IJAI 11:3 - Bibəl ta Sar̄

³ Loo ń noō tə́ ɓōĺ ndíĺ Kɔ́ɔ̄ɓē a nel̄ deē ngeé ń noō ō. Ni a gān̄g sarya i kə gō yá̰á̰ ń kumən a̰a̰ ní alé. Ni a un ndūn dɔ yá̰á̰ tə́ i sɔɔ̄ ń yá̰á̰ ni oō kə mbīneé ní alé.

Bible sar

³ Loo ń noō tə́ ɓōĺ ndíĺ Kɔ́ɔ̄ɓē a nel̄ deē ngeé ń noō ō. Ni a gān̄g sarya i kə gō yá̰á̰ ń kumən a̰a̰ ní alé. Ni a un ndūn dɔ yá̰á̰ tə́ i sɔɔ̄ ń yá̰á̰ ni oō kə mbīneé ní alé.

IJAI 11:3 Referans Kwoze

JA̰A̰ 7:24

Ī-lōōī gān̄g sarya tām̄ gidə yá̰a̰ kə́ ndágá ń á̰a̰ī tə́ ní, banī ī-gāngī sarya kə́ gōtə́ tá.

Najə̄ kə́ Majə yā Jeju ń Luk ndang ní 2:52

Kum Jeju edə̄ kə̄ kété kété ō, ni-tɔgə kə̄ dɔɔ́ dɔɔ́ ō, nel̄ de gə̄ gə̄gē Nə́ɓā gə̄gē ngá̰ý ō.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

Gōsə̄ najə̄ gə̄ 2:5

anī ā ī-ger̄ loo ɓōĺ ndíĺ Kɔ́ɔ̄ɓē ō, ā ī-ger̄ Nə́ɓā ō.

HEBƏRO 5:14

Ba yá̰a̰ kəsa kə́ ngan̄g i tām̄ yā de kə́ tɔ́gə gə̄ tə́. Kemdə́ nin̄-ger̄ kɔr̄ kam̄ yá̰á̰ kə́ majə naā tə́ kə yá̰á̰ kə́ majaĺ, tɔdɔ̄ nin̄-rāān̄ yá̰á̰ ń noō adə̄ gerə̄n̄.

1 MBAN̄G GƏ̄ 3:28

Ngán Israel gə̄ malang oōn̄ sarya ń mban̄g gān̄g ní adə̄ rɔȳn̄ mban̄g. Tɔdɔ̄ a̰a̰n̄ kadə̄ Nə́ɓā adə̄n kum kedə̄ yān yā gāngəń sarya.

Gōsə̄ najə̄ gə̄ 2:9

Loo ń noō tə́ ā ī-ger̄ yá̰á̰ kə́ gōtə́ ō, yá̰á̰ kə́ kə gō róbəneé ō, yá̰á̰ kə́ súmūú ō, adə̄ i yá̰a̰ malang ń a rāā tá deē a ndi kə rɔ̄nelēé ní.

1 MBAN̄G GƏ̄ 3:9

Ní Kɔ́ɔ̄ɓē, ādə̄m̄ kem kə́ ger̄ najə̄ ādə̄ m̄-ndiń dɔ gír deē yāí gə̄ tə́ ō, kadə̄ m̄-gerə̄ń kɔr̄ kam̄ yá̰á̰ kə́ majə ō, kə́ majaĺ ō naā tə́. Tɔdɔ̄ kanjə̄ nge ń noō anī, de kə́ asə ndi dɔ gír deē yāí gə̄ tə́ gətóo, tām̄ nin̄ i ngá̰ý.

2 SAMUEL 14:17

Mā nge kəla yāí kə́ dəyá̰ m̄-gír̄ kemḿ tə́ m-ə́da na yá̰á̰ ń ā ə́dá ní a rāā kadə̄ ndíl de gə̄ a tél yā reē rɔ̄də́ tə́ gogə́. Tɔdɔ̄ mban̄g i tītə̄ de kə́ dɔ rā̰ tə́ yā Nə́ɓā beé. Yá̰á̰ kə́ majanī a̰a̰ ger̄ ō, yá̰á̰ kə́ majanī a̰a̰ ger̄ ō. Beé ní ādə̄ Kɔ́ɔ̄ɓē yāí i seí naā té.

JA̰A̰ 2:25

Ni sāā kadə̄ deē ədan najə̄ kə́ dɔ deē tə́ alé, tɔdɔ̄ ni-ger̄ yá̰á̰ kə́ kem deē tə́.

Makətūbə̄ yā Job 34:3

Tɔdɔ̄ mbī deē i nge kəndā ma̰ȳ najə̄, tītə̄ ń ta deē i nge nāā nel̄ yá̰a̰ kəsa ní.

Makətūbə̄ yā Job 12:11

Ədan̄ na mbī na i nge ger̄ nel̄ najə̄ gə̄, tītə̄ ń kem ta deē i nge ger̄ nel̄ yá̰a̰ gə̄ ní.

IJAI 33:6

Ba sḭḭ̄ gír de gə̄ yā Kɔ́ɔ̄ɓē, ā ásiī ndi kanjə̄ sōl̄ yá̰á̰ kógə̄ḿ. Kum kedə̄ ō, yá̰a̰ ger̄ ō, rāān̄ rɔ̄də́ i yá̰a̰ kənge kə́ ajə deē tə́. Ɓōĺ ndíĺ Kɔ́ɔ̄ɓē i yá̰a̰ kənge yāí kə́ gātə̄n i ngá̰ý!

EJEKIEL 45:8

I tītə̄ ń noō n ngār gə̄ a əngenə̄ń loo yādə́ dɔ nang kə́ Israel tə́ ní. Nin̄ a əsan̄ tətō gír de gə̄ yā Kɔ́ɔ̄ɓē to̰ aĺ ō, a əya̰n̄ gotə dɔ nang yā kadə̄ gír ɓē gə̄ kə́ Israel tə́ ō.

MISE 4:3

Ni a gān̄g sarya kə́ dɔ dáń gír de kə́ ngá̰ý gə̄ tə́, ni a tél i nge ra mbənā tə́ tām̄ yā nápar de gə̄ kə́ tɔ́gə́də́ i ngá̰ý tə́ ō, ndin̄ i sa̰y tə́ ō. Nin̄ a ɔyn̄ kaskar yādə́ gə̄ yā rāań kɔsə man̄g gə̄ ō, a ɔyn̄ nənga yādə́ gə̄ yā rāań ngorong gə̄ ō. Ɓē kógə̄ḿ a ənī ɓē kə́ rang rɔ̄ɔ̄ aĺ ō, de gə̄ a ndóōn̄ naā rɔ̄ɔ̄ to̰ aĺ ō.

2 SAMUEL 14:8

Mban̄g əda dəyá̰ ní na: Ī-tél āw̄ ɓēé na m-ā m-ə́dá yá̰á̰ kə́ tām̄ yāí tə́.