IJAI 11:14 - Bibəl ta Sar̄

¹⁴ Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

Bible sar

¹⁴ Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

IJAI 11:14 Referans Kwoze

DANIEL 11:41

Ni a reē kem ɓē kə́ majə tɔȳ gotə ɓē gə̄ malang tə́ ō, ngá̰ý gə̄ a tə́sōn̄ ō. De gə̄ ń a teēn̄ ta jīn tə́ ní i Edom gə̄ ō, Moab gə̄ ō, de kə́ bo gə̄ yā ngán Amon gə̄ ō.

JEREMI 49:28

Kə́ tām̄ yā Kedar tə́ ō, ɓē ko̰o̰ kə́ Hasor tə́ ō ń Nabukodonosor, mban̄g kə́ Babilon tetədə́ rɔ̄ɔ̄ ní, najə̄ ń Kɔ́ɔ̄ɓē əda ní n toó: Ḭ́ḭī dɔɔ́, āw̄ ə̄nīī Kedar rɔ̄ɔ̄ ō, āw̄ ī-nujiī kə yá̰a̰ yā ngáń kə́ gír ɓē tə́ gēé malang kɔ̄ɔ́ ō.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

AMOS 9:12

Loo ń noō tə́ ngán Israel gə̄ a télən̄ yā taā dɔ nang kə́ jóo gə̄ yā ɓē ko̰o̰ kə́ Edom ō, yā nápar de gə̄ ń ger̄mə̄n̄ kété ní ō. I mā Kɔ́ɔ̄ɓē n m-ə́da najə̄ ń noō ní ō, m-ā m̄-rāā yá̰á̰ ní ō.

MATIYE 8:11

Ādə̄ m-ə́dásí, de gə̄ ngá̰ý a ḭḭn̄ no ɓē tə́ ō, dūn̄ ɓē tə́ ō, yā reē ndi ta kār̄ yá̰a̰ kəsa tə́ kə Abəraham ō, Isaak ō, Jakob ō, kem Ɓē ko̰o̰ kə́ dɔ rā̰ tə́ tə́.

SOPONI 2:5

I yá̰á̰ kə́ to kum kaȳ aĺ kə́ ba̰ý beē tām̄ yāsí sḭḭ̄ de kə́ Kapətor gə̄ ń ī-ndiī kadə̄ bā bo tə́ ní! Sarya ń Kɔ́ɔ̄ɓē gān̄g dɔsí tə́ ní n toó: Ḭ̄ Kanaan, dɔ nang yā Pilistin gə̄, m-ā m̄-nujiī kɔ̄ɔ́, m-ā m̄-taā deē yāí gə̄ jīí tə́ kɔ̄ɔ́.

IJAI 60:14

Ngé gə̄ ń rāāīn̄ adə̄ á̰á̰ tápə̄ ngá̰ý ní, a əlan̄ dɔdə́ nang tə́ yā reēń kə̄ rɔ̄í tə́, de gə̄ malang ń kídīn̄ ní, a ɔsən̄ kejədə́ nang tə́ njaí tə́. Nin̄ a ɓāríīn̄ na i ɓē yā Kɔ́ɔ̄ɓē ō, na i Siyo̰ yā Nə́ɓā kə́ táĺ yā Israel ō.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 16:14

Ba ngɔlaā ní Kɔ́ɔ̄ɓē əda na: Ɓāl̄ mətá ta asə naā anī, de kə́ bo gə̄ kə́ Moab ō, Moab gə̄ ń nin̄ i ngá̰ý ō ní, nin̄ i yá̰á̰ kógə̄ḿ to̰ alé. Ngé gə̄ ń a na̰yn̄ ní, nin̄ i sḛý beē, ngá̰ý aĺ bátə́.

TƏ́DA 24:17

Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

IJAI 14:29

Kāgə̄ ń kété əndasí sḭḭ̄ Pilistin gə̄ ní, tetən̄ kāgə̄ ní kɔ̄ɔ́, banī ī-lōōī rāā rɔ̄nel̄ najə̄n tə́. Tām̄ lī kakə́m a teē kem lī ń oy kɔ̄ɔ́ tə́ ní ō, lī kakə́ḿ ní a ojə dā̰ kə́ majaĺ ngá̰ý kə́ a ḭḭ bɔ̄gə̄ ō.

