IJAI 10:22 - Bibəl ta Sar̄

²² Tá Israel, ká ré kutə gír deē yāí gə̄ i ngá̰ý tītə̄ nán̄g ngárə̄ḿnjēý kə́ ta bā bo tə́ gə̄gē, i gotədə́ ń a na̰y ní ngóy n a tél yā reē rɔ̄ Kɔ́ɔ̄ɓē tə́ ní. Unən̄ ndūdə́ kɔ̄ɔ́ yā nujə loo. Yá̰a̰ rāā kə́ gōtə́ a taā loo tītə̄ man̄ beé.

Bible sar

²² Tá *Israel, ká ré kutə gír deē yāí gə̄ i ngá̰ý tītə̄ nán̄g ngárə̄ḿnjēý kə́ ta bā bo tə́ gə̄gē, i gotədə́ ń a na̰y ní ngóy n a tél yā reē rɔ̄ Kɔ́ɔ̄ɓē tə́ ní. Unən̄ ndūdə́ kɔ̄ɔ́ yā nujə loo. Yá̰a̰ rāā kə́ gōtə́ a taā loo tītə̄ man̄ beé.

IJAI 10:22 Referans Kwoze

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

JEJU TEĒ KUM JA̰A̰ 20:8

Nápar de gə̄ malang ń ndin̄ dɔ nang tə́ á i Gog nin̄ kə Magog ní, ni a teē yā kaw̄ rāādə́ kadə̄ ndúmə̄n̄. Ni a ɔsə dɔdə́ naā tə́ tām̄ yā rɔ̄ɔ̄ tə́ ō, kutə de gə̄ ní i ngá̰ý tītə̄ nán̄g ngárə̄ḿnjēý kə́ ta bā bo tə́ ō.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

IJAI 8:8

A aw̄ yā kugə̄ ɓē ko̰o̰ kə́ Juda tə́. A teē kem kārə̄n tə́ kə̄ ndágá ō, a taā ɓē ko̰o̰ kə́ Juda ō, a əhɔn míndən tə́ ō. A taā loo ta kaw̄ sa̰y, a taā ɓē yāí ḭ̄ Emanuel malang.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

1 MBAN̄G GƏ̄ 4:20

De kə́ Juda tə́ gə̄ ō, kə́ Israel tə́ gə̄ ō, i ngá̰ý tītə̄ nán̄g ngárə̄ḿnjēý kə́ ta bā tə́ beē. Nin̄-əsan̄ ō, a̰ȳn̄ ō, rāān̄ rɔ̄nel̄ ō.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

IJAI 46:3

Israel gə̄, ōōī najə̄ yāḿ, sḭḭ̄ kojə yā Jakob ń ī-na̰yiī ní. M-ə́lá gír ka̰a̰ gōsí i dan ń ojən̄neésí ní tə́. M-ə́lá gír kətōsí i ndɔ̄ ń ī-reēīneé dɔ nang tə́ ní.

IJAI 48:19

Ngání gə̄ ō, ngán kaaí gə̄ ō ní, kutədə́ i ngá̰ý tītə̄ kutə nán̄g ngárə̄ḿnjēý kə́ ta bā bo tə́ beē. Rīdə́ a gətóo kɔ̄ɔ́ ta kumḿ tə́ aĺ i kə́ bátə́ gə̄ tə́.

IJAI 60:22

De kə́ dūú tɔȳ madə̄n gə̄ kə́ dandə́ tə́ a ojə de gə̄ dūbú, de kə́ tɔ́gən gətóo tɔȳ madə̄n gə̄ kə́ dandə́ tə́ a téĺ gír de gə̄ kə́ tɔ́gə́də́ i ngá̰ý. Mā Kɔ́ɔ̄ɓē, dan ń kum mbang a asə anī, m-ā m̄-rāā yá̰á̰ ń noō i láẃ ngá̰ý.

IJAI 65:8

Najə̄ ń Kɔ́ɔ̄ɓē əda ní n toó: Dan ń deē ənge dɔ bəra nduú kə́ kərē majanī, de gə̄ ədan̄ na: Ī-lōōī nujəń kɔ̄ɔ́ na kasən a nel̄ rɔ̄kum. M-ā m̄-rāā beé ō, najə̄ yā ngé gə̄ ń rāān̄ kəla adə̄mə̄n̄ tə́ ní. Mā m̄-nujəń malang alé.

2 MBAN̄G 19:31

Tɔdɔ̄ gotə de kə́ na̰y gə̄ a teēn̄ kem ɓē kə́ Jerusalem tə́ ō, de kə́ teē ta yo tə́ gə̄ a ḭḭn̄ dɔ mbal̄ Sion tə́ ō. Ijai əda ɓáý to̰ na: Yá̰á̰ ń Kɔ́ɔ̄ɓē a rāā sɔɔ̄ń tár yān kə́ ngá̰ý ní n noó.

IJAI 37:31

Ngé kə́ kem ɓē ko̰o̰ yā Juda tə́ gə̄ ń a ndin̄ kə kumdə́ ní, a ton̄ tītə̄ ngōn̄ kāgə̄ beé. Nin̄ a télən̄ ngəradə́ kə́ kijə gə̄ gíŕ nángāá, ta jī gə̄ a anə̄n̄.

IJAI 59:20

Nge gān̄g dɔ de gə̄ kógə̄ḿ a reē Siyo̰ tām̄ yā ngé gə̄ ń tūrə̄n̄ gidədə́ kɔ̄ɔ́ ta yá̰á̰ kə́ gōtə́ aĺ yādə́ gə̄ tə́ dan ngán Jakob gə̄ tə́ ní. Najə̄ ń Kɔ́ɔ̄ɓē əda ní n noó.

JEREMI 3:14

Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí Siyo̰.

JEREMI 44:28

De kə́ kutədə́ i ngá̰ý aĺ gə̄ kə́ teēn̄ ta yo kaskar tə́ a ḭḭn̄ Ejiptə yā tél kaw̄ gogə́ dɔ nang kə́ Juda tə́. Ɓá anī, ngé gə̄ malang ń ndin̄ kə kumdə́ Juda tə́ á reē ɓɔ̄ɔ̄n̄ rɔ̄də́ Ejiptə tə́ ní, a gerə̄n̄ ké najə̄ i yāḿ aké i yādə́ nin̄ wa.