IJAI 1:8 - Bibəl ta Sar̄

⁸ I ɓē kə́ Siyo̰ ngóy n teē ní. Ni to tītə̄ dabə kə́ ra kem ndɔr̄ kāgə̄ nduú gə̄ tə́ beē, tītə̄ kújə ngɔm̄ kə́ ra kem ndɔr̄ kosə́ gə̄ tə́ beē, tītə̄ ɓē kə́ áskar yā madə̄ ba̰ā̰ gə̄ gīrə̄n̄ gidə beé.

Bible sar

⁸ I ɓē kə́ *Siyo̰ ngóy n teē ní. Ni to tītə̄ dabə kə́ ra kem ndɔr̄ *kāgə̄ nduú gə̄ tə́ beē, tītə̄ kújə ngɔm̄ kə́ ra kem ndɔr̄ kosə́ gə̄ tə́ beē, tītə̄ ɓē kə́ áskar yā madə̄ ba̰ā̰ gə̄ gīrə̄n̄ gidə beé.

IJAI 1:8 Referans Kwoze

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

JA̰A̰ 12:15

Ngōmandə kə́ Siyo̰, ī-lōō ɓōĺ. Á̰a̰ mban̄g yāí a reē noó, ni-ndi i gidə ngōn̄ kərō tə́.

JAKARI 2:10

Kɔ́ɔ̄ɓē əda wáńg na: Āwī, āwī! Sḭḭ̄ ń m̄-tə̄ɓāsí ādə̄ āwī kə̄ loo gə̄ tə́ dām̄ mbɔ́r ɓē kə́ ko̰ó̰ tə́ ō kə́ geleé tə́ ō, dūn̄ ɓē tə́ ō, no ɓē tə́ ō ní. Ā̰yī naā ngɔlaā, ə́ya̰ī dɔ nang kə́ dām̄ mbɔ́r ɓē kə́ ko̰ó̰ tə́, ba āwī.

IJAI 62:11

Kɔ́ɔ̄ɓē rāā adə̄ de gə̄ oōn̄ ndūn bátə́ ta ngóy dɔ nang tə́. I beé ní, ə́daī ɓē kə́ Siyo̰ na: Nge kajií a reē noó. Ngé gə̄ ń ni-əngedə́ ní, ni-tél reē sedə́. Yá̰á̰ ń ni-ənge gír kəla yān tə́ ní ni-tél reēń.

IJAI 10:32

Ndɔ̄ ngeé noō tə́ ní madə̄ ba̰ā̰ gə̄ dəban̄ Nob. Nin̄-unən̄ jīdə́ kə́ ɓir̄ əlan̄ kə̄ dɔɔ́, yā kəlań ɓōĺ kem mbal̄ bo kə́ Siyo̰ tə́, kem ngōn̄ mbal̄ kə́ Jerusalem tə́.

NŌŌ RƆ̄ 2:6

Ni bótə̄yō̰ gong kə́ kɔr gidə ndɔr̄ yān tə́ ō, nujə kə loo kán̄ naā yānneé kɔ̄ɔ́ ō. Kɔ́ɔ̄ɓē rāā adə̄ dɔ de kə́ Siyo̰ gə̄ ndígə̄nal rāā nāā gə̄ ō, ngɔ̄m̄ ndɔ̄ sabat ō. Ni-əla rɔ̄sɔl̄ dɔ mban̄g tə́ ō, dɔ nge tun̄ yá̰á̰ tə́ ō, kə wōngōó ngá̰ý.

NŌŌ RƆ̄ 2:1

I ba̰ý á Kɔ́ɔ̄ɓē utə̄ dɔ ngōmandə kə́ Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.

IJAI 37:22

Najə̄ ń Kɔ́ɔ̄ɓē əda dɔn tə́ ní n toó: Jerusalem ń i dəyá̰ kə́ mandə ní kídī. Ni mbóo seí. A̰á̰ā̰, Siyo̰ ń i ɓē kə́ mandə ní, wél̄ dɔn kə kəgōó tan tə́ gidií tə́.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

PĀ GƏ̄ 9:14

Kɔ́ɔ̄ɓē, á̰a̰ kum tō ndoō yāḿ! Á̰a̰ rɔ̄sɔl̄ kə́ asə naā beē ń madə̄ ba̰ā̰ḿ gə̄ əlan̄ dɔḿ tə́ toó. I ḭ̄ n i nge kɔrə̄m̄ kɔ̄ɔ́ ta yo tə́ ní.

