IJAI 1:30 - Bibəl ta Sar̄

³⁰ Ā ī-toī tītə̄ kāgə̄ gə̄ kə́ mbīdə́ ur̄ kɔ̄ɔ́ beē, aláa ā ī-toī tītə̄ ndɔr̄ kə́ ənge man̄ aĺ beē.

Bible sar

³⁰ Ā ī-toī tītə̄ kāgə̄ gə̄ kə́ mbīdə́ ur̄ kɔ̄ɔ́ beē, aláa ā ī-toī tītə̄ ndɔr̄ kə́ ənge man̄ aĺ beē.

IJAI 1:30 Referans Kwoze

MATIYE 21:19

Ni-a̰a̰ kāgə̄ kótə̄ kógə̄ḿ bɔ̄gə̄ róbə́ tə́ anī aw̄ gírí, banī yá̰á̰ ń ni-ənge tū tə́ ní i mbīn gə̄ ngóy. Anī əda kāgə̄ kótə̄ ní na: Ḭ̄ ā ān̄ to̰ aĺ bátə́! Anī kāgə̄ kótə̄ ní tutə njarara kə̄ ta jī tə́ noō kɔ̄ɔ́.

EJEKIEL 17:24

Loo ń noō tə́ kāgə̄ kə́ kem bembeé gə̄ malang a gerə̄n̄ kadə̄ Kɔ́ɔ̄ɓē i mā. Mā i nge rāā kāgə̄ kə́ ngāl̄ gə̄ tə́lən̄ kə̄ nang tə́ ō, nge rāā kadə̄ kāgə̄ kə́ dūú gə̄ tɔgən̄ ō, nge rāā kadə̄ kāgə̄ kə́ mbōl̄ gə̄ tutən̄ ō, nge rāā kadə̄ kāgə̄ kə́ tutə gə̄ hútə̄n̄ ō. I mā Kɔ́ɔ̄ɓē n m-ɔ̄r̄ najə̄ ō, yá̰á̰ ń m-ə́dá ní m-ā m̄-rāā ō.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

TA KƏLA 12:6

njə̄rān̄ bátə́ ugə̄n̄ kāgə̄ sén kə́ More tə́, loo ń a ɓārə́n̄ na i Sisem ní tə́. Dan ń noō tə́ ní, Kanaan gə̄ ndin̄ dɔ nang ní tə́.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

IJAI 64:5

Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.