IJAI 10:23 - Bibəl ta Sar̄

²³ A̰á̰ā̰, nujə loo ngeé ń toō ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý un ndūn najə̄n tə́ kɔ̄ɔ́, adə̄ ni-rāā kadə̄ yá̰á̰ ní reē udə gírí kem ɓēé malang.

Bible sar

²³ A̰á̰ā̰, nujə loo ngeé ń toō ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý un ndūn najə̄n tə́ kɔ̄ɔ́, adə̄ ni-rāā kadə̄ yá̰á̰ ní reē udə gírí kem ɓēé malang.

IJAI 10:23 Referans Kwoze

IJAI 28:22

I beé ní, ī-dəbaī ta mbóo kə deē yāsí. Ré i beé aĺ anī, súĺ yāsí gə̄ a ndɔ́tə̄n̄ kum kə̄ rɔ̄ naā tə́ kadə̄ gō a ngan̄g tɔȳ kə́ kété ɓáý. A̰á̰ā̰, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý ədam̄. Ni un ndūn yā nujə ɓē kə taá malang kɔ̄ɔ́.

Makətūbə̄ ń Pol ndang adə̄ Rom gə̄ ní 9:28

Tɔdɔ̄ Kɔ́ɔ̄ɓē a rāā kadə̄ najə̄ yān reē udə gírí dɔ nang tə́ laā i kə taá malang ō, i láẃ ō.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.