IJAI 1:7 - Bibəl ta Sar̄

⁷ Ɓē yāsí to i tītə̄ dəla loo kə́ rɔ̄nel̄ gətóo tū tə́ beē, hor nujəń kɔ̄ɔ́. Kōō yāsí gə̄ ń ī-sāāī ní, tə̄rā gə̄ əsan̄ ta kumsí tə́. Ndɔr̄ yāsí gə̄ i kə́ nujəń kɔ̄ɔ́ ō, yá̰á̰ kə́ tū tə́ kə́ to kə gōó gətóo ō, tītə̄ loo ń ngé taā loo gə̄ nujənə̄ń beē ní.

Bible sar

⁷ Ɓē yāsí to i tītə̄ dəla loo kə́ rɔ̄nel̄ gətóo tū tə́ beē, hor nujəń kɔ̄ɔ́. Kōō yāsí gə̄ ń ī-sāāī ní, tə̄rā gə̄ əsan̄ ta kumsí tə́. Ndɔr̄ yāsí gə̄ i kə́ nujəń kɔ̄ɔ́ ō, yá̰á̰ kə́ tū tə́ kə́ to kə gōó gətóo ō, tītə̄ loo ń ngé taā loo gə̄ nujənə̄ń beē ní.

IJAI 1:7 Referans Kwoze

NŌŌ RƆ̄ 5:2

Télən̄ kə yá̰a̰ kənge yājí adə̄n̄ tə̄rā gə̄ ō, kújə yājí gə̄ télən̄ yá̰a̰ kənge yā de kə́ deē ger̄də́ aĺ gə̄ ō.

NDŪ NAJƏ̄ 28:43

Tə̄rā kə́ nge nam̄ ń ndi mbo̰ō̰í tə́ ní, tɔ́gən a tɔȳ yāí kum kə̄ kété kété, banī tɔ́gí ḭ̄ a tél i kum kə̄ gogə́ kə dɔ ndɔ̄ gə̄.

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

OJEE 7:9

Tə̄rā gə̄ taān̄ tɔ́gən kɔ̄ɔ́, banī ni a̰ā̰ alé. Dɔn ndaa kɔ̄ɔ́, banī ni ger̄ gō alé.

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

2 YÁ̰A̰ GƏ̄ 28:5

Kɔ́ɔ̄ɓē Nə́ɓā yān əlan kem jī mban̄g kə́ Aram tə́ adə̄ tetən rɔ̄ɔ̄ ō, əhɔ deē yān gə̄ ngá̰ý ɓəlo tə́ ba aw̄ sedə́ Damas ō. Əlan kem jī Peka kə́ ngōn̄ Remalia ń i mban̄g kə́ Israel tə́ ní ō, adə̄ tetən rɔ̄ɔ̄ tetə kə́ to ɓōĺ ngá̰ý.

OJEE 8:7

Dan ń sḭḭ̄ ī-rāāī yá̰á̰ kə́ majaĺ ní, ā ī-ndíbī horən. Gémē kə́ ɔr̄ dɔn aĺ a teē ndujə̄ alé. Ba ré teē ndujə̄ anī, tə̄rā gə̄ a əsan̄ kɔ̄ɔ́.

JEREMI 6:8

Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

JEREMI 2:15

Ngán ɓɔl gə̄ do̰o̰nən̄ rɔ̄ɔ̄, nin̄ nōōn̄ kə kɔrɔ́. De gə̄ rāān̄ adə̄ ɓē yān nujə sák sák kɔ̄ɔ́. Əlan̄ hor dɔ ɓē bo yān gə̄ tə́, De gə̄ təgān̄ kɔ̄ɔ́ kem ɓē bo gə̄ ní tə́.

IJAI 34:9

Man̄ dɔ mbal̄ gə̄ kə́ dɔ nang kə́ Edom tə́ a télən̄ bā gudəro̰ gə̄, nang kə́ Edom a tél bursu kə́ təngā. Ɓē ngeé ń toō a to tītə̄ gudəro̰ kə́ o̰o̰ hor beé.

IJAI 9:5

Ojən̄ ngōn̄ tām̄ yājí tə́, adə̄n̄jí ngōn̄ kə́ dəngam. Ni-ənge ndū ko̰o̰ ɓē yā mban̄g. Əndān̄ rīn na i: Nge kadə̄ kɔjə̄ kə́ hálən majə ngá̰ý ō, to kɔr kum ō, Nə́ɓā kə́ tɔ́gən to ō, Bɔbə̄ kə́ njɔ́ḿ gə̄ tə́ ō, Ngār kem sɔl̄ lɔm ō.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

IJAI 5:17

Batə̄ gə̄ a əsan̄ mu kem ɓē kə́ nujə kɔ̄ɔ́ tə́ i tītə̄ kə́ ran̄ i loo ko̰o̰ yādə́ tə́ beē ō, ngán bə̄yā̰ gə̄ ń ulə̄n̄də́ kadə̄ boon̄ ní, a əngen̄ yá̰á̰ kəsa yādə́ i noó ō.

