IJAI 10:32 - Bibəl ta Sar̄

³² Ndɔ̄ ngeé noō tə́ ní madə̄ ba̰ā̰ gə̄ dəban̄ Nob. Nin̄-unən̄ jīdə́ kə́ ɓir̄ əlan̄ kə̄ dɔɔ́, yā kəlań ɓōĺ kem mbal̄ bo kə́ Siyo̰ tə́, kem ngōn̄ mbal̄ kə́ Jerusalem tə́.

Bible sar

³² Ndɔ̄ ngeé noō tə́ ní madə̄ ba̰ā̰ gə̄ dəban̄ Nob. Nin̄-unən̄ jīdə́ kə́ ɓir̄ əlan̄ kə̄ dɔɔ́, yā kəlań ɓōĺ kem mbal̄ bo kə́ *Siyo̰ tə́, kem ngōn̄ mbal̄ kə́ Jerusalem tə́.

IJAI 10:32 Referans Kwoze

1 SAMUEL 21:1

Tā anī Dabid əsō róbó ō, Jonatan tél ta kaw̄ gogə́ ɓēé ō.

JAKARI 2:9

Najə̄ ń Kɔ́ɔ̄ɓē əda wáńg ní n toó, ni-əda na: Mə̄kɔ́ m-ā m̄-rā tītə̄ ndogə̄ mbal̄ kə́ rāā kə horoó beē, kə gō gidə ɓēé kadə̄ gīr̄ gidə əla ta naā tə́ ō, m-ā m-ɔ́jə kɔsə ngɔn yāḿ kem ɓēé danaá bang ō!

IJAI 37:22

Najə̄ ń Kɔ́ɔ̄ɓē əda dɔn tə́ ní n toó: Jerusalem ń i dəyá̰ kə́ mandə ní kídī. Ni mbóo seí. A̰á̰ā̰, Siyo̰ ń i ɓē kə́ mandə ní, wél̄ dɔn kə kəgōó tan tə́ gidií tə́.

IJAI 19:16

Ndɔ̄ kógə̄ḿ tə́ anī de kə́ Ejiptə gə̄ a ton̄ tītə̄ dəyá̰ gə̄ beé. Dan ń Kɔ́ɔ̄ɓē kə́ bo kə́ tɔ́gən i ngá̰ý a un jīn kə́ ɓir̄ yā kəlań ɓōĺ kemdə́ tə́ anī, ɓōĺ a rāādə́ kadə̄ a ndewn̄.

1 SAMUEL 22:19

Saul adə̄ tɔ̄lə̄n̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngán kásə̄ gə̄ ō, man̄g gə̄ ō, kərō gə̄ ō, batə̄ gə̄ ō, bə̄yā̰ gə̄ ō malang kə́ Nob ń i ɓē yā ngé tun̄ yá̰a̰ gə̄ ń toō ní kə kaskaraá.

JEREMI 6:23

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

IJAI 13:2

Kɔ́ɔ̄ɓē əda na: Údiī dərapóo rɔ̄ɔ̄ dɔ mbal̄ kə́ ndágə doy karī tə́. Úriī kɔĺ ī-tāāīneé ngé rɔ̄ɔ̄ gə̄. Ī-wélī jīsí ādə̄ nin̄ udən̄neé kə ta róbə yā de kə́ bo kə́ kem ɓēé gēé.

IJAI 11:15

Bā bo kə́ Ejiptə ní, Kɔ́ɔ̄ɓē a rāā kadə̄ man̄ kə́ tū tə́ gətóo kɔ̄ɔ́. Ni a wél̄ jīn yā kəlań ɓōĺ kem bā Opəratə tə́. Ni a gān̄g bā ngeé ń toō kə koō kə́ tan tə́ kə́ tɔ́gən i ngá̰ý kadə̄ a téĺ ngán man̄ gə̄ gír loo sīrí. Deē a asə teē man̄ gə̄ ní kə sākə̄rāá njan tə́.

