IJAI 1:3 - Bibəl ta Sar̄

³ Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

Bible sar

³ Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī *Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

IJAI 1:3 Referans Kwoze

JEREMI 8:7

Kóndə́la ń a nēl̄ dɔɔ́ ní gə̄gē, ger̄ kum mbang kə́ yā ndɔ́təń ɓē. Tá dér ndaa ō, gabə kɔsə ō, dāngā ō, mānə̄n̄ dɔ kum mbang kə́ yā téləń kə̄ ɓēé tə́ alé. Ba gír deē yāḿ gə̄ tá usədə́ dɔ ndū najə̄ ń Kɔ́ɔ̄ɓē adə̄də́ ní tə́ alé.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

IJAI 44:18

De gə̄ ngeé ń toō nin̄ gerə̄n̄ yá̰á̰ kógə̄ḿ alé, nin̄ gerə̄n̄ kum yá̰á̰ kógə̄ḿ alé. Tām̄ kumdə́ ō, ndíĺdə́ ō, i kə́ utə̄ kɔ̄ɔ́, nin̄ asən̄ ka̰a̰ loo alé, asən̄ ger̄ kum yá̰a̰ alé.

IJAI 5:12

Nin̄ əsan̄ yá̰a̰ ō, a̰ȳn̄ yá̰a̰ ō, adə̄ mān̄ dɔ majən. Dānə̄n̄ gō yá̰a̰ gə̄ ní i kə kənde kə́ laa kə́ kugə ō, i kə kənde kə́ karī kə́ kugə ō, i kə kɔdɔɔ́ ō, i kə nalaá ō. Banī yá̰á̰ ń Kɔ́ɔ̄ɓē rāā ní, nin̄ a̰a̰n̄ alé. Nin̄ a̰a̰n̄ kəla rāān alé.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

PĀ GƏ̄ 94:8

Ōōī, sḭḭ̄ ń i mbóo de gə̄ dan madə̄sí gə̄ tə́ ní, sḭḭ̄ ń dɔsí un yá̰a̰ aĺ ní, ā ī-gerī kum najə̄ i ndɔ̄ kə́ rá tə́?

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

2 PIYER 3:5

Yá̰á̰ ń dɔdə́ ndígə̄nal ní n toó: Kété jóó ní Nə́ɓā rāā dɔ rā̰ ō dɔ nang ō i kə ta kūl̄ najə̄ kə́ tan tə́. Dɔ nang teē i kum man̄ tə́ ō, rāān̄ dɔ nang i kə maná ō.

Gōsə̄ najə̄ gə̄ 6:6

Ḭ̄ de kə́ nge yay, āw̄ á̰a̰ loo rāā ń kó nar a rāā kəla ní. Ə̄ndā ma̰ȳ háĺən ba ún kum kedə̄ kógə̄ḿ tū tə́.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

MATIYE 13:19

Ngé gə̄ ń oōn̄ najə̄ kə́ dɔ Ɓē ko̰o̰ tə́ ba gerə̄n̄ kum aĺ ní, nin̄-ton̄ i tītə̄ bɔ̄gə̄ róbə́ ń kōō tə́sō tū tə́ ní. Ndíĺ kə́ nge ngól̄ loo gə̄ reē nār̄ yá̰á̰ ń dubə̄n̄ kemdə́ tə́ ní kɔ̄ɔ́.

IJAI 5:13

I tām̄ najə̄ ń toō tə́ ń Kɔ́ɔ̄ɓē əda najə̄ ń toō ní: A ɔyn̄ gír deē yāḿ gə̄ yā kaw̄ sedə́ dɔ ɓē kə́ rang tə́, tɔdɔ̄ nin̄ ndigən̄ ger̄ yá̰á̰ kógə̄ḿ alé. De kə́ bo gə̄ a oyn̄ yo ɓō ō, kósə de gə̄ a oyn̄ yo kəndā man̄ ō.

IJAI 56:11

Nin̄ i bísə gə̄ kə́ əsan̄ yá̰a̰ malang ō, yá̰a̰ kəsa asə tadə́ nja kógə̄ḿ aĺ ō. Tá nin̄ i ngé kul̄ gír deē yāḿ gə̄! Nin̄ gerə̄n̄ kum yá̰á̰ kógə̄ḿ alé. I yá̰á̰ ń nel̄də́ ní ngóy n nin̄ rāān̄ ní. Nin̄ kógə̄ḿ kógə̄ḿ ní, a sāān̄ i yá̰á̰ kə́ majə tām̄ yādə́ nin̄ kɔ́ gə̄ tə́ ngóy.

EJEKIEL 16:30

Á, tɔ́gí gətóó ngá̰ý al̄ naā! Najə̄ ń mā Kɔ́ɔ̄ɓē Nə́ɓā m-ə́dá ní n noó. Dan ń ī-rāā yá̰a̰ gə̄ ń noō malang ní, ī-rāā i yá̰a̰ rāā ájə́ba kɔ̄r̄ kə́ tɔȳ ájə́ba madə̄n gə̄.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

OJEE 2:8

I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

Gōsə̄ najə̄ gə̄ 28:5

De kə́ majaĺ gə̄ gerə̄n̄ yá̰á̰ kógə̄ḿ tū yá̰á̰ kə́ gōtə́ tə́ alé, banī ngé sāā Kɔ́ɔ̄ɓē gə̄ gerə̄n̄ kum yá̰a̰ malang.

IJAI 42:20

Ḭ̄ gír de gə̄ yā Israel, ḭ̄ á̰á̰ yá̰a̰ gə̄ ngá̰ý, banī yá̰á̰ kógə̄ḿ kə́ ndi dɔí tə́ gətóo. Mbīí gə̄ i mbī kə́ majə gə̄, banī ḭ̄ ōō yá̰á̰ kógə̄ḿ alé.

JEREMI 35:16

Ngán Yonadab gə̄ ɓōlə́n̄ ndíl najə̄ ń kaadə́ ədadə́ ní, ba gír de gə̄ ń toō oōn̄ najə̄ yāḿ alé.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.