IJAI 11:16 - Bibəl ta Sar̄

¹⁶ De gə̄ yān gə̄ ń a teēn̄ ta yo tə́ dɔ nang kə́ Asiri tə́ ní, róbə́ kógə̄ḿ a to tām̄ yādə́ tə́. A to i tītə̄ ń kaadə́ gə̄ teēnəń kɔ̄ɔ́ kem ɓē kə́ Ejiptə tə́ kété jóó ní.

Bible sar

¹⁶ De gə̄ yān gə̄ ń a teēn̄ ta yo tə́ dɔ nang kə́ Asiri tə́ ní, róbə́ kógə̄ḿ a to tām̄ yādə́ tə́. A to i tītə̄ ń kaadə́ gə̄ teēnəń kɔ̄ɔ́ kem ɓē kə́ Ejiptə tə́ kété jóó ní.

IJAI 11:16 Referans Kwoze

IJAI 19:23

Ndɔ̄ kógə̄ḿ tə́ anī, róbə́ kógə̄ḿ a ḭḭ Ejiptə yā kaw̄ Asiri. Asiri gə̄ a aw̄n̄ Ejiptə ō, de kə́ Ejiptə gə̄ a aw̄n̄ Asiri ō. Nin̄ a rāān̄ kəla naā tə́ mbak yā kadə̄ Kɔ́ɔ̄ɓē.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 62:10

De kə́ Jerusalem gə̄, ī-teēī, ī-teēī láẃ kɔ̄ɔ́ kem ɓēé! Ī-njariī róbə ādī gír deē yāḿ gə̄. Ī-rāāī róbə ādī majə, ī-ró̰yī mbal̄ gə̄ kɔ̄ɔ́, údiī yá̰á̰ kógə̄ḿ dɔɔ́ yā taāń gír de gə̄.

IJAI 57:14

Kɔ́ɔ̄ɓē əda na: Ī-rāāī róbə ādə̄ tél majə gogə́, ī-njariī róbə́ láẃ, yá̰a̰ gə̄ kə́ dɔ róbə yā gír deē yāḿ gə̄ tə́ kə́ a ɔgə̄ deē mān̄ gə̄ ní, ī-ró̰yīdə́ kɔ̄ɔ́.

IJAI 51:10

I ḭ̄ n ī-rāā adə̄ bā bo iī kɔ̄ɔ́ ní ō, ni ń i man̄ kə́ bo ngá̰ý ní. Ta tɔ̄l̄ ta anī, i ḭ̄ n ī-njar róbə kum bā bo tə́ loo kə́ ɗúú ngá̰ý tə́ ní. Ngé gə̄ ń ī-teē sedə́ ɓəloó ní, ḭ̄ ī-rāā adə̄ nin̄ mānə̄n̄ i loo ń noō tə́.

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

IJAI 10:20

Kem ndɔ̄ɔ́ ń noō tə́ ní, gotə Israel gə̄, ngé teē ta yo tə́ gə̄ kə́ gír kojə yā Jakob tə́ a lōōn̄ gír kəndā tɔ́gə́də́ dɔ nge ń i nge kəndadə́ tə́ ní: Nin̄ a əndān̄ tɔ́gə́də́ rɔ̄kum i dɔ Kɔ́ɔ̄ɓē ń i kə́ táĺ yā Israel ní tə́.

IJAI 49:11

M-ā m̄-rāā kadə̄ mbal̄ gə̄ malang télən̄ róbə́ kə́ kundə́ tōr̄ aĺ gə̄. M-ā m̄-tél yā rāā róbə gə̄ gogə́ rang.

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.

Teē Ngán Israel gə̄ 14:22

Adə̄ ngán Israel gə̄ mānə̄n̄ dan bā bo tə́ kanjə̄ kadə̄ man̄ ɔdə njadə́. Man̄ ḭḭ ra dɔ jīdə́ jōó tītə̄ ndogə̄ mbal̄ beé.