IJAI 11:4 - Bibəl ta Sar̄

⁴ Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

Bible sar

⁴ Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

IJAI 11:4 Referans Kwoze

2 TESALONIK 2:8

nge mbātə́ ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

Makətūbə̄ yā Job 4:9

Koō kə́ teē ta Nə́ɓā tə́ tɔ̄l̄də́ ō, koō kə́ teē kó̰nən tə́ o̰o̰də́ kə́ hor tə́ ō.

MATIYE 5:5

Rɔ̄nel̄ i kə ngé gə̄ ń nōōn̄ ní, tɔdɔ̄ Nə́ɓā a sɔl̄ kemdə́.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

JAKƏ 3:13

I náa n i de kə́ kumən edə̄ ō, kə́ ger̄ yá̰a̰ ō, dɔ dáńsí tə́ ní? Ādə̄ ni-ɔjə hál dɔ sɔl̄ ō, kum kedə̄ yān ní ō kə̄ ndágá.

GALATƏ 5:23

dɔ sɔl̄ ō, kəhɔ rɔ̄ ō. Ndū najə̄ mbātə́ yá̰a̰ gə̄ ń noō alé.

JEREMI 33:15

Kem ndɔ̄ gə̄ ń noō tə́ ní, m-ā m̄-rāā kadə̄ kōō Dabid a teē. I kōōn kə́ rɔ̄kum. Ni a rɔ̄ɔ̄ dɔ yá̰á̰ kə́ súmūú gə̄ tə́ ō, dɔ yá̰á̰ kə́ gōtə́ gə̄ tə́ ō kem ɓēé.

IJAI 30:33

Rāān̄ hor kógə̄ḿ jóó ngá̰ý kɔ̄ɔ́. Hor ní i tām̄ yā mban̄g tə́ ō. Ɓōkə́n̄ kīr̄ ngá̰ý kem bəlo kógə̄ḿ kə́ laa tə́ ō, ɗúú tə́ ō, adə̄ gōr̄ gong tām̄ yā hor tə́. Koō kə́ ta Kɔ́ɔ̄ɓē tə́ ń to tītə̄ bā bursu kə́ təngā ní, a əla hor tū kīr̄ ní tə́.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

JEJU TEĒ KUM JA̰A̰ 2:16

I beé ní, ī-tūr̄ hálí. Ré ī-tūr̄ hálí aĺ anī, m-ā m-āw̄ looí ngɔr ń toō tə́ yā rɔ̄ɔ̄də́ kə kəyā kə́ taḿ tə́.

JEJU TEĒ KUM JA̰A̰ 1:16

Tə́yō̰ gə̄ sīrí i jī ko̰n tə́ ō, kəyā kə́ tan lēmbə́ ba atə dām̄ jōó teē tan tə́ ō, ta kumən ndə́lē tītə̄ mbang kə́ dan kadə ndaá beē ō.

TITƏ 3:2

tájə̄nəń deē aĺ ō, rɔ̄ɔ̄nəń deē aĺ ō, kadə̄ nin̄ i ngé mā̰ȳ rɔ̄də́ láẃ ngá̰ý dɔ yá̰a̰ rāā kə́ gō tə́ aĺ yā deē tə́ ō, kadə̄ ɔjənə̄ń háĺ kə́ sɔl̄ lɔ́ḿ lɔ́ḿ yādə́ kə̄ no de gə̄ malang tə́ ō.

IJAI 32:1

Mbang kógə̄ḿ kə́ a o̰o̰ ɓē i kə yá̰a̰ rāā kə́ gōtə́ a ndi. Ngār gə̄ a ɔrən̄ de gə̄ ta róbə i kə ɓōĺ gidə yá̰á̰ kə́ súmūú.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ táĺ yā Israel tə́.

IJAI 16:5

Loo ń noō tə́ ngōn̄ kaa Dabid a ndi dɔ kōr̄ kāgə̄ mbang yā Dabid tə́, ko̰o̰ ɓē yān a too ngándáńg kə ta kūl̄ kem majə yāí. Ni a to tītə̄ nge gān̄g sarya kə́ əndā kumən gír ɓōĺ ndū najə̄ tə́ ō, təngā loo gān̄g sarya kə́ gōtə́ tə́ ō.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

2 KORḚNTƏ 10:1

Mə̄kɔ́ Pol m̄-rāāsí ɓɔ́, mā ń de gə̄ ədan̄ dɔḿ tə́ na ré jə-ndi ta kum naā tə́ anī najə̄ḿ na gətóo, ba ré mā i sa̰y anī na m̄-ɓōĺsí aĺ bátə́ ní. m̄-rāāsí ɓɔ́, kə ta kūl̄ háĺ kə́ sɔl̄ lɔm yā Kərist ō, kə ta kūl̄ kem majə yān ō.

KƏLA RĀĀ 9:1

Dan ngeé ń noō tə́ ní, najə̄ yā ka̰ȳ ndíĺ ngé ndóō yá̰a̰ gə̄ yā Kɔ́ɔ̄ɓē ō, najə̄ yā tɔ̄l̄də́ ō, teē dɔ Sol tə́ alé.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.

JEREMI 5:28

Nin̄ boon̄ majə ō, ndə́lēn̄ ō, rāān̄ majaĺ al̄ naā ō. Nin̄ ɓōlə́n̄ ndíl najə̄, aláa yá̰a̰ yā deē aĺ ō, yā ngōn̄ hal aĺ ō. Yá̰a̰ rāādə́ malang teēdə́ yá̰á̰ tə́ usədə́ dɔ najə̄ yā ngé rɔ̄ tō ndoō gə̄ tə́ alé.

