IJAI 10:13 - Bibəl ta Sar̄

¹³ Tām̄ mban̄g ngeé ń toō əda na: Yá̰a̰ malang ń m̄-rāā ní, i kə ta kūl̄ tɔ́gə́ḿ ō, kum kedə̄ yāḿ ō, tɔdɔ̄ mā i de kə́ m̄-ger̄ yá̰a̰. m̄-rāā adə̄ dɔ nin̄ loo gə̄ yā gír de gə̄ gətóo kɔ̄ɔ́ ō, m̄-ɓogə yá̰a̰ kənge yādə́ gə̄ kə́ to loo ɓɔ̄ɔ̄ tə́ ō. m̄-rāā mban̄g gə̄ adə̄ risən̄ kɔ̄ɔ́ dɔ kōr̄ kāgə̄ mbang yādə́ gə̄ tə́ ō.

Bible sar

¹³ Tām̄ mban̄g ngeé ń toō əda na: Yá̰a̰ malang ń m̄-rāā ní, i kə ta kūl̄ tɔ́gə́ḿ ō, kum kedə̄ yāḿ ō, tɔdɔ̄ mā i de kə́ m̄-ger̄ yá̰a̰. m̄-rāā adə̄ dɔ nin̄ loo gə̄ yā gír de gə̄ gətóo kɔ̄ɔ́ ō, m̄-ɓogə yá̰a̰ kənge yādə́ gə̄ kə́ to loo ɓɔ̄ɔ̄ tə́ ō. m̄-rāā mban̄g gə̄ adə̄ risən̄ kɔ̄ɔ́ dɔ kōr̄ kāgə̄ mbang yādə́ gə̄ tə́ ō.

IJAI 10:13 Referans Kwoze

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

HABAKUK 1:16

Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

AMOS 6:13

Sḭḭ̄ ī-rāāī rɔ̄nel̄ tetə rɔ̄ɔ̄ yāsí kə́ Loo Dabar ń i ɓē ń ni i yá̰á̰ kógə̄ḿ aĺ ní. Sḭḭ̄ ə́daī na: Jə-taā ɓē kə́ Karnaim i kə ta kūl̄ tɔ́gə́jí rɔ̄kum, ɓē ń tɔ́gə i tū tə́ ní.

AMOS 5:27

I beé ní, m-ā m-ɔ́ýsí ba m-ā m̄-mān̄ sesí dɔ ɓē kə́ Damas tə́ yā kaw̄ sesí sa̰y. I Kɔ́ɔ̄ɓē ń əda najə̄ ń noō ní. Rīn na i Nə́ɓā kə́ kɔ́ɔ̄ dɔ rā̰ ō dɔ nang ō.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

EJEKIEL 26:2

Ḭ̄ ngōn̄ deē, ōō! De kə́ Tir gə̄ mbóon̄ kə de kə́ Jerusalem gēé ədan̄ na: Haw! Haw! Nujən̄ ɓē ń de gə̄ malang aw̄n̄ kemeé ní kɔ̄ɔ́! Ta i dɔjí tə́ kadə̄ jə-téliī de kə́ ngé kənge yá̰a̰ gə̄. Tɔdɔ̄ Jerusalem tél i kūbə̄rū mbal̄ gə̄ kə́ ran̄ dɔ naā tə́ bing!

EJEKIEL 25:3

Ə́dádə́ na kə oōn̄ yá̰á̰ ń mā Kɔ́ɔ̄ɓē Nə́ɓā m-ɔ̄r̄ sedə́ ní. Dan ń rāān̄ loo yāḿ kə́ táĺ loo kə́ karī tə́ ní, dan ń nujən̄ ɓē kə́ Israel tə́ kɔ̄ɔ́ ní, dan ń ɔyn̄ de kə́ Juda gə̄ dɔ gúú tə́ aw̄n̄ sedə́ dɔ ɓē kə́ rang tə́ ní, sḭḭ̄ ə̄gōīdə́ ngá̰ý.

IJAI 10:8

Ni-əda na: Go̰ rɔ̄ɔ̄ yāḿ gə̄ malang nin̄ i mban̄g gə̄ aĺ a?

2 MBAN̄G 18:32

yā ngóoń kadə̄ n-aw̄ n-ɔýsí n-aw̄ sesí kem ɓē kə́ tītə̄ yāsí tə́, ɓē kə́ gémē ō, kasə nduú kə́ kijə ō, mápa ō, ndɔr̄ kāgə̄ nduú gə̄ ō, kāgə̄ olibə gə̄ kə́ yā rāā yibə̄ kə́ kijə tə́ ō, yibə̄ tejə ō i tū tə́. I beé n ā ī-ndiīneé kə kumsí ba ā óyīneé aĺ ní. Ōōī najə̄ yā Ejekias alé, tɔdɔ̄ ni gól̄sí əda na Kɔ́ɔ̄ɓē na a gān̄g dɔsí.

2 MBAN̄G 18:15

Ejekias ɔy gində̄ arjā̰a̰ malang kə́ kem kújə yā Kɔ́ɔ̄ɓē tə́ ō, kə́ loo ngɔ̄m̄ yá̰a̰ kənge kə́ kem kújə yā mban̄g tə́ ō adə̄.

