IJAI 10:1 - Bibəl ta Sar̄

¹ I yá̰á̰ kə́ to kum kaȳ aĺ kə́ ba̰ý beē tām̄ yā ngé kəndā ndū najə̄ kə́ gōtə́ aĺ gə̄ tə́, tām̄ yā ngé ndang ndū najə̄ gə̄ kə́ a rāān̄ madə̄də́ gə̄ tə́ adə̄ a̰a̰n̄ tápə̄ tə́!

Bible sar

¹ I yá̰á̰ kə́ to kum kaȳ aĺ kə́ ba̰ý beē tām̄ yā ngé kəndā ndū najə̄ kə́ gōtə́ aĺ gə̄ tə́, tām̄ yā ngé ndang ndū najə̄ gə̄ kə́ a rāān̄ madə̄də́ gə̄ tə́ adə̄ a̰a̰n̄ tápə̄ tə́!

IJAI 10:1 Referans Kwoze

Najə̄ kə́ Majə yā Jeju ń Luk ndang ní 11:52

Sḭḭ̄ ngé ndóō de gə̄ ndū najə̄ gə̄, rɔ̄ ndoō i yāsí! Tām̄ lakélé ń deē a teēń ta róbə́ yá̰a̰ ger̄ ní, sḭḭ̄ úniī kɔ̄ɔ́. Sḭḭ̄ kɔ́ gə̄ údiī kemeé aĺ ō, ngé gə̄ ń a sāān̄ kudə ní a sḭḭ̄ ɔ̄gīdə́ kudə kɔ̄ɔ́ ō.

MATIYE 23:23

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ kámbə kotə yāsí gə̄ ń i kámbə kotə ō, penuwil ō kumḛ̄ḛ ō ní, sḭḭ̄ ɔ̄rī dɔ kə́ nge ko̰ kutə ādī Nə́ɓā. Ba ré i yá̰á̰ kə́ bo bo gə̄ kə́ tū ndū najə̄ tə́, kə́ tītə̄ yá̰á̰ kə́ gōtə́ ō, rāā kem majə ō, ra dɔ ndū kə́ kənī tə́ ō, ɓáa sḭḭ̄ ī-mānī dɔ tə́ kɔ̄ɔ́. Tá i yá̰a̰ gə̄ ń noō n majə kadə̄ ī-rāāīdə́ kanjə̄ kəya̰ gotə gə̄ kɔ̄ɔ́ ní.

JA̰A̰ 19:6

Ba dan ń ngol gə̄ kə́ dɔ ngé tun̄ yá̰a̰ gə̄ tə́ ō, pajā gə̄ ō, a̰a̰nən̄ anī, unən̄ ndūdə́ kə̄ dɔɔ́ ngá̰ý ədan̄neé na: Əndan kə máyá̰ tū kāgə̄ kə́ dēsə́ tə́! Əndan kə máyá̰ tū kāgə̄ kə́ dēsə́ tə́! Pilatə ədadə́ na: Sḭḭ̄ kɔ́ gə̄ ī-taāin̄, ba ə́ndain̄ kə máyá̰ tū kāgə̄ kə́ dēsə́ tə́, na mā m-ə́nge najə̄ kógə̄ḿ dɔn tə́ alé.

JA̰A̰ 9:22

Ngé kojən gə̄ ɔrə̄n̄ najə̄ tītə̄ ń noō i tɔdɔ̄ nin̄-ɓōlə́n̄ i Jipə gə̄. Tɔdɔ̄ Jipə gə̄ oōn̄ naā kadə̄ náā nəkɔ́ ń a əda ta kum de gə̄ tə́ na Jeju i Kərist ní ɓáa kə n-tə̄ɓānən̄ kújə kán̄ naā tə́ kɔ̄ɔ́.

HABAKUK 2:6

Banī de gə̄ malang ń nin̄ tetən̄də́ rɔ̄ɔ̄ ní, a tāmə̄n̄ sedə́ ō, a lurən̄də́ ō, najə̄ kə́ tadə́ tə́ a adə̄də́ do ō. Najə̄ ń nin̄ a ədan̄ ní n toó: I yá̰á̰ kə́ to kum kaȳ aĺ kə́ ba̰ý beē n rāāsí ní. Yá̰a̰ kənge gə̄ ń i yāsí aĺ ní, sḭḭ̄ ā ɔ́siī dɔ kə̄ naā tə́ i bátə́ ndɔ̄ kə́ rá tə́? Kə̄rā gə̄ kə́ dɔsí tə́ i ngá̰ý kum kə̄ kété kété!

