IJAI 10:2 - Bibəl ta Sar̄

² I tītə̄ ń noō n ɔgə̄nəń kadə̄ gāngə̄n̄ sarya yā ngé ndoō gə̄ kə gōó ní, de gə̄ kə́ dan deē yāḿ gə̄ tə́ ń nge rɔ̄ɔ̄ dɔdə́ tə́ gətóó ní, nin̄ ɔgə̄n̄də́ yá̰á̰ kə́ sɔɔ̄də́. Nin̄ ɓogən̄ dəyá̰ kə́ ngaa koy gə̄ ō, ɔyn̄ yá̰a̰ yā ngán hal gə̄ dɔ gúú tə́ ō.

Bible sar

² I tītə̄ ń noō n ɔgə̄nəń kadə̄ gāngə̄n̄ sarya yā ngé ndoō gə̄ kə gōó ní, de gə̄ kə́ dan deē yāḿ gə̄ tə́ ń nge rɔ̄ɔ̄ dɔdə́ tə́ gətóó ní, nin̄ ɔgə̄n̄də́ yá̰á̰ kə́ sɔɔ̄də́. Nin̄ ɓogən̄ dəyá̰ kə́ ngaa koy gə̄ ō, ɔyn̄ yá̰a̰ yā ngán hal gə̄ dɔ gúú tə́ ō.

IJAI 10:2 Referans Kwoze

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

IJAI 3:14

Ni-aw̄ kə kum kɔɔ̄ gə̄ yā gír deē yān gə̄ ō, ngār gə̄ yā gír deē yān gə̄ ō, loo sarya tə́. Ni ədadə́ na: I sḭḭ̄ n ī-nujiī ndɔr̄ kāgə̄ nduū yāḿ kɔ̄ɔ́ ní. Yá̰a̰ kənge yā ngé ndoō gə̄ ń ī-ɓogiī ní, rosə kem kújə yāsí gə̄.

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

IJAI 5:23

Deē ń najə̄ i dɔn tə́ ní, nin̄ əya̰nən̄ dɔɔ́ ba taān̄ kadə̄ karī gírí. Ba deē ń najə̄ gətóo dɔn tə́ ní, nin̄ mbātə́n̄ gān̄g sarya kə́ gōtə́ kadə̄n.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

AMOS 2:7

Nin̄ əlan̄ dɔ nge ndoō kum bumbə́rú tə́ ō, ɓōlə́n̄ gidə yá̰á̰ yā de kə́ dūú gə̄ aĺ ō. Bɔbə̄ ngōn̄ nin̄ kə ngōnōó sāān̄ dəyá̰ dɔ naā tə́ ō. I tītə̄ ń noō n nin̄ tájə̄n̄neé hɔ̄r̄mɔ̄ yāḿ ní.

NŌŌ RƆ̄ 3:35

dan ń yá̰á̰ kə́ gōtə́ gətóo mbənā de gə̄ tə́ ta kum Nə́ɓā kə́ dɔɔ́ sa̰y ngá̰ý tə́ ní ō,

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

PĀ GƏ̄ 94:6

Nin̄ tɔ̄lə̄n̄ dəyá̰ kə́ ngaa koy ō, de kə́ nge nam̄ ɓē ō, nin̄ tɔ̄lə̄n̄ ngán hal gə̄ ndāńg ō.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

IJAI 32:6

Tām̄ de kə́ sapə gə̄ a ɔrə̄n̄ i najə̄ kə́ kumən gətóo gə̄. Yá̰á̰ ń nin̄ a gírə̄n̄ ní, i rāā yá̰á̰ kə́ majaĺ ngóy ō, a rāān̄ i yá̰á̰ kə́ majə ka̰ā̰ aĺ ngá̰ý gə̄ ō, a tájə̄n̄ i Kɔ́ɔ̄ɓē ō. Deē ń ɓō rāān ní, nin̄ adə̄nən̄ yá̰a̰ kəsa aĺ ō, deē ń kəndā man̄ rāān ní, nin̄ adə̄nən̄ man̄ ka̰ȳ aĺ ō.

IJAI 59:15

A̰á̰ā̰, kɔr̄ najə̄ kə́ rɔ̄kum gətóo kɔ̄ɔ́ ō, deē ń ndigə ɓōĺ gidə yá̰a̰ rāā kə́ gōtə́ anī, a nārə̄n̄ yá̰a̰ yān malang kɔ̄ɔ́ ō. Kɔ́ɔ̄ɓē a̰a̰ yá̰a̰ gə̄ ń noō malang. Ni-a̰a̰ kadə̄ gətóo yā yá̰á̰ kə́ súmūú i yá̰á̰ kə́ majaĺ.

Teē Ngán Israel gə̄ 23:6

Ā ī-nujə najə̄ yā nge rɔ̄ tō ndoō yāí loo sarya tə́ alé.

Makətūbə̄ yā Job 31:16

Nja kógə̄ḿ m̄-mbātə́ rāā yá̰á̰ kə́ ngé ndoō gə̄ dəjemə̄n̄ a? m̄-rāā dəyá̰ kə́ ngaa koy adə̄ kumən tō ndoō a?

Gōsə̄ najə̄ gə̄ 22:22

Ī-lōō taā yá̰a̰ yā nge tɔ́gə gətóo jīn tə́ kɔ̄ɔ́ najə̄ tɔ́gən kə́ gətóó tə́ ō, ī-lōō rāā kum nge ndoō ndoō tə́ loo sarya tə́ ō.

Gōsə̄ najə̄ gə̄ 30:14

De kə́rēý gə̄ ndin̄ noó, ngān̄gdə́ i kaskar ō, kə̄ngā mbɔ́ŕdə́ i kəyā ō. Nin̄ əsan̄ ngé rɔ̄ tō ndoō kə́ kem ɓēé gə̄ ō, ngé ndoō gə̄ kə́ dan de gə̄ tə́ ō.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

AMOS 2:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Israel gə̄ dɔ tə́ i ngá̰ý. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní. Deē ń najə̄ gətóo dɔn tə́ ní, nin̄ igən̄ seneé tītə̄ ɓəlo beé yā kəngeń nar. Deē ń rɔ̄n tō ndoō ní, nin̄ igən̄ seneé yā kəngeń sākə̄rā jōó.

AMOS 5:19

Ndɔ̄ ní a to i tītə̄ deē kógə̄ḿ kə́ a̰ȳ ɓɔl ba əsō ta dā̰ kə́ rang kə́ majaĺ tə́ beē. Gō tə́ anī, deē ní aw̄ udə kújú ɓēé, ba əndā jīn kadə bɔr tə́, anī lī kógə̄ḿ do̰o̰n!

MISE 3:1

Ba mā m-ə́dásí na: I beé ɓá ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ń i ngé gān̄g sarya yā gír de gə̄ yā Israel ní, ōōī. Yá̰á̰ ń i yá̰á̰ kə́ gōtə́ ní, i sḭḭ̄ n i ngé ger̄ gə̄ ní wa ḿ?