IJAI 15:1

Najə̄ kə́ tām̄ yā ɓē kə́ Moab tə́. A̰á̰ā̰, ndɔ̄ɔ́, kem ndɔ̄ kə́ kógə̄ḿ beē tə́, nujən̄ ɓē kə́ Ar kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́. A̰á̰ā̰, ndɔ̄ɔ́ kem ndɔ̄ kə́ kógə̄ḿ beē tə́, nujən̄ ɓē kə́ Kir kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́.

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

JEREMI 40:11

Tāa Juda gə̄ malang ń ndin̄ Moab ō, dan Amon gə̄ tə́ ō, ngé gə̄ ń ndin̄ Edom ō, kə gō ɓē gə̄ malang ní ō, oōn̄ kadə̄ mban̄g kə́ Babilon na əya̰ gō yá̰á̰ kə́rēý gə̄ adə̄ Juda ō, na əndā Gedalia kə́ ngōn̄ Ahikam kə́ ngōn̄ Sapan dɔ ɓē gə̄ tə́ ō,

JEREMI 48:40

Najə̄ ń Kɔ́ɔ̄ɓē əda ní n toó: To i tītə̄ māl̄ kə́ a nēl̄ ō, jā̰ bɔ̄gə̄n ō, dɔ ɓē kə́ Moab tə́ beē.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

EJEKIEL 25:14

M-ā m-ə́yá̰ Israel gə̄ ń i gír deē yāḿ gə̄ ní kadə̄ dalən̄ ba̰ā̰ dɔ Edom gə̄ tə́ adə̄mə̄n̄. Israel gə̄ a rāān̄də́ yá̰á̰ ń wōn̄g yāḿ kə́ ngá̰ý ndḛḛ̄ kadə̄ yā rāā sedə́ ní. I tītə̄ ń noō tá Edom gə̄ a gerə̄n̄ kadə̄ rāā majaĺ seḿ māá i yá̰á̰ kə́ a ojə yá̰á̰ kə́ tōr̄ ngá̰ý. Najə̄ ń Kɔ́ɔ̄ɓē Nə́ɓā əda ní n noó.

HABAKUK 1:8

Sə́nda yādə́ gə̄ a̰ȳn̄ ngɔ̄də̄ tɔȳn̄ malya gə̄ ō, ɔlən̄ tɔȳn̄ soó gə̄ kə́ ngé kaw̄ ndo̰ó̰ loo tíbí gə̄. Ngé kal̄ sə́nda yādə́ gə̄ ḭḭn̄ i sa̰y n reēn̄ ō, nin̄-tḭ́ḭ̄n̄ bal ō. Nin̄ əlan̄ ngɔ̄də̄ tītə̄ kə̄rō kə́ a risə kə̄ dɔ dā̰ tə́ yā kəsan beé.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

NGÉ SARYA 6:3

Ré ngán Israel gə̄ dubə̄n̄ kōō oy anī Madian gə̄ kə Amalek gə̄, kə ngáń kə́ gír ɓē tə́ gə̄ reē a rɔ̄ɔ̄n̄də́ i mbée dejə.

JEREMI 49:2

Tāmə̄n̄ ń noō tə́, m-ā m̄-rāā kadə̄ ndɔ̄ gə̄ ń a reēn̄ tə́ noō, kɔŕ rɔ̄ɔ̄ a ɓār̄ ɓē kə́ Raba yā Amon gə̄ tə́. Raba a tél dɔ nang kə́ yá̰a̰ gətóo tū tə́ ō, hor a róō ɓē yān gə̄ ń ndi gīrə̄n̄ gidən ní ō. Adə̄ Israel a tél yā kənge yá̰a̰ ndəbā yān jī ngé gə̄ ń taān̄ jīn tə́ kété ní. Najə̄ ń Kɔ́ɔ̄ɓē əda ní n noó.

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.