IJAI 11:15 - Bibəl ta Sar̄

¹⁵ Bā bo kə́ Ejiptə ní, Kɔ́ɔ̄ɓē a rāā kadə̄ man̄ kə́ tū tə́ gətóo kɔ̄ɔ́. Ni a wél̄ jīn yā kəlań ɓōĺ kem bā Opəratə tə́. Ni a gān̄g bā ngeé ń toō kə koō kə́ tan tə́ kə́ tɔ́gən i ngá̰ý kadə̄ a téĺ ngán man̄ gə̄ gír loo sīrí. Deē a asə teē man̄ gə̄ ní kə sākə̄rāá njan tə́.

Bible sar

¹⁵ Bā bo kə́ Ejiptə ní, Kɔ́ɔ̄ɓē a rāā kadə̄ man̄ kə́ tū tə́ gətóo kɔ̄ɔ́. Ni a wél̄ jīn yā kəlań ɓōĺ kem bā Opəratə tə́. Ni a gān̄g bā ngeé ń toō kə koō kə́ tan tə́ kə́ tɔ́gən i ngá̰ý kadə̄ a téĺ ngán man̄ gə̄ gír loo sīrí. Deē a asə teē man̄ gə̄ ní kə sākə̄rāá njan tə́.

IJAI 11:15 Referans Kwoze

JAKARI 10:11

Nin̄ a teēn̄ bā yá̰á̰ kə́ to kum kaȳ aĺ kə̄ gidə kə́rēý tə́. Mā Kɔ́ɔ̄ɓē, m-ā m-ə́nda bəngál man̄ gə̄ kə́ dɔ bā bo tə́. Man̄ bā Nil gə̄gē a iī kɔ̄ɔ́ kem kārə̄n tə́. Ɓē kə́ Asiri ń ɔjə rɔ̄n ngá̰ý ní, a mbərenən̄ yā kənīn ō, ɓē kə́ Ejiptə a o̰o̰ ɓē to̰ aĺ ō.

JEJU TEĒ KUM JA̰A̰ 16:12

Kə́ nge ko̰ mehḛ́ ɓōkə́ wōn̄g kə́ kem kópə yān tə́ kum bā kə́ bo ń i bā Opəratə ní tə́, anī man̄ kə́ tū tə́ iī kɔ̄ɔ́ kadə̄ róbə toń tām̄ yā mban̄g gə̄ ń a ḭḭn̄ gír ɓē tə́ yā reē ní tə́.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

IJAI 19:16

Ndɔ̄ kógə̄ḿ tə́ anī de kə́ Ejiptə gə̄ a ton̄ tītə̄ dəyá̰ gə̄ beé. Dan ń Kɔ́ɔ̄ɓē kə́ bo kə́ tɔ́gən i ngá̰ý a un jīn kə́ ɓir̄ yā kəlań ɓōĺ kemdə́ tə́ anī, ɓōĺ a rāādə́ kadə̄ a ndewn̄.

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

EJEKIEL 29:10

Tām̄ najə̄ ń noō tə́ ní m-ā m̄-rɔ̄ɔ̄sí sḭḭ̄ kə bā yāí. M-ā m̄-rāā ɓē kə́ Ejiptə kadə̄ tél kūbə̄rū mbal̄ kə́ ra dɔ naā tə́ bing. Ɓē a tél dəla loo, a əla gír i Migədol bátə́ ɓē kə́ Asuwan tə́ ō, dɔ nin̄ ɓē kə́ Etiopi tə́ ō.

IJAI 7:20

Ndɔ̄ ngeé ń noō tə́ ní, Kɔ́ɔ̄ɓē a un nə́ngá kógə̄ḿ gidə bā Opəratə tə́, nə́ngá ní i mban̄g kə́ Asiri. A̰á̰ā̰, ni a dəsā dɔsí ō, a dəsā bḭḭ̄sí malang kə́ rɔ̄sí tə́ ō, mbāýsí gə̄gē ni a dəsā kɔ̄ɔ́.

Teē Ngán Israel gə̄ 14:21

Moijə əla jīn kə̄ dɔ bā bo tə́. Anī Kɔ́ɔ̄ɓē teē dan man̄ kə̄ gogə́ kə néĺ kə́ dūn̄ ɓē tə́ kə́ əla kə ngangá ngá̰ý ndɔ̄ɔ́ bátə́ loo tīī, adə̄ man̄ kēgə̄ naā tə́ jōó, adə̄ loo kə́ danaá tutə.

Teē Ngán Israel gə̄ 14:29

Banī ngán Israel gə̄ teēn̄ bā bo kə̄ gidə kə́rēý tə́ kanjə̄ kadə̄ man̄ ɔdə njadə́. Tɔdɔ̄ man̄ ḭḭ ra tītə̄ ndogə̄ mbal̄ beé dɔ jīdə́ kə́ ko̰ó̰ tə́ ō, kə́ geleé tə́ ō.

IJAI 8:7

I beé ɓá ní, man̄ bā Opəratə ń i man̄ kə́ ngá̰ý ō, i man̄ kə́ a nūgə́ kə ngangá ngá̰ý ō ní, m-ā m̄-reēń dɔdə́ tə́. Kumən na i mban̄g kə́ Asiri ń tɔ́gən i ngá̰ý ní. Bā Opəratə a ḭḭ ngá̰ý ō, a taā loo ō.

IJAI 43:16

Kété ní, Kɔ́ɔ̄ɓē njar róbə́ kógə̄ḿ kum bā bo tə́, njar róbə́ kógə̄ḿ kum man̄ kə́ tɔ́gən i ngá̰ý tə́.

IJAI 44:27

Bā bo ń ɗúú ngá̰ý ní, m-ə́dan yá̰á̰ ń toō kadə̄ rāā, m-ə́da na: Ī-tél loo kə́ tutə. m̄-rāā adə̄ man̄ yāí iī kɔ̄ɔ́.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

IJAI 63:12

Dan ń a njə̄rān̄ ní, i ni n əhɔ Moijə kə̄ dɔɔ́ kə jīn kə́ kə tɔ́gɔ́ ní. Ni njar man̄ nodə́ tə́, yā kutə̄ń gidə rɔ̄n kə kɔsə gɔnɔɔ́ kə́ njɔ́ḿ gə̄ tə́.

Teē Ngán Israel gə̄ 14:22

Adə̄ ngán Israel gə̄ mānə̄n̄ dan bā bo tə́ kanjə̄ kadə̄ man̄ ɔdə njadə́. Man̄ ḭḭ ra dɔ jīdə́ jōó tītə̄ ndogə̄ mbal̄ beé.