IJAI 10:3 - Bibəl ta Sar̄

³ Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

Bible sar

³ Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

IJAI 10:3 Referans Kwoze

Najə̄ kə́ Majə yā Jeju ń Luk ndang ní 19:44

a rējə̄n̄sí rárák nang tə́, ḭ̄ gə̄gē ngání gə̄ ń a ton̄ kem bɔr yāí tə́ ní gə̄gē, a əya̰n̄ mbal̄ kógə̄ḿ dɔ mbal̄ madə̄ tə́ looí alé, tɔdɔ̄ ī-ger̄ ndɔ̄ ń Nə́ɓā reē go̰ō̰īneé tə́ ní alé.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

Makətūbə̄ yā Job 31:14

Ré i beé aĺ ní, dan ń Nə́ɓā a əndā najə̄n dɔḿ tə́ ní, m-ā m-ə́da na i rí? Dan ń ni a dəje najə̄ kə́ dɔ tə́ ní, m-ā m̄-tél yā kədan na i rí?

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

IJAI 20:6

Ndɔ̄ ngeé ń noō tə́ ní, ngé gə̄ ń ndin̄ ɓē ta bā bo tə́ ní, a ədan na: Yá̰á̰ ń a rāā ngé gə̄ ń j-əndāī kemjí dɔdə́ tə́ ní n noó! Jə-ndigiī ɓɔ̄ɔ̄ rɔ̄jí ɓēé loodə́ i yā kəngeń rāā kə́ kadə̄ rāān̄ sejí ō, kadə̄ gāngə̄n̄ dɔjí jī mban̄g kə́ Asiri tə́ ō.

IJAI 5:26

Kɔ́ɔ̄ɓē udə dərapóo rɔ̄ɔ̄ kógə̄ḿ dɔɔ́, yā kɔrə̄ń najə̄ kə nápar de gə̄ ń ndin̄ sa̰y ní. Nin̄ ń ndin̄ i ta ngóy dɔ nang tə́ ní, ni-ɓāŕdə́ kə ngélé. Anī gír de gə̄ ní nin̄ n toó, nin̄ reēn̄ láẃ ngá̰ý, njadə́ hɔɔ́lɔ̄.

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 39:3

Gō tə́ anī, Ijai nge koō ta reē ənge mban̄g Ejekias ba dəjen najə̄ ədan na: De gə̄ ní ədaīn̄ na i rí? Nin̄ ḭḭn̄ i rá? Anī Ejekias tél ədan na: Ḭḭn̄ i sa̰y ngá̰ý n reēn̄ ka̰a̰ḿ tə́ ní, ḭḭn̄ i Babilon.

IJAI 33:14

Kem ɓē kə́ Siyo̰ tə́ ní, de gə̄ ń najə̄ əhɔdə́ ní, ndíĺdə́ a̰ȳ ō, ɓōĺ rāā de kə́ majaĺ gə̄ adə̄ nin̄ ndewn̄ ō. Nin̄ dəjen̄ najə̄ ədan̄ na: I náā kə́ danjí tə́ n asə ra kadə hor kə́ a o̰o̰ ń toō tə́ ní? I náā kə́ danjí tə́ n asə ra kadə ta ndo̰ hor kə́ a oy aĺ ń toō tə́ ní?

IJAI 30:16

Sḭḭ̄ ə́daī na: I beé alé, j-a j-un sə́nda yā ka̰ȳń. I beé ɓá ní, a̰á̰ā̰, sḭḭ̄ ā ā̰yī naā. Sḭḭ̄ ə́daī to̰ na: Sə́nda yājí gə̄ a ngɔ̄də̄n̄ ngá̰ý. I beé ní, ngé ngɔ̄də̄sí gə̄ a a̰ȳn̄ ngɔ̄də̄ ngá̰ý ō.

IJAI 5:14

I tām̄ najə̄ ń toō tə́ n loo kə́ ɓádá a teē tan kadə̄ laa ngá̰ý ní, tan kə́ bo ngá̰ý ní, ni a teē. De kə́ bo gə̄ ō, kósə de gə̄ ō, a risən̄ kemeé ndɔ̄ naā tə́, dan ń nin̄ a rāān̄ rɔ̄nel̄ kə́ kōōdə́ ɓār̄ gijə gijə ní tə́.

2 MBAN̄G 7:15

De gə̄ ní unən̄ tó ngé rɔ̄ɔ̄ gə̄ bátə́ aw̄ ugə̄n̄ bā Jurdḛ tə́. Nin̄-a̰a̰n̄ kūbə̄ gə̄ ō, yá̰a̰ gə̄ ngá̰ý ō, kə́ ton̄ kə gō róbó gō tóo Aram gə̄ ń a̰ȳn̄ naā kə tebəle gēé á ɓōkə́n̄ kɔ̄ɔ́ tə́ ní. Ngé kəla gə̄ tél reē ədan̄ mban̄g.

TA KƏLA 31:1

Jakob oō najə̄ kɔr̄ ngán Laban gə̄ ń ədan̄ na ni na taā yá̰a̰ yā bɔbə̄də́ malang ō, na ənge yá̰a̰ i kə ta kūl̄ yá̰a̰ kənge yā bɔbə̄də́ ō ní.

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

IJAI 17:4

Ndɔ̄ ngeé ń noō tə́ ní, bo yā Israel a tél kə̄ nang tə́, kɔȳn i ngá̰ý to̰ alé.