IJAI 5:8

I yá̰á̰ kə́ to kum kaȳ aĺ kə́ ba̰ý beē tām̄ yā ngé rāā kújə gə̄ kə̄ dɔ naā tə́ tə́, tām̄ yā ngé kɔy ndɔr̄ gə̄ kə̄ dɔ naā tə́ tə́! Ta tɔ̄l̄ ta anī, nin̄ taān̄ loo malang ō, kem ɓē ɓáa i nīń ngóy ō.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

MATIYE 23:29

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-rāāī dɔ ɓádə ngé koō ta gə̄ ādī majə ō, ī-súūī dɔ ɓádə de kə́ súmūú gə̄ ō,

MATIYE 23:27

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-toī i tītə̄ dɔ ɓádə gə̄ kə́ rāān hō̰rō̰ tū tə́ beē. Adə̄ ré deē a̰a̰ gidə kə́ ndágá ɓáa majə, banī kemdə́ rosə kə kə̄ngā de kə́ koy gə̄ ō, kə yá̰á̰ kə́ yḛr kə́ tayā tayā gə̄ ō.

HABAKUK 2:12

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ī-rāāī ɓē yāsí gə̄ ō, ī-rāāī adə̄ yá̰a̰ kənge kə́ kemeé i ngá̰ý ō, i kə ta kūl̄ tɔ̄l̄ de gēé ō, rāā yá̰á̰ kə́ gōtə́ aĺ ō.

HABAKUK 2:9

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ī-ngɔ̄mī yá̰a̰ kənge gə̄ kə́ ə́ngeīdə́ kə ta róbə́ kə́ gōtə́ aĺ tām̄ yā ngéésí gə̄ tə́. I nge ń noō n ndḛḛ̄ kadə̄ sḭḭ̄ ī-ndiīń majə, tá kadə̄ yá̰á̰ kə́ to kum kaȳ aĺ ɔdəń rɔ̄sí aĺ ní.

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

MATIYE 11:21

Rɔ̄ tō ndoō a reē dɔí tə́, Korajḛḛ! Rɔ̄ tō ndoō a reē dɔí tə́, Betsaida! Tɔdɔ̄ yá̰á̰ kə́ yáā gə̄ ń rāān̄ yá̰a̰ loosí ní, nə́ngētə́ rāān̄ yá̰a̰ i kem ɓē kə́ Tir tə́ ō, Sidon tə́ ō anī, de kə́ kemeé gə̄ a o̰ō̰n̄ kūbə̄ sákə̄ tə́ yā kəhɔń ndoō ō, a ndin̄ kum bū tə́ ō, yā kɔjəń kadə̄ na n-ndigən̄ tūr̄ háĺdə́.

HABAKUK 2:19

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ə́daī dugə̄jū kāgə̄ na: Ī-ndól̄ dɔ ɓīī tə́! Mbal̄ kə́ tɔ́sə̄ rāā yá̰á̰ tə́ ń ɔr̄ najə̄ aĺ ní, sḭḭ̄ ə́dain̄ na: Ī-lōō ɓīī! Tá nin̄ asən̄ ndóōsí yá̰á̰ kógə̄ḿ alé. Rāān̄ lɔ́r ō, gində̄ arjā̰a̰ ō, gidə yá̰á̰ kə́ tɔ́sə̄ gə̄ ní tə́ rɔ̄kum. Banī koō kə́ yā rāādə́ kadə̄ ndin̄ kə kumdə́ gətóo kemdə́ tə́!

HABAKUK 2:15

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ādī de kə́ rang gə̄ yá̰a̰ ka̰ȳ, i yá̰a̰ ka̰ȳ kə́ majaĺ ngá̰ý tītə̄ yá̰a̰ yḛl deē beé. Ī-sāāī kadə̄ yá̰a̰ ka̰ȳ ní rāādə́, kadə̄ á̰a̰īń rɔ̄də́ kə́ karī.