Makətūbə̄ yā Job 27:18

Kújə rāān ngan̄g aĺ tītə̄ dəndō beé, ngan̄g aĺ tītə̄ dabə ngɔm̄ yā nge kum̄ loo beé.

JEREMI 4:17

Nin̄ teēn̄ rétə̄ gēé kə̄ ta loo gə̄ tə́ tītə̄ ngé ngɔ̄m̄ ndɔr̄ gə̄, ba gīrə̄n̄ Jerusalem, tɔdɔ̄ ni oō taḿ mā alé. Najə̄ ń Kɔ́ɔ̄ɓē əda ní n noó.

IJAI 8:8

A aw̄ yā kugə̄ ɓē ko̰o̰ kə́ Juda tə́. A teē kem kārə̄n tə́ kə̄ ndágá ō, a taā ɓē ko̰o̰ kə́ Juda ō, a əhɔn míndən tə́ ō. A taā loo ta kaw̄ sa̰y, a taā ɓē yāí ḭ̄ Emanuel malang.

IJAI 1:7

Ɓē yāsí to i tītə̄ dəla loo kə́ rɔ̄nel̄ gətóo tū tə́ beē, hor nujəń kɔ̄ɔ́. Kōō yāsí gə̄ ń ī-sāāī ní, tə̄rā gə̄ əsan̄ ta kumsí tə́. Ndɔr̄ yāsí gə̄ i kə́ nujəń kɔ̄ɔ́ ō, yá̰á̰ kə́ tū tə́ kə́ to kə gōó gətóo ō, tītə̄ loo ń ngé taā loo gə̄ nujənə̄ń beē ní.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

IJAI 49:21

Ba ā ī-dəje rɔ̄í najə̄ ń toō, ā ə́da na: Ngán gə̄ ń toō malang ní i náā n adə̄m̄ sedə́? Kété ní, ngánə́ḿ gə̄ gətóon̄ ō, m-ásə kənge ngán gə̄ aĺ ō. Aw̄n̄ seḿ dɔ ɓē kə́ rang tə́ dɔ gúú tə́ ō, əya̰mə̄n̄ kɔ̄ɔ́ ō. Ba ngé gə̄ ń noō ní i náā n ətōdə́? Dan ń mā i kérə́ḿ ní, ngán gə̄ ń toō nin̄ i rá?

JEREMI 6:2

Ḭ̄, mandə Siyo̰, ngōn̄ kə́ dəyá̰ kə́ mandə ngá̰ý, kə́ rāā rɔ̄n majə ngá̰ý, ā ásə teē taí kɔr̄ najə̄ alé.

IJAI 29:3

M-ā m-ə̄ndā gérger yāḿ kadə̄ gīr̄ gidií. M-ā m̄-rɔ̄ɔ̄ī kə loo kə́ yā kadə̄ deē ndi gírí rɔ̄ɔń. M-ā m̄-ə̄ndā ndogə̄ mbal̄ gə̄ kə́ yā kənīń rɔ̄ɔ̄ yā rɔ̄ɔiń.

IJAI 30:17

Madə̄ ba̰ā̰sí kə́ a əla ɓōĺ kemsí tə́ i kógə̄ḿ beē ō, de kə́ dansí tə́ gə̄ dūbú ɓōĺ a rāādə́ adə̄ nin̄ a ndewn̄ ō. Madə̄ ba̰ā̰ gə̄ mí a əlan̄ ɓōĺ kemsí tə́ ō, sḭḭ̄ malang ā ā̰yī naā ō. Ta tɔ̄l̄ ta anī, gotəsí ń a na̰y ní, a to i tītə̄ yá̰a̰ kɔjə yá̰á̰ kə́ udən̄ dɔ mbalá dɔɔ́ beē, a to i tītə̄ dərapóo rɔ̄ɔ̄ kə́ udən̄ dɔ ngōn̄ mbal̄ tə́ beē.

IJAI 37:4

Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.