IJAI 3:14

Ni-aw̄ kə kum kɔɔ̄ gə̄ yā gír deē yān gə̄ ō, ngār gə̄ yā gír deē yān gə̄ ō, loo sarya tə́. Ni ədadə́ na: I sḭḭ̄ n ī-nujiī ndɔr̄ kāgə̄ nduū yāḿ kɔ̄ɔ́ ní. Yá̰a̰ kənge yā ngé ndoō gə̄ ń ī-ɓogiī ní, rosə kem kújə yāsí gə̄.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

PĀ GƏ̄ 18:8

Loo ń noō tə́ wōn̄g rāā Kɔ́ɔ̄ɓē adə̄ dɔ nang yéȳ ō ndebə ō. Ngəra mbal̄ gə̄ ndāmə̄n̄ ngin ngin ō yéȳn̄ ō.

2 SAMUEL 8:15

Dabid o̰o̰ ɓē dɔ ngán Israel gə̄ tə́ malang. Ni-gān̄g sarya yā de gə̄ malang i kə gōó.

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

IJAI 14:30

A ulə̄n̄ ngé ndoō gə̄ majə kə yá̰a̰ kəsaá, ngé rɔ̄ tō ndoō gə̄ a ɔrə̄n̄ koō loo kə́ yá̰a̰ a ɔdə rɔ̄də́ tū tə́ aĺ tə́. Banī sḭḭ̄ Pilistin gə̄, madə̄ ba̰ā̰sí a rāān̄sí kadə̄ sḭḭ̄ malang ā óyiī yo ɓō ō, ngé gə̄ ń a teēn̄ ta yo tə́ ní, nin̄ a tɔ̄lə̄n̄də́ kɔ̄ɔ́ ō.

IJAI 26:6

De kə́ nin̄ i yá̰á̰ kógə̄ḿ aĺ bátə́ gə̄ a rējə̄nən̄, ngé ndoō gə̄ a njə̄rān̄ dɔn tə́, a rējə̄nən̄.

IJAI 30:28

Koō kə́ tan tə́ to i tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá ō, ḭḭ bátə́ əhɔ deē míndən tə́ dɔɔ́ ō beé. Ni-reē yéȳ nápar de gə̄ kə yá̰a̰ rāān kə́ a nujə loo. Ni-əla sáā gində̄ kógə̄ḿ kem tadə́ tə́ yā kɔrəń nodə́ kaw̄ sedə́ loo kə́ nin̄ ndigən̄ aĺ tə́.

IJAI 30:31

Dan ń Asiri a oō ndū Kɔ́ɔ̄ɓē ō, Kɔ́ɔ̄ɓē a əndan kə ndéý sálang yānneé ō anī, ɓōĺ a rāān.

IJAI 32:7

Ngé gól̄ madə̄də́ gə̄ rāān̄ i yá̰á̰ kə́ tōr̄ ngá̰ý. Nin̄ númə̄n̄ rāā yá̰á̰ kə́ majaĺ gə̄ yā nujəń ngé ndoō gə̄ kə ta kūl̄ najə̄ kə́ sor̄ gə̄. Tá ngé ndoō gə̄ ngeé ń toō ní, a dəjen̄ i yá̰a̰ yādə́ kə́ sɔɔ̄də́ ngóy.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 40:7

Dan ń koō kə́ ta Kɔ́ɔ̄ɓē tə́ mān̄ dɔdə́ tə́ anī, mu tutə ō, hútə̄ yá̰a̰ ur̄ ō. A̰á̰ā̰, deē ndul gə̄ ngangə̄n̄ aĺ tītə̄ mu beé.

IJAI 49:2

Ni-rāā adə̄ najə̄ yāḿ i kaskar kə́ a əja yá̰a̰ gān̄g. Ni ɓɔ̄ɔ̄m̄ ndíl jīn tə́. Ni-rāā adə̄ mā i kum gərā kə́ usən̄ kum majə, ni əlam̄ kem ngong gərā yān gə̄ tə́.

Makətūbə̄ yā Job 15:30

Ni a teē kɔ̄ɔ́ kum til tə́ alé. Ni i kāgə̄ kə́ hor o̰o̰ ta jīn gə̄ kɔ̄ɔ́! Koō kə́ ta Nə́ɓā tə́ a unən yā kaw̄ seneé sa̰y kɔ̄ɔ́.

PĀ GƏ̄ 76:10

dan ń ḭ́ḭ dɔɔ́ yā gān̄g sarya, yā kajə de kə́ dɔ nang tə́ gə̄ malang ń télən̄ kə rɔ̄də́ kə̄ nang tə́ ní.

IJAI 2:4

Ni a gān̄g sarya yān kə́ dɔ dáń nápar de gə̄ tə́ ō, a ra dɔ dáń gír de kə́ ngá̰ý gə̄ tə́ yā gān̄gəń sarya ō. Nin̄ a ɔyn̄ kaskar yādə́ gə̄ yā rāā kɔsə man̄g tə́ ō, a ɔyn̄ nənga yādə́ gə̄ yā rāā ngorong tə́ ō. Ɓē kógə̄ḿ a ḭḭ yā kənī ɓē kə́ rang rɔ̄ɔ̄ to̰ aĺ ō, de kə́ dəngam gə̄ a ndóōn̄ naā loo rɔ̄ɔ̄ to̰ aĺ ō.

OJEE 6:5

I tām̄ najə̄ ń noō tə́ n m̄-rɔ̄ɔ̄sí kə ta kūl̄ kəla kə ngé koō ta gēé ní. M-ə́la ɓōĺ kemsí tə́ kə ta kūl̄ kədasí na m-ā m̄-tɔ̄l̄sí. Sarya gāngə̄ḿ teē tītə̄ loo kə́ unjə̄ kow beé.