Nin̄ do̰ō̰n̄ dāmə̄n kə́ geleé, banī ndānə̄n̄ alé. Náā nəkɔ́ ɓáa ənī madə̄ ɓēn i rɔ̄ɔ̄.

IJAI 23:11

Kɔ́ɔ̄ɓē əla əla ɓōĺ kem bā bo tə́, ni-rāā adə̄ ɓē ko̰o̰ gə̄ ndewn̄. Loo kə́ ngan̄g ngá̰ý yā Kanaan gə̄ ń ngɔ̄mə̄n̄ majə ngá̰ý ní, ni-adə̄ ndūn kadə̄ nujənə̄ń kɔ̄ɔ́.

IJAI 24:1

Kɔ́ɔ̄ɓē nujə dɔ nang, ni ɔy yá̰a̰ kənge kə́ tū tə́ dɔ gúú tə́. ni bugə́jū loo dɔ nang tə́ kɔ̄ɔ́, tə̄ndā de kə́ dɔ nang tə́ gə̄ tḭ̄ḭ̄də́ kə̄ loo gə̄ tə́.

IJAI 24:18

Nge ka̰ȳ kɔŕ ɓōĺ a əsō gír bəloó. Ré ni asə teē bəloó kɔ̄ɔ́ anī, a əsō kum gūmbə̄ tə́. Ta ko̰rō̰ kújə gə̄ kə́ dɔ rā̰ tə́ i kə́ teē ngá̰ý, dɔ nang kə taá malang ndew dɔ ngəran tə́.

IJAI 24:19

Dɔ nang njar, ni tá̰ā̰, ni-əsō.

IJAI 21:1

Najə̄ yā dəla loo kə́ kadə bā bo tə́ ngɔr. Madə̄ ba̰ā̰ ḭḭ dəla loo tə́ reē, ḭḭ i kem ɓē kógə̄ḿ kə́ adə̄ de gə̄ ɓōĺ tə́ n reē, tītə̄ néĺ kə́ əla kə tɔ́gɔ́, kə́ ənda gō nang kə́ Negeb mān̄ beé.

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

JEREMI 51:1

Najə̄ ń Kɔ́ɔ̄ɓē əda ní n toó: M-ā m̄-rāā kadə̄ néĺ kə́ nge nujə loo əla dɔ Babilon tə́ ō, dɔ de kə́ Kalde gə̄ tə́ ō.