IJAI 10:12 - Bibəl ta Sar̄

¹² Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

Bible sar

¹² Dan ń Kɔ́ɔ̄ɓē a rāā kəla yān kə́ dɔ mbal̄ *Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

IJAI 10:12 Referans Kwoze

2 MBAN̄G 19:31

Tɔdɔ̄ gotə de kə́ na̰y gə̄ a teēn̄ kem ɓē kə́ Jerusalem tə́ ō, de kə́ teē ta yo tə́ gə̄ a ḭḭn̄ dɔ mbal̄ Sion tə́ ō. Ijai əda ɓáý to̰ na: Yá̰á̰ ń Kɔ́ɔ̄ɓē a rāā sɔɔ̄ń tár yān kə́ ngá̰ý ní n noó.

JEREMI 50:18

I tāmə̄n̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé ní: M-ā m̄-rāā yá̰á̰ kə́ tōr̄ kə mban̄g kə́ Babilon ō, ɓē yān ō, tītə̄ ń m-ə́ndań mban̄g kə́ Asiri tə́ ní.

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

MATIYE 12:33

Ré kāgə̄ i kə majanī kanə̄n i kə́ majə ō, ré kāgə̄ i kə́ majanī kanə̄n i kə́ majaĺ ō. Tɔdɔ̄ a gerə̄n̄ kāgə̄ i kanə̄n tə́.

EJEKIEL 31:14

I tītə̄ ń noō tá kāgə̄ kə́ rāān̄ man̄ dɔ tə́ majə ō, man̄ asən ō, a asəń tɔgə to̰ alé. Dɔ kāgə̄ sedər a ɔdə kil̄ man̄ gə̄ to̰ alé, ni a asə kɔjə rɔ̄n kə bo yānneé to̰ alé. Tɔdɔ̄ kāgə̄ gə̄ ō, de gə̄ ō ní, i gáŕ kadə̄ nin̄ a oyn̄ ndɔ̄ kógə̄ḿ. Nin̄ a aw̄n̄ gíŕ nángāá naā tə́ kə ngé gə̄ ń risə aw̄ ton̄ ɓádá ní.

EJEKIEL 31:10

Ngɔlaā ní mā Kɔ́ɔ̄ɓē Nə́ɓā m-ə́da na: Kāgə̄ sedər tɔgə, dɔn ɔdə kil̄ man̄ gə̄ ō, kɔjə rɔ̄ udə kemən tə́ ō.

IJAI 50:11

Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

IJAI 9:9

Ndogə̄ bəríkə gə̄ ń tə́sōn̄ nang tə́ ní, j-a jə-tél yā kəndādə́ gogə́ kə mbal̄ kə́ tɔ́sə̄ kadə gēé. Sáā kāgə̄ kə́ karī gə̄ ń rāānəń kújə a tə́sō kɔ̄ɔ́ ní, j-a jə-mbél̄ gíŕdə́ kə sáā kāgə̄ sédər gēé.

IJAI 5:15

I gáŕ kadə̄ deē ndul gə̄ malang rugən̄ nang tə́ ō, i gáŕ kadə̄ nin̄ rāān̄ rɔ̄də́ de kə́ dūú gə̄ tə́ ō, i gáŕ kadə̄ ngé kɔjə rɔ̄də́ gə̄ əgan̄ kumdə́ nang tə́ ō.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

Gōsə̄ najə̄ gə̄ 30:13

De kə́rēý gə̄ ndin̄ noó, kídə̄n̄ loo ngá̰ý ō, rāān̄ de gə̄ malang i yá̰a̰ aĺ tə́ ō!

PĀ GƏ̄ 76:10

dan ń ḭ́ḭ dɔɔ́ yā gān̄g sarya, yā kajə de kə́ dɔ nang tə́ gə̄ malang ń télən̄ kə rɔ̄də́ kə̄ nang tə́ ní.

