IJAI 12:6 - Bibəl ta Sar̄

⁶ Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

Bible sar

⁶ Ḭ̄ ń ī-ndi *Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ *táĺ yā *Israel ń ndi dansí tə́ ní, i de kə́ bo!

IJAI 12:6 Referans Kwoze

JAKARI 2:5

Mā Jakari m-ún kumḿ kə̄ dɔɔ́ anī, yá̰á̰ ń m-á̰ā̰ ní n toó, m-á̰a̰ i deē kógə̄ḿ kə́ əhɔ kəlā kə́ yā mbɔ̄jə́nń loo jīn tə́.

PĀ GƏ̄ 9:11

Kɔ́ɔ̄ɓē, ādə̄ ngé gə̄ ń gerə̄n̄ rīí ní əndān̄ kemdə́ dɔí tə́, tɔdɔ̄ ḭ̄ ə́yá̰ ngé gə̄ ń a sāānī ní kɔ̄ɔ́ alé.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

EJEKIEL 48:35

Laa ndogə̄ mbal̄ ń gīr̄ gidə ɓē ní asə kíl deē 18 000. Əla gír ndɔ̄ ń noō tə́ ní, a ɓārə́n̄ rī ɓē na i Kɔ́ɔ̄ɓē i loo ń toō tə́.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

IJAI 41:16

Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ táĺ yā Israel tə́.

IJAI 40:9

Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ Juda tə́ na: Nə́ɓā yāsí n toó!

PĀ GƏ̄ 71:22

Loo ń noō tə́ m-ā m̄-ɓōkíī tɔ̄ȳ kə kəndeé. Nə́ɓā yāḿ, m-ā m-ə̄nī pā seí najə̄ ra kə̄ ī-ra dɔ ndūí tə́. M-ā m-úgə kənde yā kɔsəń gɔnií, ḭ̄ Nə́ɓā kə́ táĺ yā Israel.

SOPONI 2:5

I yá̰á̰ kə́ to kum kaȳ aĺ kə́ ba̰ý beē tām̄ yāsí sḭḭ̄ de kə́ Kapətor gə̄ ń ī-ndiī kadə̄ bā bo tə́ ní! Sarya ń Kɔ́ɔ̄ɓē gān̄g dɔsí tə́ ní n toó: Ḭ̄ Kanaan, dɔ nang yā Pilistin gə̄, m-ā m̄-nujiī kɔ̄ɔ́, m-ā m̄-taā deē yāí gə̄ jīí tə́ kɔ̄ɔ́.

EJEKIEL 43:7

Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 33:24

De kógə̄ḿ kə́ Jerusalem kə́ yā kəda na mā i mo̰y ní gətóo. Gír de kə́ kem ɓēé ń toō tə́ gə̄ a əngen̄ mā̰ȳ rɔ̄ tām̄ yá̰a̰ rāādə́ kə́ gōtə́ aĺ gə̄ tə́.

IJAI 30:19

Sḭḭ̄ gír de gə̄ kə́ Siyo̰, sḭḭ̄ ń ī-ndiī Jerusalem ní, ā ī-nōōī to̰ alé. Kɔ́ɔ̄ɓē a ɔjəsí kem majə yān loo ń ā ə́gaī kɔŕ kə̄ dɔn tə́ ní. Ré kɔŕ yāsí əsō mbīn tə́ anī, ni a dalsí najə̄ i kə̄ ta jī tə́ noō.

IJAI 24:23

Rɔ̄ nāā a sɔlə̄n ō, rɔ̄ mbang a sɔlə̄n ngá̰ý ō. Tɔdɔ̄ i Kɔ́ɔ̄ɓē kə́ bo kə́ tɔ́gən i ngá̰ý ní n a ndi mban̄g Jerusalem, dɔ mbal̄ bo kə́ Siyo̰ tə́ ní. Kɔsə gɔn yān a ndə́lē ta kum kum kɔɔ̄ gə̄ kə́ kem ɓēé tə́.

