IJAI 10:26 - Bibəl ta Sar̄

²⁶ Tām̄ Kɔ́ɔ̄ɓē kə́ bo kə́ tɔ́gən i ngá̰ý a un məraw yān kə̄ dɔ Asiri tə́, tītə̄ ń ni rāań kə Madian gēé mbal̄ kə́ Oreb tə́ ní. Ni a un sálang kāgə̄ yān yā kəla kə̄ dɔ bā bo tə́ tītə̄ ń rāań kə ɓē kə́ Ejiptə ní.

Bible sar

²⁶ Tām̄ Kɔ́ɔ̄ɓē kə́ bo kə́ tɔ́gən i ngá̰ý a un məraw yān kə̄ dɔ Asiri tə́, tītə̄ ń ni rāań kə Madian gēé mbal̄ kə́ Oreb tə́ ní. Ni a un sálang kāgə̄ yān yā kəla kə̄ dɔ bā bo tə́ tītə̄ ń rāań kə ɓē kə́ Ejiptə ní.

IJAI 10:26 Referans Kwoze

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

NGÉ SARYA 7:25

Nin̄ əhɔn̄ ngār yā Madian gə̄ kə́ jōó gə̄ ń kógə̄ḿ rīn na i Oreb ō, kə́rēý rīn na i Jeb ō ní. Tɔ̄l̄ə̄n̄ Oreb i dɔ mbal̄ ń a ɓārə́n̄ na i mbal̄ Oreb ní tə́ ō, tɔ̄lə̄n̄ Jeb i loo ń a ɓārə́n̄ na i loo mbə́rē kan̄ kāgə̄ nduú yā Jeb tə́ ní ō.

2 MBAN̄G 19:35

Teē kə ndɔ̄ kə́ noō ndɔ̄ɔ́ anī, nge kaw̄ kəla yā Kɔ́ɔ̄ɓē udə kem gérger yā de kə́ Asiri gə̄ tə́ ba tɔ̄l̄ de gə̄ 185 000. Dan ń de gə̄ ndótən̄ kə gidə gōó dəloí anī loo i nīń malang.

Teē Ngán Israel gə̄ 14:16

Kə un kāgə̄-jī yān, kə əla kum kə̄ dɔ bā bo tə́, kə gāngəń bā bo naā tə́ jōó kadə̄ ngán Israel gə̄ mānə̄n̄ danaá.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

JEJU TEĒ KUM JA̰A̰ 11:18

Nápar de gə̄ rāān̄ wōn̄g, ba i wōn̄g yāí ḭ̄ n reē rāā yá̰á̰ ní. Kum mbang kə́ yā gāngəń sarya dɔ de kə́ koy gə̄ tə́ asə ō, kum mbang kə́ yā kəndāń nja ngé kəla yāí gə̄ ń i ngé koō ta gə̄ ō, i deē yāí gə̄ ō, ngé ɓōĺ rīí gə̄ ō ń nin̄ i de kə́ dūú gə̄ ō, kə́ bo gə̄ ō ní, asə ō, kum mbang nujə ngé nujə dɔ nang gə̄ asə ō.

IJAI 11:16

De gə̄ yān gə̄ ń a teēn̄ ta yo tə́ dɔ nang kə́ Asiri tə́ ní, róbə́ kógə̄ḿ a to tām̄ yādə́ tə́. A to i tītə̄ ń kaadə́ gə̄ teēnəń kɔ̄ɔ́ kem ɓē kə́ Ejiptə tə́ kété jóó ní.

IJAI 10:24

I tām̄ najə̄ ń toō tə́ n Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda najə̄ ń toō ní: Gír deē yāḿ gə̄, sḭḭ̄ ń ī-ndiī Siyo̰ ní, ī-lōōī ɓōĺ Asiri. Ni əndasí kə məraw, un sálang kāgə̄ yān kə̄ dɔsí tə́, tītə̄ ń de kə́ Ejiptə tə́ gə̄ rāānəń kété jóó ní.

PĀ GƏ̄ 83:11

Tɔ̄lə̄n̄də́ malang kɔ̄ɔ́ ta kəɓa man̄ kə́ Harod tə́ ō, əya̰n̄də́ adə̄ ton̄ nang tə́ tītə̄ yedə̄ yá̰á̰ kə́ yā rāań dɔ nang kadə̄ teē yá̰a̰ ō.

PĀ GƏ̄ 35:23

Nə́ɓā yāḿ, ḭ́ḭ dɔɔ́ ī-gān̄g sarya yāḿ, Kɔ́ɔ̄ɓē, á̰a̰ loo ráý ráý ba ī-rɔ̄ɔ̄ dɔḿ tə́!

IJAI 30:31

Dan ń Asiri a oō ndū Kɔ́ɔ̄ɓē ō, Kɔ́ɔ̄ɓē a əndan kə ndéý sálang yānneé ō anī, ɓōĺ a rāān.

IJAI 9:3

A̰á̰ā̰, ḭ̄ ɔ̄r̄ gír deē yāí gə̄ kɔ̄ɔ́ tū ko̰o̰ ɓē kə́ ɔȳdə́ tə́. Kāgə̄ ń adə̄ kār̄ bɔ̄gə̄də́ gə̄ do ní, ndéý ń əndanə̄ńdə́ ní, ḭ̄ ī-tétə̄ kɔ̄ɔ́, tītə̄ ń ī-rāań ndɔ̄ ń ī-tetəń Madian gə̄ rɔ̄ɔ̄ tə́ ní.

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.

IJAI 30:32

A dānə̄n̄ gō jī Kɔ́ɔ̄ɓē loo kəndan tə́ i kə kɔdə gə̄ ō, kənde gə̄ ō. Kɔ́ɔ̄ɓē a wél̄ jīn yā kəlań ɓōĺ kem Asiri tə́ ō, ni a rɔ̄ɔ̄n ō.