PĀ GƏ̄ 21:10

Ndɔ̄ ń ā ī-teē bus tə́ ní, ā ī-rāā kadə̄ ton̄ tītə̄ hor kə́ ajə ying beé. Kɔ́ɔ̄ɓē a nujə sedə́ sáksák kɔ̄ɔ́ kə wōngōó ō, hor a o̰o̰də́ ō.

PĀ GƏ̄ 18:27

Deē ń unjə̄ njáý njáý ní ḭ̄ ɔ́jən kadə̄ ḭ̄ ūnjə̄ njáý njáý ō, ba ḭ̄ i nge kəla mbóo dɔ nge gól̄ loo tə́ ō.

PĀ GƏ̄ 76:5

Nə́ɓā, ḭ̄ ī-to ɓōĺ ngá̰ý. Mbal̄ kə́ bo gə̄ ń ran̄ ngándáńg ní, ḭ̄ ī-bo ī-tɔȳdə́!

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

IJAI 27:7

Kɔ́ɔ̄ɓē ənda de gə̄ kə́ dan gír deē yān gə̄ tə́ tītə̄ ń ni əndań ngé tə́ndādə́ gə̄ ní a? Ni-tɔ̄l̄də́ tītə̄ ń ni tɔ̄ləń ngé tɔ̄l̄də́ gə̄ ní a?

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā, banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā, banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

IJAI 37:29

A̰á̰ā̰ wōn̄g rāāī dɔḿ tə́, najə̄ kə́ ɔjə kadə̄ ī-kídə̄m̄ ń ɔ̄r̄ ní m-ōō. I tām̄ najə̄ ń toō tə́ n m-ā m-ə́la gində̄ kə́ ta rugə kóní tə́ ō, m-ā m-ə́lá sáā gində̄ kógə̄ḿ mbo̰ō̰ ngāngīí kə́ dɔɔ́ gə̄ tə́ kə ngāngīí kə́ nang tə́ gə̄ tə́ ō ní. M-ā m̄-tél yā kaw̄ sesí gogə́ ɓēé kə róbə́ ń úń á ī-reēń laā ní.

JEREMI 25:29

M-ā m-ə́la kə yá̰á̰ kə́ to kum kaȳ aĺ dɔ de gə̄ tə́. M-ə́la gír i dɔ ɓē ń rīḿ ɓār̄ dɔ tə́ ní sḭḭ̄ a ī-teēī kum tə́ karī a? Njaḿ gē ā ī-teēī kum tə́ alé. Tɔdɔ̄ m-ā m̄-rāā kadə̄ de kə́ dɔ nang tə́ gə̄ malang oyn̄ yo kaskar. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

JEREMI 50:32

Nge ngonjə̄ bḭ́ḭ̄ ō, teē əsō ō. De kə́ yā kunən dɔɔ́ gətóo. M-ə́la hor dɔ ɓē yān gə̄ tə́, adə̄ o̰o̰ loo kə gō gidənneé malang.

TƏ́DA 24:24

To bo gə̄ ḭḭn̄ kum kā̰ kə́ Kitim tə́ reē ugə̄n̄. Ngé taā ɓē gə̄ rāān̄ kum Asiri gə̄ ndoō tə́ ō, rāān̄ kum Eber gə̄ ndoō tə́ ō, banī ta tɔ̄l̄ tadə́ anī, nin̄ kɔ́ gə̄ a nujən̄ sák sák kɔ̄ɔ́ ō.

NDŪ NAJƏ̄ 32:27

Ba m̄-ɓōĺ i najə̄ kadə̄ madə̄ ba̰ā̰də́ gə̄ gerə̄n̄ aĺ ba ḭḭ ədan̄ na, i nin̄ n na n-rāān̄ yá̰a̰ gə̄ ń noō malang ní ba na i mā alé.

Gōsə̄ najə̄ gə̄ 21:4

Ka̰a̰ loo kə́ kə kidə taá ō, kɔjə rɔ̄ kə́ kem deē tə́ ō, hor lámba yā ngé kem ndul gə̄ ō ní, yá̰a̰ gə̄ ń noō malang i rāā majaĺ!

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.