IJAI 10:24

I tām̄ najə̄ ń toō tə́ n Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda najə̄ ń toō ní: Gír deē yāḿ gə̄, sḭḭ̄ ń ī-ndiī Siyo̰ ní, ī-lōōī ɓōĺ Asiri. Ni əndasí kə məraw, un sálang kāgə̄ yān kə̄ dɔsí tə́, tītə̄ ń de kə́ Ejiptə tə́ gə̄ rāānəń kété jóó ní.

IJAI 8:18

Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ Siyo̰ tə́ ní, taā de gə̄ i kə ta kūl̄jí.

PĀ GƏ̄ 132:14

Ni əda wáńg na: Loo kɔr̄ koō yāḿ kə́ a to ta kaw̄ jóo n toó, i loo ń toō n m̄-sāā ndi tū tə́ ní.

PĀ GƏ̄ 89:18

Rɔ̄kum, ḭ̄ i tɔ́gə́də́ kə́ to ɓōĺ ngá̰ý. Ḭ̄ ī-rāā ādə̄ kumjí a̰a̰ rá ráńg i kə ta kūl̄ kem majə yāí.

PĀ GƏ̄ 68:16

Mbal̄ yā Nə́ɓā, mbal̄ kə́ Basan, mbal̄ kə́ ta télən gə̄ i ngá̰ý, mbal̄ kə́ Basan,

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

PĀ GƏ̄ 99:2

Kɔ́ɔ̄ɓē i de kə́ bo kem ɓē kə́ Siyo̰ tə́ ō, ni i dɔ gír de gə̄ tə́ malang ō.

IJAI 1:24

I tām̄ najə̄ ń toō tə́ ń Kɔ́ɔ̄ɓē kə́ bo kə́ tɔ́gən i ngá̰ý ō, ni ń i ngol ō, Nə́ɓā yā Israel kə́ tɔ́gən to ō, əda najə̄ ń toó ní: Yá̰á̰ kə́ to kum kaȳ aĺ kə́ ba̰ý beē! M-ā m̄-dal ba̰ā̰ rɔ̄ḿ dɔ ngé rɔ̄ɔ̄ seḿ gə̄ tə́, yá̰á̰ kə́ majaĺ ń madə̄ ba̰ā̰ḿ gə̄ rāān̄ seḿ ní, m-ā m-ə̄gādə́ kə̄rān!

IJAI 24:14

Ngé gə̄ ń teēn̄ ta yo tə́ ní, unən̄ ndūdə́ kə̄ dɔɔ́, nin̄ ənīn̄ pā bo yā Kɔ́ɔ̄ɓē. Nin̄ teēn̄ kə̄ kem ɓē gə̄ kə́ no ɓē tə́ a reēn̄ kə kɔŕ rɔ̄nelēé tadə́ tə́:

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

JEREMI 10:6

Kɔ́ɔ̄ɓē, de kə́ tītīí ḭ̄ gətóo. Ḭ̄ i de kə́ bo ō, rīí ɓār̄ ngá̰ý dɔ yá̰a̰ gə̄ ń ī-rāā tə́ ní ō.

EJEKIEL 35:10

Ḭ̄ ə́da na ɓē ko̰o̰ kə́ jōó gə̄ yā Israel ō, yā Juda ō, na a télən̄ ɓē ko̰o̰ yāí gə̄, ə́da na ā ī-taā ɓē gə̄ ń Kɔ́ɔ̄ɓē na ndi kemeé ní.

EJEKIEL 39:7

M-ā m̄-rāā Israel gə̄ ń i gír deē yāḿ gə̄ ní kadə̄ a gerə̄n̄ kadə̄ mā i de kə́ táĺ ngá̰ý. M-ā m-ə́ya̰ kadə̄ deē kídə̄ rīḿ kə́ táĺ to̰ alé, adə̄ nápar de gə̄ a gerə̄n̄ kadə̄ Kɔ́ɔ̄ɓē, Nə́ɓā kə́ táĺ kə́ Israel tə́ i mā.

