IJAI 12:1 - Bibəl ta Sar̄

¹ Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

Bible sar

¹ Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

IJAI 12:1 Referans Kwoze

PĀ GƏ̄ 30:5

Sḭḭ̄ deē yā Kɔ́ɔ̄ɓē gə̄ ə̄nīī pā ādīin̄, ī-ɓōkíin̄neé tɔ̄ȳ ə́daī na, ni i de kə́ táĺ.

IJAI 25:1

Kɔ́ɔ̄ɓē, ḭ̄ i Nə́ɓā yāḿ. M-ā m-ə́ga kɔŕ yā kɔsəń gɔn rīí. A̰á̰ā̰, yá̰á̰ kə́ majə ngá̰ý gə̄ ń ḭ̄ ī-núm̄ ní, ḭ̄ ī-rāā yá̰a̰ gə̄ ní adə̄ reē udən̄ gíŕ kə́ rɔ̄ tə́. Yá̰a̰ gə̄ ní ran̄ ngan̄g i jóó ngá̰ý, nin̄ ngangə̄n̄ ō, ton̄ kum gotədə́ beē ō.

IJAI 54:8

Wōn̄g rāām̄ seí ngá̰ý, adə̄ m̄-mbātə́ ka̰a̰ī kum mbang kə́ sḛý beē tə́. Banī m-ɔ́jiī kemḿ kə́ gḛyiī kə táŕ kə́ ta tɔ̄l̄ tan gətóo. I mā Kɔ́ɔ̄ɓē, mā ń i nge taā kəya̰ī dɔɔ́ ní n m-ə́daī najə̄ ń noō ní.

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

IJAI 14:3

Israel, ndɔ̄ kógə̄ḿ tə́ anī, Kɔ́ɔ̄ɓē a adī kadə̄ ɔ̄r̄ koō gō ka̰a̰ tápə̄ yāí tə́, gō yá̰a̰ gə̄ ń nā̰ā̰īn̄ tə́ ní ō, gō kəhɔń əhɔīn̄ ɓəlo kə́ ngan̄g adə̄ ī-ger̄ tə́ ní ō.

IJAI 49:13

Dɔ rā̰, ə́nda jīí! Ba ḭ̄ dɔ nang, ī-rāā rɔ̄nel̄! Mbal̄ bo gə̄, ə́gaī kɔŕ rɔ̄nel̄! Kɔ́ɔ̄ɓē tél adə̄ gír deē yān gə̄ kəndā kem dɔ tə́ gogə́, kumən o̰o̰n kə de gə̄ ń yá̰á̰ kə́ tōr̄ teē dɔdə́ tə́ ní.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

Makətūbə̄ ń Pol ndang adə̄ Rom gə̄ ní 11:15

Tɔdɔ̄ ré kɔr̄ ń ɔr̄ əndān̄də́ gidə tə́ ndágá ní rāā tá kadə̄ de kə́ dɔ nang tə́ gə̄ əsōn̄ naā tə́ kə Nə́ɓā anī, i rí n a rāā yá̰a̰ ndɔ̄ ń tél a reēn̄ sedə́ gogə́ rɔ̄ Nə́ɓā tə́ ní? Ndɔ̄ ń noō tə́ ní, de kə́ koy gə̄ a teēn̄ ɓádá yā ndi kə kumdə́.

JAKARI 14:20

Ndɔ̄ ngeé ń noō tə́ ní, ɓɔ kə́ dūú gə̄ yā sə́nda gə̄ gə̄gē, a ndangən̄ tū tə́ na: I kə́ kɔr̄ kam̄ tām̄ yā Kɔ́ɔ̄ɓē tə́. Jóo ndīr̄ yá̰a̰ gə̄ kə́ kem kújə yā Kɔ́ɔ̄ɓē tə́ ní, a ɓōlə́n̄ gidədə́ tītə̄ ń a ɓōlə́n̄nəń gidə kópə gə̄ ń mósə dā̰ gə̄ i kemeé ta loo tun̄ yá̰á̰ tə́ ní ō.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

IJAI 66:13

A̰á̰ā̰, tītə̄ ń kó̰o̰ ngōn̄ sɔlə̄ń kem ngōnən ní, mā m-ā m̄-sɔl̄ kemsí ō. A sɔlə̄n̄ kemsí kem ɓē kə́ Jerusalem tə́.

IJAI 26:1

Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

IJAI 11:16

De gə̄ yān gə̄ ń a teēn̄ ta yo tə́ dɔ nang kə́ Asiri tə́ ní, róbə́ kógə̄ḿ a to tām̄ yādə́ tə́. A to i tītə̄ ń kaadə́ gə̄ teēnəń kɔ̄ɔ́ kem ɓē kə́ Ejiptə tə́ kété jóó ní.