JEREMI 22:13

Deē ń rāā kújə yān kanjə̄ kadə̄ usən dɔ yá̰a̰ rāā kə́ gōtə́ tə́ ō, rāā kújə yān gə̄ kə́ dɔ madə̄ tə́ gə̄ tə́ dɔɔ́ kanjə̄ kadə̄ usən dɔ yá̰á̰ kə́ súmūú tə́ ō, mēr̄ de gə̄ rāā kəla yān karī kanjə̄ kəgādə́ ō ní, yá̰á̰ kə́ to kum kaȳ aĺ a teē dɔn tə́.

IJAI 5:18

I yá̰á̰ kə́ to kum kaȳ aĺ kə́ ba̰ý beē, tām̄ yā ngé gə̄ ń kəlā sor̄ do̰ō̰də́ tū yá̰a̰ rāādə́ kə́ gōtə́ aĺ tə́ ní! Nin̄ ndɔ́rə̄n̄ majaĺ yādə́ gōdə́ tə́ tītə̄ loo ndɔ́r̄ púsə beé.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

PĀ GƏ̄ 58:2

Rɔ̄kum, dan ń ā ɔ̄rī najə̄ anī yá̰á̰ kə́ gōtə́ utə̄ tan kɔ̄ɔ́. Ngán deē ndul gə̄, sarya gān̄gsí i kə gō róbəneé nəkɔ́ a?

IJAI 5:11

I yá̰á̰ kə́ to kum kaȳ aĺ kə́ ba̰ý beē, tām̄ yā ngé kḭḭ dɔɔ́ ta gír loo tə́ ɓatə ka̰ȳ ngɔ̄də̄ gō kasə kə́ ngan̄g gə̄ tə́ ō, kasə nduú rāādə́ adə̄ dan ndɔ̄ tɔyɔ́ gə̄gē anī, nin̄ a dáȳn̄ i mbéé ɓáý ō ní!

1 MBAN̄G GƏ̄ 21:13

De kə́ jōó gə̄ kə́ ngé rāā yá̰a̰ gōtə́ aĺ gə̄ ní reē ran̄ no Nabot tə́, ba ədan̄ ta kum kósə de gə̄ tə́ malang na Nabot na ndɔ̄ĺ Nə́ɓā ō, na ndɔ̄ĺ mban̄g ō. Anī kə̄ ta jī tə́ beē de gə̄ teēn̄ kə Nabotoó aw̄n̄ seneé gidə ɓē tə́ ndágá aw̄ tə́nīnən̄ kə mbalá adə̄ oy.

IJAI 3:14

Ni-aw̄ kə kum kɔɔ̄ gə̄ yā gír deē yān gə̄ ō, ngār gə̄ yā gír deē yān gə̄ ō, loo sarya tə́. Ni ədadə́ na: I sḭḭ̄ n ī-nujiī ndɔr̄ kāgə̄ nduū yāḿ kɔ̄ɔ́ ní. Yá̰a̰ kənge yā ngé ndoō gə̄ ń ī-ɓogiī ní, rosə kem kújə yāsí gə̄.

IJAI 5:23

Deē ń najə̄ i dɔn tə́ ní, nin̄ əya̰nən̄ dɔɔ́ ba taān̄ kadə̄ karī gírí. Ba deē ń najə̄ gətóo dɔn tə́ ní, nin̄ mbātə́n̄ gān̄g sarya kə́ gōtə́ kadə̄n.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

Teē Ngán Israel gə̄ 23:3

Ā ī-rāā kə de kə́ nge rɔ̄ tō ndoó loo sarya tə́ kadə̄ teēń kum tə́ alé.

Teē Ngán Israel gə̄ 23:6

Ā ī-nujə najə̄ yā nge rɔ̄ tō ndoō yāí loo sarya tə́ alé.

AMOS 2:7

Nin̄ əlan̄ dɔ nge ndoō kum bumbə́rú tə́ ō, ɓōlə́n̄ gidə yá̰á̰ yā de kə́ dūú gə̄ aĺ ō. Bɔbə̄ ngōn̄ nin̄ kə ngōnōó sāān̄ dəyá̰ dɔ naā tə́ ō. I tītə̄ ń noō n nin̄ tájə̄n̄neé hɔ̄r̄mɔ̄ yāḿ ní.