IJAI 1:4 - Bibəl ta Sar̄

⁴ I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

Bible sar

⁴ I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ *táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

IJAI 1:4 Referans Kwoze

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

JEREMI 2:17

Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

Makətūbə̄ ń Pol ndang adə̄ Rom gə̄ ní 8:7

Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?

JEREMI 7:19

I mā n ādə̄mī wōn̄g ní a? I nin̄ kɔ́ gə̄ aláa? I tām̄ rɔ̄sɔl̄ yādə́ nin̄ kɔ́ gə̄ tə́. Najə̄ ń Kɔ́ɔ̄ɓē əda ní n noó.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

IJAI 5:19

Tá nin̄ ədan̄ na: Ādə̄ Kɔ́ɔ̄ɓē rāā yá̰á̰ láẃ, jə-sāā ka̰a̰n loo rāā yá̰á̰ tə́! Ādə̄ yá̰á̰ ń Nə́ɓā kə́ táĺ yā Israel ɔjə rāā ní téĺ yá̰á̰ kə́ rɔ̄kum láẃ, jə-sāā ger̄ yá̰á̰ ní!

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

1 KORḚNTƏ 10:22

Aké jə-gḛyī i kadə̄ wōn̄g rāā Kɔ́ɔ̄ɓē a? Jḭḭ̄ jə-ngangī ngá̰ý jə-tɔȳniī a?

MATIYE 23:33

Sḭḭ̄ i lī gə̄, gír kaa lī kakə́m gə̄! Hor Gehen ń i yá̰á̰ kə́ tōr̄ kə́ kadə̄ rāāsí tām̄ majaĺ yāsí tə́ ní, ā ásiī ka̰ȳ ta tə́ i ba̰ý?

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

EJEKIEL 16:33

Ájə́ba gə̄ malang a əngen̄ nar gíŕdə́ banī i ḭ̄ n ə̄ndā nja ngé sāāí gə̄ malang. Ḭ̄ ādə̄də́ nar kadə̄ nin̄ teēnəń kə̄ ta loo gə̄ tə́ reē ɓīīnəń seí.

JEREMI 51:5

Tɔdɔ̄ kem ɓē yādə́ tə́ ní, nin̄ rāān̄ yá̰á̰ kə́ gōtə́ aĺ ngá̰ý kə kə́ táĺ yā Israel. Banī Nə́ɓā yā Israel ō, yā Juda ō ń i Kɔ́ɔ̄ɓē kə́ bo kə́ tɔ́gən i ngá̰ý ní, oy tadə́ tə́ alé.

JEREMI 50:29

Ɔ́siī dɔ ngé kur gərā gə̄ naā tə́, ngé kɔr gō gərā gə̄ malang. Ə̄ndāī gérger ī-gīrīiń gidən. Ādī deē kógə̄ḿ teē ta yo tə́ alé! Ə̄gāniī kə̄rā háĺ yá̰a̰ rāān gə̄, ī-rāāniī yá̰á̰ ń ni-rāā ní. Tɔdɔ̄ ni ngonjə̄ dɔ Kɔ́ɔ̄ɓē tə́, dɔ kə́ táĺ yā Israel tə́.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.

JEREMI 2:33

Tītə̄ ń ḭ̄ ɔ́ĺ ngá̰ý loo njə̄rā tə́ yā sāań táŕ ní, kə́ rɔ̄kum tə́ ḭ̄ āw̄ mbóńg ādə̄ tɔ̄l̄ deē ndérī kɔ̄ɔ́.

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

IJAI 65:3

Gír de gə̄ ń too sāān̄ tām̄ kə̄ nja naā tə́ ō, i kə̄ dɔ ndágá wáńg ō. Nin̄-tunə̄n̄ yá̰á̰ kə́ kem ndɔr̄ gə̄ tə́. Nin̄ róōn̄ ndujə̄ yá̰á̰ kə́ kotə majə gə̄ dɔ bəríkə gə̄ tə́ adə̄n̄ nə́ɓā kə́ rɔ̄kum aĺ gə̄.