2 MBAN̄G 18:11

Mban̄g kə́ Asiri ɔy Israel gə̄ aw̄ sedə́ dɔ nang kə́ Asiri tə́, aw̄ tə̄ndādə́ gō nang kə́ Hala tə́ ō, dɔ gɔ́sə Habor ń i bā kə́ gō nang kə́ Gojan tə́ ní ō, kem ɓē gə̄ kə́ Medi tə́ ō.

2 MBAN̄G 17:24

Mban̄g kə́ Asiri ɔy de kə́ Babilon gə̄ ō, kə́ Kuta gə̄ ō, kə́ Awa gə̄ ō, kə́ Hamat gə̄ ō, kə́ Separbaim gə̄ ō, reē tə́ndādə́ kem ɓē kə́ Samari tə́ gotə ngán Israel gə̄ tə́. Nin̄ taān̄ gō nang kə́ Samari ba ndin̄ tū tə́ kə̄ kem ɓē gə̄ tə́.

2 MBAN̄G 17:6

Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.

2 MBAN̄G 16:8

Akaj ɔy lɔ́r ō, arjā̰a̰ ō, kə́ kem kújə yā Kɔ́ɔ̄ɓē tə́ ō, kə́ loo ngɔ̄m̄ nar yā mban̄g tə́ ō, əlań adə̄ mban̄g kə́ Asiri kadə̄ karī tə́.

2 MBAN̄G 15:29

Dan yā Peka mban̄g kə́ Israel tə́ ní, Tigəlatə Pileser mban̄g kə́ Asiri reē taā ɓē kə́ Iyon ō, Abel Betə Maaka ō, Yanoa ō, Kedes ō, Hasor ō, gō nang kə́ Galaad ō, gō nang kə́ Galile ō, gō nang kə́ Nepətali malang ō. Ni-ɔy de kə́ kemeé gə̄ aw̄ sedə́ dɔ nang kə́ Asiri tə́.

JEREMI 46:8

I Ejiptə n to tītə̄ bā Nil kə́ ḭḭ ō, tītə̄ bā bo gə̄ kə́ nēgə́n̄ wut wut ō ní. Ni-əda na: M-ā m-ḭ́ḭ kúkúkú yā taā dɔ dɔ nang. M-ā m̄-nujə ɓē gə̄ ō, de kə́ kemeé gə̄ ō.

JEREMI 48:14

I najə̄ rí tə́ á ə́daī na sḭḭ̄ na i go̰ rɔ̄ɔ̄ gə̄ ō, áskar gə̄ kə́ tām̄ yā rɔ̄ɔ̄ tə́ ō ní?

EJEKIEL 35:13

Najə̄ ń ɔ̄rī seḿ ní ɔjə kadə̄ sḭḭ̄ ī-kídə̄mī. Najə̄ gə̄ ń ɔ̄rī ī-rɔ̄ɔ̄īneé seḿ ní, kɔjə rɔ̄ i ngá̰ý tū tə́. Mā m-ōō majə.

HABAKUK 2:6

Banī de gə̄ malang ń nin̄ tetən̄də́ rɔ̄ɔ̄ ní, a tāmə̄n̄ sedə́ ō, a lurən̄də́ ō, najə̄ kə́ tadə́ tə́ a adə̄də́ do ō. Najə̄ ń nin̄ a ədan̄ ní n toó: I yá̰á̰ kə́ to kum kaȳ aĺ kə́ ba̰ý beē n rāāsí ní. Yá̰a̰ kənge gə̄ ń i yāsí aĺ ní, sḭḭ̄ ā ɔ́siī dɔ kə̄ naā tə́ i bátə́ ndɔ̄ kə́ rá tə́? Kə̄rā gə̄ kə́ dɔsí tə́ i ngá̰ý kum kə̄ kété kété!

NGÉ SARYA 7:2

Kɔ́ɔ̄ɓē əda Jedeo̰ na: De gə̄ ń seí ní nin̄ i ngá̰ý adə̄ m-ā m-ādə̄ a tetən̄ Madian gə̄ rɔ̄ɔ̄ alé na sōgə́ ngán Israel gə̄ ɔjən̄ rɔ̄də́ ədan̄ na i jīdə́ n na ajədə́ ní ō, tūrə̄n̄ gír rī ɓār̄ ń i yāḿ ní kə́ yādə́ tə́ ō.

Gōsə̄ najə̄ gə̄ 28:11

De kə́ nge yá̰a̰ kənge rāā kadə̄ ni i nge kum kedə̄, banī nge ndoō kə́ ger̄ najə̄ ngá̰ý asə teē kə gírneé dɔɔ́.

IJAI 5:21

I yá̰á̰ kə́ to kum kaȳ aĺ kə́ ba̰ý beē, tām̄ yā de gə̄ ń noō ń a̰a̰n̄ rɔ̄də́ kadə̄ nin̄ i ngé kum kedə̄ gə̄ ō, nin̄ ɔjənə̄ń na kur̄ dɔdə́ na to ō ní!

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

HABAKUK 1:11

Nin̄ mānə̄n̄ tītə̄ nél man̄ kə́ əla kə tɔ́gɔ́ ō, aw̄n̄ loo yādə́ ō. Tām̄ yādə́ nin̄ tə́ ɓáa, yá̰á̰ kə́ ngá̰ý yādə́ i tɔ́gə́də́. Tɔ́gə́də́ i nə́ɓā yādə́.