IJAI 1:29 - Bibəl ta Sar̄

²⁹ Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

Bible sar

²⁹ Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

IJAI 1:29 Referans Kwoze

IJAI 66:17

Najə̄ ń m-ɔ̄r̄ toó i najə̄ yā ngé tə́go rɔ̄də́ kadə̄ unjə̄ kə rī kudəń kem ndɔr̄ gə̄ kə́ yā ɓōĺ gidə tə́. Nin̄ a ran̄ i gidə de kə́ ra danaá tə́. Nin̄ a əsan̄ i kosong, aláa yégə̄, yá̰á̰ kə́ majaĺ ngá̰ý gə̄. De gə̄ ń noō a oyn̄ ndɔ̄ naā tə́ malang. Najə̄ ń Kɔ́ɔ̄ɓē əda ní n noó.

IJAI 65:3

Gír de gə̄ ń too sāān̄ tām̄ kə̄ nja naā tə́ ō, i kə̄ dɔ ndágá wáńg ō. Nin̄-tunə̄n̄ yá̰á̰ kə́ kem ndɔr̄ gə̄ tə́. Nin̄ róōn̄ ndujə̄ yá̰á̰ kə́ kotə majə gə̄ dɔ bəríkə gə̄ tə́ adə̄n̄ nə́ɓā kə́ rɔ̄kum aĺ gə̄.

IJAI 57:5

Ngur asəsí nák kadə̄ kāgə̄ kə́ yā ɓōĺ gidə gə̄ tə́, gír kāgə̄ gə̄ malang kə́ mbīdə́ əga ku tə́. Sḭḭ̄ ī-tɔ̄lī ngán gə̄ ba ī-tunīdə́ kadə ngán man̄ gə̄ tə́, bəlo mbal̄ gə̄ tə́.

OJEE 4:13

Nin̄ rāān̄ yá̰a̰ kəsa kə́ yā ɓōĺ gidə gə̄ dɔ mbal̄ gə̄ tə́ ō, róōn̄ ndujə̄ yá̰á̰ kə́ kotə majə gə̄ dɔ ngán mbal̄ gə̄ tə́ ō, gír kāgə̄ gə̄ kə́ ndíĺdə́ majə tə́ ō. I tām̄ najə̄ ń noō tə́ n ngáńsí kə́ dəyá̰ gə̄ a rāān̄ ájə́ba ō, umsí kə́ dəyá̰ gə̄ a gólə̄n̄ ngaadə́ gə̄ ō ní.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

EJEKIEL 36:31

Kum mbang ngeé ń noō tə́ ɓáa a əga kemsí dɔ háĺsí kə́ majaĺ tə́ ō, dɔ yá̰a̰ rāāsí gə̄ kə́ majaĺ tə́ ō.

EJEKIEL 6:13

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

IJAI 45:16

Ngé tɔ́sə̄ yá̰a̰ rāā nə́ɓā kə́ rɔ̄kum aĺ gə̄ tə́ ní, rɔ̄də́ sɔl̄də́ ngá̰ý ō, ndū asədə́ nák ō. Nin̄ malang ní de gə̄ tájə̄n̄də́ sululu adə̄ ɔtə aw̄n̄ i kə ndū gēé dɔdə́ tə́.

IJAI 31:7

Nə́ɓā gində̄ arjā̰a̰ ō lɔ́r ō ń i nə́ɓā kə́ rɔ̄kum aĺ gə̄ ń ī-rāāīdə́ kə jīsí kə́ najə̄ i dɔ tə́ ní, ndɔ̄ kógə̄ḿ tə́ anī sḭḭ̄ kógə̄ḿ kógə̄ḿ ā ī-mbātíīdə́ kɔ̄ɔ́.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

IJAI 42:17

Ngé gə̄ ń ənīn̄ kemdə́ mámák adə̄n̄ ɓesə̄ gə̄ ní, ngé gə̄ ń ədan̄ yá̰a̰ yādə́ kə́ tɔ́sə̄ kum gotə yá̰a̰ gə̄ na: Nə́ɓā yājí gə̄ i sḭḭ̄ ní,

OJEE 4:19

Nél a ɔydə́ gidə bɔ̄gə̄n tə́ yā kaw̄ sedə́ kɔ̄ɔ́ ō, rɔ̄də́ a sɔl̄də́ tām̄ yá̰a̰ tun̄ yādə́ gə̄ tə́ ō.