IJAI 41:20

Loo ń noō tə́ de gə̄ malang a a̰a̰n̄ yá̰á̰ ń toō: I Kɔ́ɔ̄ɓē n rāā yá̰a̰ gə̄ ń noō adə̄ udə gírí ní, i Nə́ɓā kə́ táĺ yā Israel rāādə́ ní. De gə̄ malang a gerə̄n̄. Nin̄ malang a əndān̄ kumdə́ gírí ō, a gerə̄n̄ kum ō.

IJAI 41:16

Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ táĺ yā Israel tə́.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

IJAI 30:15

Najə̄ ń Kɔ́ɔ̄ɓē, ni ń i Nə́ɓā kə́ táĺ yā Israel Najə̄ ń əda ní n toó: Ā ájiī i loo ń ī-tūrī rɔ̄sí kə̄ rɔ̄ḿ tə́ ō, ī-raī jəke ngóy ō ní. Tɔ́gə́sí kə́ kal kógə̄ḿ beē i kadə̄ ī-raī jəke ō, kadə̄ ə̄ndāī kemsí dɔḿ tə́ ō, i kadə̄ ə̄nī kemsí ādə̄mī ō. Banī sḭḭ̄ ɔ́diī alé.

IJAI 30:9

I gír de kə́ ngé dum̄ naā gə̄, nin̄ i ngé sor̄ gə̄, i de gə̄ kə́ ngé mbātə́ koō yá̰á̰ ndóō yā Kɔ́ɔ̄ɓē.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ táĺ yā Israel tə́.

IJAI 14:20

Banī a dubīn̄ naā tə́ sedə́ alé, tām̄ ḭ̄ ī-nujə ɓē yāí kɔ̄ɔ́, ḭ̄ ī-rāā adə̄ gír deē yāí gə̄ gətóon̄ kɔ̄ɔ́. Dɔ de gə̄ a ndígə̄nal gír de kə́ ngé tɔ̄l̄ de gə̄ i kə́ bátə́ gə̄ tə́.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

IJAI 3:8

Ɓē kə́ Jerusalem əsō, ɓē ko̰o̰ kə́ Juda teē əsō kərim. Nin̄ əsōn̄ wōn̄g ta tɔ́gə yā Kɔ́ɔ̄ɓē tə́. Rɔ̄ɔ̄n̄ Kɔ́ɔ̄ɓē kə najə̄ kɔr̄də́ ō, kə yá̰a̰ rāādə́ ō.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

PĀ GƏ̄ 89:18

Rɔ̄kum, ḭ̄ i tɔ́gə́də́ kə́ to ɓōĺ ngá̰ý. Ḭ̄ ī-rāā ādə̄ kumjí a̰a̰ rá ráńg i kə ta kūl̄ kem majə yāí.

PĀ GƏ̄ 78:40

Nin̄ mbātə́n̄ najə̄ tan tə́ nja i ngá̰ý kem dəla loo tə́, sāān̄ tan kem loo kə́ man̄ gətóo tū tə́ ń noō tə́!

PĀ GƏ̄ 78:8

Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

PĀ GƏ̄ 58:3

Sḛ́ý aĺ bátə́! Ī-rāāī yá̰á̰ kə́ gōtə́ aĺ gə̄ i ndāńg ndāńg. I sḭḭ̄ kɔ́ gə̄ n ə̄nīī rɔ̄sí ī-rāāī ādə̄ dɔ́nɔ taā loo dɔ nang tə́ kum kə̄ kété kété ní.

NGÉ SARYA 10:10

Loo ń noō tə́ nōōn̄ kə̄ dɔ Kɔ́ɔ̄ɓē tə́, ədanən̄ na: Jə-rāā majaĺ seí, tɔdɔ̄ j-əya̰ī ḭ̄ Nə́ɓā yājí kɔ̄ɔ́ ba jə-rāā kəla j-adə̄ ɓesə̄ Baal gə̄.

NDŪ NAJƏ̄ 32:19

Dan ń Kɔ́ɔ̄ɓē a̰a̰ yá̰á̰ ń ngán Israel gə̄ rāān̄ ní anī, ni kídə̄də́. Ngánən kə́ dəngam gə̄ ō, kə́ dəyá̰ gə̄ ō, rāān̄ yá̰a̰ adə̄ wōn̄g rāān sedə́ ngá̰ý.

