IJAI 10:5 - Bibəl ta Sar̄

⁵ Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

Bible sar

⁵ Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

IJAI 10:5 Referans Kwoze

SOPONI 2:13

Kɔ́ɔ̄ɓē a rāā yá̰á̰ kógə̄ḿ kə gō nang kə́ dām̄ mbɔ́r ɓē kə́ ko̰ó̰ tə́, ni a rāā kadə̄ dɔ nang kə́ Asiri a tél kɔkərɔ gə̄ kə́ kánə̄n̄də́ dɔ naā tə́ bing. Ni a nujə ɓē kə́ Ninibə kɔ̄ɔ́, adə̄ ɓē kə́ Ninibə a tél loo kə́ tutə tītə̄ loo kə́ dəla loo tə́ beē.

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.

IJAI 14:25

M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.

IJAI 10:15

Kə̄ngā ənda kadən kum gotə nge kunən tə́gań yá̰a̰ a? Gində̄ kəja kāgə̄ ɔjə rɔ̄n kum gotə nge kunən kəjań kāgə̄ a? To tītə̄ kə́ i ndéy n i nge rāā kadə̄ jī kə́ kunən unən dɔɔ́ beé, aláa i tītə̄ kə́ i sálang kāgə̄ n i nge kɔr no jī kə́ nge kəhɔn beé.

IJAI 66:14

Dan ń ā ī-ndiī dan yá̰á̰ ń noō tə́ anī, kemsí i kə rɔ̄nelēé ō, dā̰ rɔ̄sí a tél yā ndi kə kumneé gogə́ tītə̄ mu kə́ gō man̄ kə́ edə tə́ beē. Kɔ́ɔ̄ɓē a rāā yá̰a̰ kə tɔ́gɔ́ tām̄ yā ngé gə̄ ń rāān̄ kəla adə̄nən̄ tə́ ní, banī madə̄ ba̰ā̰n gə̄ a gerə̄n̄ kɔȳ wōn̄g yān.

IJAI 13:5

Kɔ́ɔ̄ɓē ō, ngé gə̄ ń a bə̄gān̄ wōn̄g yān ō ní, ḭḭn̄ i sa̰y ngá̰ý n a reēn̄ ní, ḭḭn̄ i ta ngóy dɔ rā̰ kə́ dām̄ kə́rēý tə́. Nin̄ a nujən̄ ɓē malang kɔ̄ɔ́.

IJAI 8:4

Tām̄ kété pá tá kadə̄ ngōnīí ger̄ kəda na: Babá aláa mamá ní, a aw̄n̄ kə yá̰a̰ kənge gə̄ kə́ gātə̄də́ i ngá̰ý gə̄ kə́ Damas ō, yá̰a̰ kənge gə̄ kə́ kɔy Samari ō, yā kadə̄ mban̄g kə́ Asiri.

PĀ GƏ̄ 125:3

De kə́ o̰o̰ ɓē kə gōó aĺ a o̰o̰ ɓē dɔ de kə́ súmūú gə̄ tə́ alé. Ɓá anī de kə́ súmūú gə̄ a unən̄ jīdə́ yā rāań yá̰á̰ kə́ majaĺ alé.

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

TA KƏLA 10:11

Nemrod əya̰ dɔ nang ngeé ń noō kɔ̄ɔ́, ba aw̄ ndi dɔ nang kə́ Asiri tə́. I ni n rāā ɓē kə́ Ninibə ō, kə́ Rehobot Hir ō, kə́ Kala ō ní.

2 MBAN̄G 19:25

Senakerib, m̄-nóm̄ rāā yá̰a̰ gə̄ ń noō i kété jóó ngá̰ý ní, ī-ger̄ aĺ a? M-ə́lá gíŕ nóm̄də́ i kem ɓāl̄ gə̄ kə́ jóó ngá̰ý tə́ ní, ī-ger̄ aĺ a? Ngɔlaā ní m̄-rāādə́. M-ə̄ndāī i yā kadə̄ ī-nujə ɓē kə́ ngan̄g gə̄ sák sák kɔ̄ɔ́ kadə̄ télən̄ ndəbā ɓē gə̄.

IJAI 7:17

Banī Kɔ́ɔ̄ɓē a əla kə ndɔ̄ kə́ majaĺ gə̄ yā kadī ō, yā kadə̄ gír deē yāí gə̄ ō, yā kadə̄ gír kojə yāí ō. Əla gír ndɔ̄ ń ɓē ko̰o̰ kə́ Israel tə́ ɔrə̄ń rɔ̄n kɔ̄ɔ́ rɔ̄ ɓē ko̰o̰ kə́ Juda tə́ ní, ndɔ̄ gə̄ kə́ ton̄ tītə̄ ndɔ̄ gə̄ ń noō gətóon̄ ɓáý. Yá̰á̰ ń noō a rāā yá̰a̰ i kə ta kūl̄ mban̄g kə́ Asiri.