IJAI 26:14

Ngol gə̄ ngeé ń toō oyn̄ kɔ̄ɔ́, nin̄ a télən̄ yā reē to̰ alé. Nin̄ i ndíl de gə̄ kɔ̄ɔ́, a télən̄ yā kḭḭ dɔɔ́ gogə́ to̰ alé. Ḭ̄ ī-rāā yá̰a̰ yā nujəńdə́, yá̰a̰ gə̄ ń ton̄ kadə̄ əgań kem deē gə̄ dɔdə́ tə́ ní, ḭ̄ ī-rāā adə̄ yá̰a̰ gə̄ ní gətóon̄ kɔ̄ɔ́ malang.

IJAI 29:6

Kɔ́ɔ̄ɓē kə́ bo kə́ tɔ́gən i ngá̰ý ní, rāā yá̰á̰ kógə̄ḿ kə ta kūl̄ man̄ kə́ ndang, kə kōō yá̰á̰ kógə̄ḿ kə́ ɓār̄ to ɓōĺ ngá̰ý, kum nél man̄ kə́ əla kə ngangá ngá̰ý tə́ ō, kə ta ndo̰ hor kə́ a nujə looó ō.

IJAI 30:5

Banī nin̄ malang ní rɔ̄də́ a sɔl̄də́ ngá̰ý, najə̄ yā gír de gə̄ kə́ a asən̄ rāā yá̰á̰ kógə̄ḿ tām̄ yādə́ tə́ aĺ tə́. De kə́ Ejiptə gə̄ a adə̄n̄sí yá̰á̰ kógə̄ḿ yā rāań sesí aĺ ō, a adə̄n̄sí yá̰á̰ kə́ a rāā majə sesí aĺ ō. Nin̄ a əlan̄ i rɔ̄sɔl̄ dɔsí tə́ ngóy ō, a rāān̄sí kadə̄ ā ī-tḭ̄ḭ̄ ta hɔ̄r̄mɔ̄ yāsí kɔ̄ɔ́ ō.

IJAI 30:7

A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

JEREMI 4:30

Ba ḭ̄, ā ī-rāā i rí? Ə́la kūbə̄ kə́ kərē bḭḭ ō, ī-tə́lá yá̰á̰ súū rɔ̄ kə́ rāā kə lɔ́rɔ́ gə̄ ō. Ī-rāā yá̰á̰ súū rɔ̄ dɔ kumií tə́. Ī-rāā mandə i ndāńg. ngé sāāí gə̄ idən̄ tadə́ gírí tə́, nin̄ sāān̄ tɔ̄lī.

JEREMI 9:9

m̄-nōō pul pul dɔ mbal̄ gə̄ tə́ ō, m̄-nōō rɔ̄ḿ loo kəsa yá̰a̰ yā dā̰ gə̄ tə́ kem dəla loo tə́ ō. Tɔdɔ̄ əlan̄ hor dɔ loo gə̄ ní tə́ kɔ̄ɔ́ ō, deē teē tū tə́ to̰ aĺ ō. Deē oō kōō ɓūtə̄ yá̰a̰ kul̄ gə̄ tū tə́ to̰ alé. Yel̄ gə̄ ō, yá̰a̰ kul̄ gə̄ o a̰ȳn̄ naā malang kɔ̄ɔ́. Yá̰á̰ kə́ rang sḛ́ý gətóo.

JEREMI 22:7

m̄-ɔ̄r̄ kam̄ de gə̄ kadə̄ nujən̄ seí. Náā nəkɔ́ a ɔy yá̰a̰ kəla yān gə̄ jīn tə́. Nin̄ a tə́gān̄ kāgə̄ sédər yāí kə́ majə ngá̰ý gə̄ kɔ̄ɔ́ ō, a rāān̄də́ kadə̄ a tə́sōn̄ kum hor tə́ ō.

OJEE 9:5

Yá̰á̰ ń ā ī-rāāī ndɔ̄ kənge naā tə́, adə̄ i ndɔ̄ rāā nāā yā Kɔ́ɔ̄ɓē tə́ ní, i rí?

MISE 7:4

De kə́ dandə́ tə́ kə́ majə tɔȳ gotə́ gə̄, to i tītə̄ mu kə́ ndo̰ō̰ kə́ to dɔ naā tə́ bing beé ō, majaĺ tɔȳ túpə kō̰n̄ ō. Ndɔ̄ kə́ yā kəndańsí tām̄ yá̰a̰ rāāsí kə́ gōtə́ aĺ tə́ n toó. Ngé ngɔ̄m̄ loo yāsí gə̄ ń i ngé koō ta gə̄ ní, ədan̄sí najə̄n kété. Sḭḭ̄ ə́laī gír ndi kə ɓōló kɔ̄ɔ́ ɓá.

IJAI 28:20

A̰á̰ā̰, tītə̄ ń gōsə̄ najə̄ ədań ní, tə̄rá a dūú ngá̰ý adə̄ a asə kəto deē alé, bájo a dūú ngá̰ý adə̄ a asə kadə̄ deē ənī dɔn tə́ alé.

AMOS 5:19

Ndɔ̄ ní a to i tītə̄ deē kógə̄ḿ kə́ a̰ȳ ɓɔl ba əsō ta dā̰ kə́ rang kə́ majaĺ tə́ beē. Gō tə́ anī, deē ní aw̄ udə kújú ɓēé, ba əndā jīn kadə bɔr tə́, anī lī kógə̄ḿ do̰o̰n!