IJAI 12:4 - Bibəl ta Sar̄

⁴ Ndɔ̄ ngeé ń noō tə́ ní ā ə́daī na: Ī-tɔ̄yī Kɔ́ɔ̄ɓē kə pāá, i náā n i Nə́ɓā yāsí anī, ə́daī ngá̰ý kə̄ dɔɔ́. Yá̰á̰ ń ni-rāā ní, ɔ́jiī gír de gə̄ malang ādə̄ gerə̄n̄.

Bible sar

⁴ Ndɔ̄ ngeé ń noō tə́ ní ā ə́daī na: Ī-tɔ̄yī Kɔ́ɔ̄ɓē kə pāá, i náā n i Nə́ɓā yāsí anī, ə́daī ngá̰ý kə̄ dɔɔ́. Yá̰á̰ ń ni-rāā ní, ɔ́jiī gír de gə̄ malang ādə̄ gerə̄n̄.

IJAI 12:4 Referans Kwoze

PĀ GƏ̄ 105:1

Ɔ́siī gɔn Kɔ́ɔ̄ɓē, ī-ɓāríī rīn kə ndū boó. Ə̄nīī gotə yá̰á̰ kə́ to ɓōĺ gə̄ ń ni-rāā ní dan gír de gə̄ tə́ ādə̄ oōn̄.

1 YÁ̰A̰ GƏ̄ 29:11

Kɔ́ɔ̄ɓē, ḭ̄ i de kə́ bo ō, tɔ́gí i ngá̰ý ō, ī-ndə́lē pipir ō, ī-to ɓōĺ ō, ī-to kadə̄ ɔsən̄ gɔnií ō, tɔdɔ̄ yá̰a̰ malang kə́ dɔ rā̰ tə́ ō, kə́ dɔ nang tə́ ō i yāí. Ko̰o̰ ɓē i yāí ō, i ḭ̄ n i dɔ de gə̄ tə́ malang ō ní.

IJAI 25:1

Kɔ́ɔ̄ɓē, ḭ̄ i Nə́ɓā yāḿ. M-ā m-ə́ga kɔŕ yā kɔsəń gɔn rīí. A̰á̰ā̰, yá̰á̰ kə́ majə ngá̰ý gə̄ ń ḭ̄ ī-núm̄ ní, ḭ̄ ī-rāā yá̰a̰ gə̄ ní adə̄ reē udən̄ gíŕ kə́ rɔ̄ tə́. Yá̰a̰ gə̄ ní ran̄ ngan̄g i jóó ngá̰ý, nin̄ ngangə̄n̄ ō, ton̄ kum gotədə́ beē ō.

JA̰A̰ 17:26

M-ɔ́jə́də́ rīí, ba m-ā m-ɔ́jə́də́ ɓáý to̰, yā kadə̄ táŕ ń ī-tárəm̄ ní i kemdə́ tə́ ō, mā i kemdə́ tə́ ō.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

PĀ GƏ̄ 57:5

Mā i dan ɓɔl gə̄ tə́, m̄-to i dan de gə̄ kə́ hor a teē tadə́ tə́. Ngān̄gdə́ i nənga ō kum gərā ō, ndo̰də́ i kaskar kə́ tan atə lɔ́ḿ lɔ́ḿ ō.

PĀ GƏ̄ 18:46

Tɔ́gə tə̄rā gə̄ ur̄ wak. Nin̄ əndan̄ loo teēn̄ loo ɓɔ̄ɔ̄ rɔ̄ yādə́ gə̄ tə́.

NEHEMI 9:5

Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,

Teē Ngán Israel gə̄ 33:19

Anī Kɔ́ɔ̄ɓē ədan na n-a n-mān̄ non tə́ yā kɔjən kem majə yān gə̄ malang. N-a n-ənī mbēr̄ non tə́ kə rīneé na: Kɔ́ɔ̄ɓē. Deē ń na n-ndigə rāā kem majə kə kɔ́ɔ̄ɔ́ ní n-a n-rāā kem majə kə kɔ́ɔ̄ɔ́ ō, deē ń na n-ndigə kadə̄ kumən o̰o̰n kə kɔ́ɔ̄ɔ́ ní, kumən na a o̰o̰n kə kɔ́ɔ̄ɔ́ ō.

Teē Ngán Israel gə̄ 15:2

Tɔ́gə́ḿ kə́ ngá̰ý i Kɔ́ɔ̄ɓē, ni dḭḭ̄m̄. Ni i Nə́ɓā yāḿ, m-ā m̄-tɔ̄ȳn. Ni i Nə́ɓā yā bɔbə́ḿ, m-ā m-ɔ́jə kə̄ ndágá kadə̄ ni i de kə́ bo.

IJAI 66:19

M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ.

IJAI 33:5

Kɔ́ɔ̄ɓē bo tɔȳ yá̰a̰ malang, tɔdɔ̄ ni-ndi i loo kógə̄ḿ kə́ ḭḭ kə̄ dɔɔ́ tə́. Ɓōĺ gidə yá̰á̰ kə́ súmūú ō, yá̰a̰ rāā kə́ gōtə́ ō ní, ni-əndā ngəran i Jerusalem.

