IJAI 10:25 - Bibəl ta Sar̄

²⁵ Ba na̰y kum mbang i ngá̰ý aĺ yā kadə̄ wōn̄g ń rāām̄ seí ní dəba, gír wōn̄g ní a gān̄g kɔ̄ɔ́.

Bible sar

²⁵ Ba na̰y kum mbang i ngá̰ý aĺ yā kadə̄ wōn̄g ń rāām̄ seí ní dəba, gír wōn̄g ní a gān̄g kɔ̄ɔ́.

IJAI 10:25 Referans Kwoze

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

HEBƏRO 10:37

Tɔdɔ̄ makətūbə̄ yā Nə́ɓā əda na: Na̰y kum mbang sḛ́ý ɓáý, na̰y sḛ́ý beē ngóy, anī nge ń sɔɔ̄ kadə̄ reē ní a reē. Na a ɔr bā̰ā̰ alé.

2 MBAN̄G 19:35

Teē kə ndɔ̄ kə́ noō ndɔ̄ɔ́ anī, nge kaw̄ kəla yā Kɔ́ɔ̄ɓē udə kem gérger yā de kə́ Asiri gə̄ tə́ ba tɔ̄l̄ de gə̄ 185 000. Dan ń de gə̄ ndótən̄ kə gidə gōó dəloí anī loo i nīń malang.

IJAI 54:7

M-ə́ya̰ī kɔ̄ɔ́ i kum mbang kə́ sḛ́ý beē tə́. Banī m̄-ndigə tél taāī gogə́ i kə kemḿ kə́ gḛy táriī ngá̰ý.

IJAI 10:5

Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

PĀ GƏ̄ 37:10

Na̰y dan i ngá̰ý to̰ alé kadə̄ nge kem ndul a gətóo kɔ̄ɔ́. Ká ə̄ndā ma̰ȳ gotə loo ń ni-ndi tū tə́ ní ngá̰ý gə̄gē anī, ā á̰a̰ gō tóon alé.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

IJAI 26:20

Gír deē yāḿ gə̄, údiī kújú ɓēé loosí ba ūtī ta róbə ī-gāngīneé gíŕsí kɔ̄ɔ́. Ī-ɓɔ̄ɔ̄ rɔ̄í kum ngán mbang gə̄ sḛý ādə̄ wōn̄g yā Kɔ́ɔ̄ɓē mānəń.

Makətūbə̄ yā Aje 2:6

A̰á̰ā̰, yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Na̰y kum mbang i séý beē kadə̄ a yéȳ dɔ rā̰ ō dɔ nang ō, bā bo ō dɔ nang kə́ ngan̄g ō.

Gōsə̄ najə̄ gə̄ 22:8

Deē ń rāā yá̰á̰ kə́ gōtə́ aĺ ní majaĺ a əso dɔn tə́ ō, tɔ́gən ń rāań yá̰a̰ kə dɔ́nɔ́ ní a gətóo kɔ̄ɔ́ ō.