IJAI 1:5 - Bibəl ta Sar̄

⁵ I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

Bible sar

⁵ I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

IJAI 1:5 Referans Kwoze

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

IJAI 31:6

Israel gə̄, sḭḭ̄ ī-tūrī gidəsí kɔ̄ɔ́ ta Kɔ́ɔ̄ɓē tə́. I beé ní, ī-tél ī-reēī kum kə̄ rɔ̄n tə́.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

JEREMI 9:3

Ə̄ndāī kum kedə̄ dɔ rɔ̄sí tə́ kə naá. Ī-lōōī kənī kemsí kadə̄ ngōkó̰ó̰sí deē, tɔdɔ̄ ngákó̰o̰ naā gə̄ malang gerə̄n̄ i kəla mbóo dɔ naā tə́ ō, madə̄ naā gə̄ malang i ngé tétə̄ najə̄ dɔ naā tə́ ō.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

NEHEMI 9:34

Mban̄g yājí gə̄ ō, ngār yājí gə̄ ō ngé tun̄ yá̰a̰ yājí gə̄ ō kaají gə̄ ō, rāān̄ yá̰á̰ ń ndū najə̄ yāí əda ní aĺ ō, əndān̄ kumdə́ gír yá̰a̰ gə̄ ń ə́dádə́ kadə̄ rāān̄ ní tə́ aĺ ō, əndān̄ kumdə́ gír tāā gə̄ ń ī-tāādə́ kə̄ nja naā tə́ ní aĺ ō.

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

IJAI 33:24

De kógə̄ḿ kə́ Jerusalem kə́ yā kəda na mā i mo̰y ní gətóo. Gír de kə́ kem ɓēé ń toō tə́ gə̄ a əngen̄ mā̰ȳ rɔ̄ tām̄ yá̰a̰ rāādə́ kə́ gōtə́ aĺ gə̄ tə́.

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

2 YÁ̰A̰ GƏ̄ 28:22

Dan ń yá̰a̰ tɔȳń dɔ Akaj ngá̰ý gə̄gē ní, ni to dan rāā yá̰á̰ kə́ gōtə́ aĺ tə́ kə Kɔ́ɔ̄ɓē

2 MBAN̄G 1:13

Mban̄g əla ngol áskar gə̄ kə́ nge ko̰ mətá kə áskar yān kə́ kutə mí gēé ɓáý to̰. Ngol áskar gə̄ kə́ nge ko̰ mətá ní al̄ aw̄ gō Eli tə́ kə deē yān gēé. Ba dan ń ugə̄n̄ anī, ɔsə kejən nang tə́ no Eli tə́ ba rāān ɓɔ́ əda na: Deē yā Nə́ɓā, m̄-rāāī ɓɔ́! Ādə̄ ndiḿ kə kumḿ ō, ndi ngé kəla yāí kə́ kutə mí gə̄ ń toō kə kumdə́ ō, i yá̰á̰ kə́ ngá̰ý ta kumií tə́, ba ī-lōō tɔ̄l̄jí.

JEREMI 13:23

De kə́ Kus asə tūr̄ ɓálən a? Kagə asə tūr̄ bḭḭ̄n a? Sḭḭ̄ de gə̄ ń rāā majaĺ ndér̄sí kɔ̄ɔ́ ní, ā ásiī rāā yá̰á̰ kə́ majə a?

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

JEREMI 44:15

De kə́ dəngam gə̄ ń gerə̄n̄ kadə̄ nə̄yá̰də́ gə̄ róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄ ō, dəyá̰ gə̄ ń nin̄ i kum kán̄ naā kə́ bo tə́ ō, de gə̄ malang ń ndin̄ Patəros tə́ kem ɓē kə́ Ejiptə tə́ ō ní ədan̄ Jeremi na:

NŌŌ RƆ̄ 5:17

Á̰a̰ī yá̰á̰ ń rāā yá̰á̰ á rɔ̄jí malang tōr̄jí ní ō, yá̰á̰ ń rāā yá̰á̰ á loo əga til ta kumjí tə́ ō ní n toó:

EJEKIEL 34:4

Batə̄ kə́ tɔ́gə gətóo gə̄ ní sḭḭ̄ ī-rāāīdə́ adə̄ tɔ́gə́də́ to aĺ ō, ngé kə́ mo̰y gə̄ ní, sḭḭ̄ ī-rāāīdə́ ādə̄ rɔ̄də́ ngáā aĺ ō, ngé kə́ nja tétə̄ gə̄ ní, sḭḭ̄ ɔ́riīdə́ nam̄ aĺ ō, ngé gə̄ əya̰n̄ madə̄də́ gə̄ ba aw̄n̄ sa̰y ní, sḭḭ̄ ī-tél ī-reēī sedə́ gogə́ aĺ ō, ngé gə̄ ń tadə́ tḭ̄ḭ̄ ní, sḭḭ̄ ī-ndəleīdə́ aĺ ō. Banī sḭḭ̄ ó̰o̰ḭ̄ ɓē dɔ batə̄ gə̄ tə́ kə dɔ́nɔ́ ō kə kem ngangá ō.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.