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

NDŪ NAJƏ̄ 29:25

Nin̄ aw̄ rāān̄ kəla adə̄n̄ nə́ɓā kə́ rang gə̄ ń i ɓesə̄ gə̄ ní ō, ɔsən̄ nodə́ nang tə́ nodə́ tə́ ō, ɓesə̄ gə̄ ń i nə́ɓā gə̄ kə́ nin̄ gerə̄n̄də́ aĺ ō, Kɔ́ɔ̄ɓē adə̄də́ aĺ ō ní.

TƏ́DA 32:14

Ba sḭḭ̄ gír de kə́ ngé rāā majaĺ gə̄, ī-ndigiī kun gō bɔbə̄sí gə̄ yā rāā Kɔ́ɔ̄ɓē kadə̄ wōn̄g rāān kə ngán Israel gēé a?

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

JEJU TEĒ KUM JA̰A̰ 18:5

Tɔdɔ̄ yá̰a̰ rāān kə́ majaĺ gə̄ ugə̄ dɔ rā̰ tə́ ō, əga kem Nə́ɓā dɔ yá̰a̰ rāān kə́ gōtə́ aĺ gə̄ tə́ ō.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

NEHEMI 1:7

Jə-rāā yá̰a̰ adə̄ tōrī tɔdɔ̄ yá̰a̰ gə̄ ń ə̄ndā ta nge kəla yāí Moijə tə́ kadə̄ ədají á i gō míndə gə̄ ń ə̄ndā dɔ jí tə́ kadə̄ jə-rāā ní ō, yá̰a̰ gə̄ ń ndū najə̄ əda ní ō, yá̰a̰ kāgə̄ ɓē gə̄ ō ní, jḭḭ jə-rāā alé.

PĀ GƏ̄ 71:22

Loo ń noō tə́ m-ā m̄-ɓōkíī tɔ̄ȳ kə kəndeé. Nə́ɓā yāḿ, m-ā m-ə̄nī pā seí najə̄ ra kə̄ ī-ra dɔ ndūí tə́. M-ā m-úgə kənde yā kɔsəń gɔnií, ḭ̄ Nə́ɓā kə́ táĺ yā Israel.

IJAI 1:28

Banī yā ngé kəsō wōn̄g gə̄ ō, ngé rāā majaĺ gə̄ ō ní, yādə́ i nujə sák sák kə́ a teē dɔdə́ tə́ i gidə kógə̄ḿ. Ngé gə̄ ń əya̰n̄ Kɔ́ɔ̄ɓē kɔ̄ɔ́ ní, gír yādə́ a gān̄g.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

IJAI 31:2

Tá ni i de kə́ ɔl ō: Asə reē kə yá̰á̰ kə́ to kum kaȳ aĺ ō, ni-lōō gíŕ yá̰á̰ kə́ tōr̄ ń sāā rāā tə́ ní aĺ ō. Ɓūtə̄ yā de kə́ majaĺ gə̄ ní, ni-ḭḭ sedə́ kə rɔ̄ɔ́ ō, ni-mbātə́ rāā kə deé yā ngé rāā yá̰á̰ kə́ majaĺ ō.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

IJAI 65:11

Banī sḭḭ̄ gotə gə̄ ə́ya̰mī kɔ̄ɔ́, dɔsí ndígə̄nal mbal̄ bo yāḿ kə́ táĺ kɔ̄ɔ́. Sḭḭ̄ ī-ndējī Gad ń i nə́ɓā yā kaā majə ní yá̰a̰ kəsa, ī-ndējī Meni ń i nə́ɓā yā yá̰a̰ gə̄ ń a rāān̄ yá̰á̰ ní kasə kə́ guŕ naā tə́.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 32:32

najə̄ yá̰á̰ kə́ majaĺ gə̄ malang ń Israel gə̄ ō, Juda gə̄ ō rāān̄ tə́ ní. Nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō, ngé koō ta yādə́ gə̄ ō, de kə́ Juda tə́ gə̄ ō, de gə̄ ń ndin̄ Jerusalem ō ní,

EJEKIEL 14:5

I tītə̄ ń noō n najə̄ yāḿ a əsōń kem ngán Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.