EJEKIEL 48:8

Ā gāngə̄n̄ gō ngāl̄ dɔ nang yā Juda ń ḭḭ gír ɓē tə́ ugə̄ no ɓē tə́ ní yā kəndā tayā. Laan a asə kíl deē dūbú kutə jōó gidə i mí ō, ngālən a asə naā kə ngāl̄ dɔ nang yā gír ɓē gēé kógə̄ḿ kógə̄ḿ ō. A rāān̄ loo kə́ táĺ i danaá.

OJEE 11:9

M-ā m̄-bə̄gā wōn̄g yāḿ kə́ ngá̰ý alé, m-ā m̄-tél yā reē nujə ɓē kə́ Epəraim kɔ̄ɔ́ alé. Tɔdɔ̄ mā i Nə́ɓā, ba i deē ndul alé. Epəraim, ɓēé looí ní, mā i Nə́ɓā kə́ táĺ ō, m-ā m̄-reē kə wōngōó aĺ ō.

TƏ́DA 23:21

Kɔ́ɔ̄ɓē a̰a̰ yá̰á̰ kə́ majaĺ dan ngán Israel gə̄ tə́ aĺ ō, ni-a̰a̰ yá̰á̰ kə́ gōtə́ aĺ dɔ dáńdə́ tə́ aĺ ō. Ni i Nə́ɓā yādə́ ō, ni-ndi i dɔ dáńdə́ tə́ ō. Nin̄ ɓōkə́n̄ mban̄g yādə́ ń i Kɔ́ɔ̄ɓē ní tɔ̄ȳ ō.

NDŪ NAJƏ̄ 23:15

I gáŕ kadə̄ kem gérger yāí i kə́ táĺ, tɔdɔ̄ Kɔ́ɔ̄ɓē Nə́ɓā yāí a njə̄rā kemeé yā ngɔ̄mīneé ō, yā rāań kadə̄ ī-tetə madə̄ ba̰ā̰í gə̄ rɔ̄ɔ̄ ō. Ní ré ni teē dɔ yá̰á̰ kə́rēý kə́ to yḛr kum tə́ kemeé anī, a ndi seí alé.

PĀ GƏ̄ 135:21

Ādə̄ de kə́ Siyo̰ gə̄ tɔ̄ȳn̄ Kɔ́ɔ̄ɓē ń ndi Jerusalem ní! Aleluya!

IJAI 33:21

Kɔ́ɔ̄ɓē a ɔjə kadə̄ ni i de kə́ majə ngá̰ý i loo ń noō tə́. Ndɔ̄ń tə́ ɓáa loo ní i gō nang yā bā kə́ bo gə̄ ō, i loo kə́ ndērə̄n̄ bəlo kə́ laa kə́ ra kə ngālāá gə̄ tū tə́ kadə̄ man̄ mānəń. Too kə́ yā rɔ̄ɔń gə̄ a mānə̄n̄ tū tə́ alé. Too bo gə̄ a əndan̄ danən yā gān̄g alé.

JOEL 2:27

Ā ī-gerī kadə̄ mā i dán Israel gə̄ tə́ ō, kadə̄ mā i Kɔ́ɔ̄ɓē Nə́ɓā yāsí ō, Nə́ɓā kə́ rang gətóo ō.

JAKARI 2:9

Najə̄ ń Kɔ́ɔ̄ɓē əda wáńg ní n toó, ni-əda na: Mə̄kɔ́ m-ā m̄-rā tītə̄ ndogə̄ mbal̄ kə́ rāā kə horoó beē, kə gō gidə ɓēé kadə̄ gīr̄ gidə əla ta naā tə́ ō, m-ā m-ɔ́jə kɔsə ngɔn yāḿ kem ɓēé danaá bang ō!