IJAI 5:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda adə̄ m-ōō ní n toó: m̄-túbə̄ kə rɔ̄ḿ, a nujən̄ kújə gə̄ ń noō malang kɔ̄kə́. Kújə́ kə́ bo kə́ majə gə̄ ń noō, deē a ndi kemeé alé.

PĀ GƏ̄ 107:39

Gō tə́ anī nin̄ télən̄ kə̄ nang tə́ ō, tɔ́gə́də́ gətóo ō, sɔɔ̄ń yá̰a̰ gə̄ ń nin̄ nalə̄n̄ ní ō, yá̰á̰ kə́ to kum kaȳ aĺ ń əsō dɔdə́ tə́ ní ō, yá̰á̰ kə́ tōr̄ ō.

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

LEBI GƏ̄ 26:34

Ɓáa dan ń ā ī-na̰yiī dɔ nang yā madə̄ ba̰ā̰sí gē tə́ ní, dɔ nang yāsí ń ə́ya̰ī kɔ̄ɔ́ ní a tél yā kɔr̄ koō ō, a ngɔ̄m̄ ndɔ̄ gə̄ ń noō ō.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

PĀ GƏ̄ 109:11

Ādə̄ nge kə̄rān kógə̄ḿ əhɔ yá̰a̰ yān malang ta kə̄rā tə́, ādə̄ tə̄rā gə̄ taān̄ yá̰a̰ kənge yān gə̄ dɔ gúú tə́!

IJAI 1:8

I ɓē kə́ Siyo̰ ngóy n teē ní. Ni to tītə̄ dabə kə́ ra kem ndɔr̄ kāgə̄ nduú gə̄ tə́ beē, tītə̄ kújə ngɔm̄ kə́ ra kem ndɔr̄ kosə́ gə̄ tə́ beē, tītə̄ ɓē kə́ áskar yā madə̄ ba̰ā̰ gə̄ gīrə̄n̄ gidə beé.

IJAI 3:8

Ɓē kə́ Jerusalem əsō, ɓē ko̰o̰ kə́ Juda teē əsō kərim. Nin̄ əsōn̄ wōn̄g ta tɔ́gə yā Kɔ́ɔ̄ɓē tə́. Rɔ̄ɔ̄n̄ Kɔ́ɔ̄ɓē kə najə̄ kɔr̄də́ ō, kə yá̰a̰ rāādə́ ō.

IJAI 9:18

Hor o̰o̰ ɓē sɔɔ̄ ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý. To tītə̄ kə́ hor a o̰o̰ i gír de gə̄ beé. De kə́ kumən o̰o̰n tām̄ yā ngōkó̰o̰n tə́ gətóo.

IJAI 49:19

Ī-ndi dan gájə bɔr gə̄ tə́, ɓē yāí gə̄ i kə́ nujənə̄ń sák sák kɔ̄ɔ́, dɔ nang yāí i dəla loo. Banī sḛ́ý laā anī, ni a dūú ngá̰ý tām̄ yā de kə́ kemeé gə̄ tə́ ō, ngé gə̄ ń kété nujiīn̄ sák sák ní, a aw̄n̄ sa̰y kɔɔ̄ rɔ̄í tə́ ō.

IJAI 60:15

Kété ní əya̰īn̄ kɔ̄ɔ́, de gə̄ kídīn̄ ō, deē mān̄ looí aĺ ō. Ngɔlaā ní m-ā m̄-rāāī kadə̄ ā ī-majə ngá̰ý, kadə̄ ā ī-téĺ yá̰a̰ kənda kadə kə́ ngándáńg ō, yá̰a̰ rɔ̄nel̄ kə́ kə dɔ ɓāl̄ gə̄ ɓāl̄ gə̄ ō.

IJAI 62:8

Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.

IJAI 64:10

Kújə́ kə́ táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

JEREMI 7:34

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

EJEKIEL 25:4

Tām̄ najə̄ ń noō tə́ ní, m-ā m-ə́yá̰ ngé ngɔ̄m̄ yá̰a̰ kul̄ gə̄ kə́ ngé ndi gotə kógə̄ḿ aĺ gə̄, kə́ dām̄ kə́ gír ɓē tə́, kadə̄ taān̄ ɓē yāsí. Nin̄ a ndin̄ dɔ nang yāsí tə́, a túdə̄n̄ kújə tandā yādə́ gə̄ dɔ nang yāsí tə́. I nin̄ n a əsan̄ kan̄ kāgə̄ yāsí gə̄ ō, a a̰ȳn̄ mbaa yāsí ō ní.

MISE 5:11

M-ā m̄-rāā kadə̄ mbōlí gə̄ ń ā ī-rāāī ní gətóon̄ kɔ̄ɔ́. De kə́ nge ka̰a̰ yá̰á̰ kə́ dɔ rā̰ tə́ to̰ a gətóo.

MISE 6:13

I tām̄ najə̄ ń toō tə́ n m-ə́lá gír kəndasí ní, m-ə́lá gír nujəsí kɔ̄ɔ́ najə̄ mān̄ dɔ ndū Nə́ɓā yāsí gə̄ tə́ ní.