IJAI 10:24

I tām̄ najə̄ ń toō tə́ n Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda najə̄ ń toō ní: Gír deē yāḿ gə̄, sḭḭ̄ ń ī-ndiī Siyo̰ ní, ī-lōōī ɓōĺ Asiri. Ni əndasí kə məraw, un sálang kāgə̄ yān kə̄ dɔsí tə́, tītə̄ ń de kə́ Ejiptə tə́ gə̄ rāānəń kété jóó ní.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

IJAI 1:8

I ɓē kə́ Siyo̰ ngóy n teē ní. Ni to tītə̄ dabə kə́ ra kem ndɔr̄ kāgə̄ nduú gə̄ tə́ beē, tītə̄ kújə ngɔm̄ kə́ ra kem ndɔr̄ kosə́ gə̄ tə́ beē, tītə̄ ɓē kə́ áskar yā madə̄ ba̰ā̰ gə̄ gīrə̄n̄ gidə beé.

NEHEMI 11:32

Anatot ō Nob ō Anania ō

1 SAMUEL 22:9

Anī Doeg kə́ Edom ń ra kadə ngé kəla yā Saul gə̄ tə́ ní əda Saul na: Ndɔ̄ kógə̄ḿ tə́ m-á̰a̰ ngōn̄ Jese aw̄ Nob rɔ̄ Ahimelek ngōn̄ Ahitub tə́.

IJAI 10:31

De kə́ Madəmena gə̄ a a̰ȳn̄ naā, ngé kə́ Gebim gə̄ a sāān̄ i loo kə́ yā ɓɔ̄ɔ̄ń rɔ̄də́.

IJAI 16:1

Ngār gə̄ kə́ Moab ədan̄ na: Ḭ́ḭḭ̄ kə bal batə̄ gēé mbal̄ kə́ dəla loo tə́ āwīiń ādī kɔ́ɔ̄ ɓē, āwīiń ādī mban̄g kə́ Juda, dɔ mbal̄ Siyo̰ tə́.

1 SAMUEL 21:2

Dabid aw̄ Nob ɓē Ahimelek nge tun̄ yá̰a̰. Ahimelek tə́nī tan kə ɓōló ba dəjen na: I ba̰ý á īkɔ́ i kə kérí ba de kə́ dānī gətóó ní?

2 YÁ̰A̰ GƏ̄ 32:1

Gō yá̰a̰ gə̄ ń noō tə́ ō, ra dɔ ndū tə́ ń Ejekias ra dɔ tə́ kə Nə́ɓāá ní ō anī, Senakerib mban̄g kə́ Asiri reē dɔ nang kə́ Juda tə́ ba əndā gérger yān ta ɓē kə́ ngan̄g ngan̄g gə̄ kə́ kem ɓē kó̰ó̰ kə́ Juda tə́ ń ni núm̄ taā ní.

2 YÁ̰A̰ GƏ̄ 32:2

Dan ń Ejekias a̰ā̰ kadə̄ Senakerib reē i yā rɔ̄ɔ̄ ɓē kə́ Jerusalem anī,

IJAI 8:8

A aw̄ yā kugə̄ ɓē ko̰o̰ kə́ Juda tə́. A teē kem kārə̄n tə́ kə̄ ndágá ō, a taā ɓē ko̰o̰ kə́ Juda ō, a əhɔn míndən tə́ ō. A taā loo ta kaw̄ sa̰y, a taā ɓē yāí ḭ̄ Emanuel malang.

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

MISE 1:9

Tɔdɔ̄ ndéý ń ɔdə Samari ní, dáwán gətóo. Ɓē kə́ Juda gə̄gē, ndéý ní ɔdən ō, ndéý ní ɔdə ta róbə́ kə́ Jerusalem ō, loo ń gír deē yāḿ gə̄ ndin̄ tū tə́ ní.