IJAI 7:20

Ndɔ̄ ngeé ń noō tə́ ní, Kɔ́ɔ̄ɓē a un nə́ngá kógə̄ḿ gidə bā Opəratə tə́, nə́ngá ní i mban̄g kə́ Asiri. A̰á̰ā̰, ni a dəsā dɔsí ō, a dəsā bḭḭ̄sí malang kə́ rɔ̄sí tə́ ō, mbāýsí gə̄gē ni a dəsā kɔ̄ɔ́.

IJAI 8:7

I beé ɓá ní, man̄ bā Opəratə ń i man̄ kə́ ngá̰ý ō, i man̄ kə́ a nūgə́ kə ngangá ngá̰ý ō ní, m-ā m̄-reēń dɔdə́ tə́. Kumən na i mban̄g kə́ Asiri ń tɔ́gən i ngá̰ý ní. Bā Opəratə a ḭḭ ngá̰ý ō, a taā loo ō.

IJAI 10:25

Ba na̰y kum mbang i ngá̰ý aĺ yā kadə̄ wōn̄g ń rāām̄ seí ní dəba, gír wōn̄g ní a gān̄g kɔ̄ɔ́.

IJAI 14:24

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-túbə, yá̰á̰ m-ɔ́jə rāā ní, a reē yā kudə gírí.

IJAI 23:13

Ādə̄ əga kemsí dɔ ɓē yā Babilon gə̄ tə́: Gír de gə̄ ń noō gətóon̄ kɔ̄ɔ́. Dɔ nang kə́ Asiri rāā ɓē ní adə̄ tél i ɓē yā dā̰ kə́ bembeé gə̄. De kə́ Asiri gə̄ rāān̄ kújə́ kə́ ngāl̄ ɓururu kə̄ dɔɔ́ gə̄ yā kənīnneé rɔ̄ɔ̄. Nin̄ tétə̄n̄ kújə ngol yān gə̄ nang tə́ kɔ̄ɔ́ ō, nin̄ rāān̄ adə̄ ni-tél i kɔkərɔ kə́ kán̄ dɔ naā tə́ bing ō.

IJAI 26:20

Gír deē yāḿ gə̄, údiī kújú ɓēé loosí ba ūtī ta róbə ī-gāngīneé gíŕsí kɔ̄ɔ́. Ī-ɓɔ̄ɔ̄ rɔ̄í kum ngán mbang gə̄ sḛý ādə̄ wōn̄g yā Kɔ́ɔ̄ɓē mānəń.

IJAI 30:27

Kɔ́ɔ̄ɓē n toó, ni-ḭḭ i sa̰y n reē. Wōn̄g yān o̰o̰ hor, i wōn̄g kə́ a ɔr̄ tɔ́gə deē. Wōn̄g rosə kem tan. Najə̄ yān to tītə̄ hor kə́ a o̰o̰ loo beé.

IJAI 34:2

Wōn̄g rāā Kɔ́ɔ̄ɓē kə nápar de gə̄ malang, wōn̄g rāān kə ɓūtə̄ yādə́ malang. Ni gḛy nujə sedə́ kɔ̄ɔ́ malang. Ni-aw̄ sedə́ loo tɔ̄l̄də́ tə́.

EJEKIEL 7:10

Ndɔ̄ gān̄g sarya n toó, loo kə́ nujə sák sák a əndā i dɔ rɔ̄n danaá. Yá̰a̰ rāā kə́ kə dɔ́nɔ́ a aw̄ i kum kə̄ kété kété ō, kɔjə rɔ̄ a tḭ̄ḭ̄ i rɔ̄n ō.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

TƏ́DA 24:24

To bo gə̄ ḭḭn̄ kum kā̰ kə́ Kitim tə́ reē ugə̄n̄. Ngé taā ɓē gə̄ rāān̄ kum Asiri gə̄ ndoō tə́ ō, rāān̄ kum Eber gə̄ ndoō tə́ ō, banī ta tɔ̄l̄ tadə́ anī, nin̄ kɔ́ gə̄ a nujən̄ sák sák kɔ̄ɔ́ ō.

2 MBAN̄G 18:25

m̄-reē rɔ̄ɔ̄ ɓē ń toō tə́ yā nujəń kɔ̄ɔ́ i kanjə̄ kadə̄ Kɔ́ɔ̄ɓē ndigə gōḿ tə́ a? I Kɔ́ɔ̄ɓē n ədam̄ na kə m̄-reē kə m̄-rɔ̄ɔ̄ ɓē ń toō, ba kə m̄-nujəń sák sák kɔ̄ɔ́ ní!

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

IJAI 30:9

I gír de kə́ ngé dum̄ naā gə̄, nin̄ i ngé sor̄ gə̄, i de gə̄ kə́ ngé mbātə́ koō yá̰á̰ ndóō yā Kɔ́ɔ̄ɓē.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.