IJAI 24:15

Ɔ́siī gɔn Kɔ́ɔ̄ɓē, gō nang kə́ gír ɓē tə́, ə̄nīī pā rīn dɔ dor̄ loo gə̄ kə́ kum bā bo tə́ tə́ ō, ə̄nīī pā rī Kɔ́ɔ̄ɓē, Nə́ɓā yā Israel!

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

PĀ GƏ̄ 113:5

I náā n to tītə̄ Kɔ́ɔ̄ɓē Nə́ɓā yājí ní? Ni-ndi i dɔɔ́ sa̰y nú.

PĀ GƏ̄ 107:22

Ādə̄ ndējə̄n̄ Nə́ɓā yá̰a̰ tun̄ gə̄ kə́ yā ɓōkə́nneé tɔ̄ȳ ō, ənīn̄ gotə kəla rāān gə̄ kə kɔŕ rɔ̄nelēé ō.

PĀ GƏ̄ 97:9

Tām̄ i ḭ̄ Kɔ́ɔ̄ɓē ń i Nə́ɓā kə́ dɔɔ́ sa̰y ngá̰ý dɔ dɔ nang tə́ malang ní. Ḭ̄ ī-ndi dɔɔ́ dɔ nə́ɓā kə́ rang gə̄ tə́ malang.

PĀ GƏ̄ 96:3

Ə̄nīī mbēr̄ kɔsə gɔn yān dan nápar de gə̄ tə́, ə̄nīī mbēr̄ yá̰á̰ kə́ yáā gə̄ ń ni-rāā ní dan nápar de gə̄ tə́ malang.

PĀ GƏ̄ 73:28

Banī ndi majə yāḿ mā i ndi ngɔr rɔ̄ Nə́ɓā tə́. m̄-ɓɔ̄ɔ̄ rɔ̄ḿ i rɔ̄ Kɔ́ɔ̄ɓē Nə́ɓā tə́, kadə̄ m-ɔ́jəń kəla rāāí gə̄ malang.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

PĀ GƏ̄ 40:5

Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

PĀ GƏ̄ 34:3

M-ə́ndá gúúḿ najə̄ yā Kɔ́ɔ̄ɓē tə́. Ādə̄ ngé tél kə rɔ̄də́ kə̄ nang tə́ gə̄ rāān̄ rɔ̄nel̄ loo koō najə̄ kɔrə̄ḿ tə́.

PĀ GƏ̄ 22:31

Ngán kaadə́ gə̄ a rāān̄ kəla yā Kɔ́ɔ̄ɓē, a ənīn̄də́ gotə najə̄ yān.

PĀ GƏ̄ 21:13

Ā ī-túr̄də́ kə ga̰ gərā yāí gēé. Ā ī-rāādə́ kadə̄ a a̰ȳn̄ naā.

PĀ GƏ̄ 9:11

Kɔ́ɔ̄ɓē, ādə̄ ngé gə̄ ń gerə̄n̄ rīí ní əndān̄ kemdə́ dɔí tə́, tɔdɔ̄ ḭ̄ ə́yá̰ ngé gə̄ ń a sāānī ní kɔ̄ɔ́ alé.

1 YÁ̰A̰ GƏ̄ 16:8

Ɔ́siī gɔn Kɔ́ɔ̄ɓē, ī-ɓāríī rīn kə ndū boó. Ə̄nīī gotə yá̰á̰ kə́ to ɓōĺ gə̄ ń ni-rāā ní dan gír de gə̄ tə́ ādə̄ oōn̄.

PĀ GƏ̄ 148:13

Ī-tɔ̄yī rī Kɔ́ɔ̄ɓē, tɔdɔ̄ i rīn ni ngóy kə kérneé n bo ní. Kɔsə gɔn yān taā loo dɔ nang tə́ ō dɔ rā̰ tə́ ō.

IJAI 26:8

A̰á̰ā̰, Kɔ́ɔ̄ɓē, j-əndā tɔ́gə́jí i dɔí ḭ̄ tə́, dɔ róbə́ ń ī-mēr̄jí kun tə́ ní. Yá̰á̰ ń jə-gḛy ní i kógə̄ḿ beē, i ɓāríī kadə̄ ī-rāā sejí, i gír̄ dɔí tə́.

IJAI 42:12

Ādə̄ gír de gə̄ ń ndin̄ sa̰y ní ɔsən̄ gɔn Kɔ́ɔ̄ɓē, ādə̄ unən̄ ndūdə́ kə̄ dɔɔ́ ənīn̄neé pā tɔ̄ȳ Kɔ́ɔ̄ɓē!

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

PĀ GƏ̄ 68:5

Ə̄nīī pā ɔ́siīneé gɔn Nə́ɓā, ī-tɔ̄yī rīn, ī-tɔ̄yī nge kal̄ kil̄ man̄ gə̄ sə́ndá tə́, rīn na i Kɔ́ɔ̄ɓē, ī-tḭ́ḭ̄ī bal walya ta kumən tə́.