IJAI 10:25

Ba na̰y kum mbang i ngá̰ý aĺ yā kadə̄ wōn̄g ń rāām̄ seí ní dəba, gír wōn̄g ní a gān̄g kɔ̄ɔ́.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

Makətūbə̄ yā Job 13:16

Tá i loo rāān kə́ tītə̄ ń noō n a ajəm̄ ní. Tɔdɔ̄ deē kógə̄ḿ kə́ nge gól̄ loo asə ra ta kum Nə́ɓā tə́ alé.

PĀ GƏ̄ 9:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kənde kə́ ndū dūú. I pā yā Dabid.

PĀ GƏ̄ 71:21

Ā ī-tél yā sɔl̄ kemḿ ō, ā ī-rāā kadə̄ a tél rɔȳmə̄n̄ ō.

IJAI 54:7

M-ə́ya̰ī kɔ̄ɔ́ i kum mbang kə́ sḛ́ý beē tə́. Banī m̄-ndigə tél taāī gogə́ i kə kemḿ kə́ gḛy táriī ngá̰ý.

IJAI 54:9

M-ā m̄-rāā yá̰a̰ tītə̄ kə́ ɓāl̄ yā Noe tə́. Kété ní m-ə̄nī ndūḿ m-ə́da na man̄ kaw̄ kə́ bo ngá̰ý na a taā loo dɔ nang tə́ to̰ alé. Ɓōólaā m-ə̄nī ndūḿ tītə̄ ń noō ō, m-ə́da na m-ā m̄-rāā wōn̄g seí to̰ alé, m-ā m-ə́la ɓōĺ kemií tə́ to̰ alé.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

IJAI 64:5

Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

IJAI 65:18

Ādī rɔ̄nel̄ yāsí ɔjə rɔ̄n kə̄ ndágá, ī-rāāī rɔ̄nel̄ kanjə̄ kəya̰ ta najə̄ yā yá̰á̰ ń m-ā m̄-rāā yā rāā tə́ ní. M-ā m̄-rāā Jerusalem kadə̄ a tél i ɓē kə́ rɔ̄nel̄ i ngá̰ý kemeé ō, m-ā m̄-rāā kadə̄ de kə́ kemeé gə̄ a télən̄ i gír de gə̄ kə́ rɔ̄nel̄ yādə́ a ɔjə rɔ̄n kə̄ ndágá.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

JAKARI 8:11

Ba ngɔlaā ní, mā Kɔ́ɔ̄ɓē kə́ bo kə́ tɔ́gən i ngá̰ý m-ə́dá wáńg na: De gə̄ kə́ dan gír de gə̄ ń toō tə́ ń teēn̄ ta yo tə́ ní, m-ā m̄-rāādə́ yá̰á̰ ń m̄-rāā sedə́ kété ní to̰ alé.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

Makətūbə̄ yā Job 11:16

Tɔdɔ̄ ā ī-gír̄ dɔ tápə̄ yāí gə̄ tə́ to̰ alé. A əga kemií dɔ tə́ i tītə̄ loo kəga ń əga kemií dɔ man̄ kə́ nūgə́ aw̄ kɔ̄ɔ́ tə́ ní beē.

PĀ GƏ̄ 85:4

Ḭ̄ ə́ya̰ gō wōn̄g ń rāāī ngá̰ý ní kɔ̄ɔ́, ḭ̄ ī-lōō gír wōn̄g yāí kə́ ngá̰ý tə́.

PĀ GƏ̄ 86:17

Ī-rāā yá̰á̰ kógə̄ḿ kə́ to rī ɓār̄ tām̄ yāḿ tə́, loo ń noō tə́ rɔ̄ madə̄ ba̰ā̰ḿ gə̄ a sɔl̄də́, dan ń a a̰a̰n̄ kadə̄ ḭ̄ Kɔ́ɔ̄ɓē ī-dḭḭ̄m̄ ō, ī-sɔl̄ kemḿ ō ní.

IJAI 60:10

Kɔ́ɔ̄ɓē əda Jerusalem na: Tə̄rā gə̄ a télən̄ yā kəndā ndogə̄ mbal̄ yāí gogə́, mban̄g yādə́ gə̄ a rāān̄ kəla yāí. Kété wōn̄g rāām̄ adə̄ m-ə́ndaī, banī m-ɔ́jiī tár yāḿ sɔɔ̄ń kem majə yāḿ.

JEREMI 31:13

Dan ń noō tə́ ní, ngáń kə́ mandə gə̄ a tḭ̄ḭ̄n̄ rɔ̄də́ yā ndāməń. Balsáa gə̄ ō, ɓə́ga gə̄ ō, a rāān̄ rɔ̄nel̄. M-ā m̄-mbél gír kəhɔ ndoō yādə́ kə rāā rɔ̄nelēé ō, m-ā m-ādə̄də́ tɔ́gə ō. M-ā m̄-rāā kadə̄ ngé gə̄ ń wurdə́ ɔldə́ ní tḭḭ̄n̄ rɔ̄də́.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.