EJEKIEL 16:45

Tɔdɔ̄ ḭ̄ i ngōn̄ yā kó̰ó̰í rɔ̄kum. Kó̰ó̰í i dəyá̰ kə́ nelə̄n kə ngaaneé aĺ ngá̰ý ō, nelə̄n kə ngánən gēé aĺ ngá̰ý ō. Ḭ̄ ī-to i tītə̄ ngákó̰ó̰í kə́ dəyá̰ gə̄ ń nel̄də́ kə ngaadə́ gēé aĺ ō, kə ngáńdə́ gēé aĺ ō ngá̰ý ní. Kó̰ó̰sí i Het banī bɔbə̄sí i Amor.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

Teē Ngán Israel gə̄ 32:7

Anī Kɔ́ɔ̄ɓē əda Moijə na kə risə nang tə́ láẃ, tɔdɔ̄ ngán Israel gə̄ ń na teē sedə́ kem ɓē kə́ Ejiptə tə́ kɔ̄ɔ́ ní na rāān̄ yá̰á̰ kə́ majaĺ ngá̰ý,

NDŪ NAJƏ̄ 32:5

Ta kumən tə́ ɓáa sḭḭ̄ i yá̰á̰ kə́ nujə kɔ̄ɔ́ gə̄. Sḭḭ̄ i ngánən gə̄ to̰ alé sɔɔ̄ń majaĺ yāsí. Sḭḭ̄ i ngáń kə́ nujə kɔ̄ɔ́ gə̄, ī-tɔ̄ɔ̄ī kɔ̄ɔ́ gō róbə́ kə́ súmūú tə́.

2 MBAN̄G 21:22

Ə́yá̰ Kɔ́ɔ̄ɓē ń i Nə́ɓā yā kaan gə̄ ní kɔ̄ɔ́, un gō róbə yān alé.

2 YÁ̰A̰ GƏ̄ 12:1

Dan ń ɓē ko̰o̰ yā Roboam tél ndi majə ō, Roboam ndi ngan̄g dɔ ɓē tə́ ō anī, ni ō, ngán Israel gə̄ malang əya̰ ndū najə̄ yā Kɔ́ɔ̄ɓē kɔ̄ɔ́.

2 YÁ̰A̰ GƏ̄ 27:2

Yotam rāā yá̰á̰ kə́ súmūú ta kum Kɔ́ɔ̄ɓē tə́ tītə̄ ń bɔbə̄n Ojias rāań ní ō, kudə kem kújə yā Kɔ́ɔ̄ɓē tə́ ń i yá̰á̰ kə́ gōtə́ aĺ ń bɔbə̄n rāā ní ni rāā alé ō. Ɓá tā ba Juda gə̄ na̰yn̄ kə̄ loo rāā háĺ kə́ majaĺ tə́ ɓáý.

PĀ GƏ̄ 78:41

Tél nāān̄ Nə́ɓā gogə́ rang ɓáý to̰, adə̄n̄ Nə́ɓā kə́ táĺ yā Israel wōn̄g.

PĀ GƏ̄ 78:57

Télən̄ kɔ̄ɔ́ gō róbə yā Nə́ɓā tə́ ō, gólə̄n̄ loo tītə̄ yā kaadə́ gə̄ ō. Tūrə̄n̄ kumdə́ kə̄ gogə́ tītə̄ ga̰ gərā kə́ majaĺ beē.

IJAI 30:1

Najə̄ ń Kɔ́ɔ̄ɓē əda ní n toó: Yá̰á̰ kə́ to kum̄ kaȳ aĺ a teē dɔsí tə́, sḭḭ̄ ngáń kə́ ngé mbātə́ najə̄ gə̄! Sḭḭ̄ ī-númī yá̰á̰ kə́ yā rāā gə̄ kə́ i mā n m-ɔ́jə rāā alé. Sḭḭ̄ ə̄nī ndūsí ādī naā, ba kənī ndū yāsí ní mbātə́ nge ń mā m̄-ndigə ní. Sḭḭ̄ ī-rāāī yá̰á̰ kə́ gōtə́ aĺ ba ī-reē ə̄nī dɔ madə̄ kə́ gōtə́ aĺ tə́.