IJAI 1:21 - Bibəl ta Sar̄

²¹ Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

Bible sar

²¹ Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

IJAI 1:21 Referans Kwoze

JEJU TEĒ KUM JA̰A̰ 11:8

Ba nīńdə́ a to ndágə loo kə́ kem ɓē bo ń unən̄ gidə rī kə̄ gogə́ əndān̄ dɔ tə́ na i Sodom ō Ejiptə ō ní tə́. Əndan̄ Kɔ́ɔ̄ɓē yādə́ kə mayá̰ tū kāgə̄ kə́ dēsə́ tə́ i loo ngeé ń noō tə́.

JEJU TEĒ KUM JA̰A̰ 11:2

Kə m-ə́yá̰ ndágə loo kə́ gīr̄ gidə kújə yā Kɔ́ɔ̄ɓē, ba kə m̄-lōō mbɔ̄jə́. Tām̄ na adə̄n̄ de gə̄ kə́ nin̄ i Jipə aĺ gə̄ ta róbə́ tə́ɓā ɓē kə́ táĺ njadə́ tə́ nāā kutə sɔ́ gidə i jōó.

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

KƏLA RĀĀ 7:52

I nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

IJAI 48:2

Tá sḭḭ̄ ā ī-ɓāríī naā na i ngé ndi kem ɓē kə́ táĺ tə́ gə̄ ō, ā ə̄ndāī tɔ́gə́sí i dɔ Nə́ɓā yā Israel ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní tə́ ō. Sḭḭ̄ ōōī najə̄ ń toō:

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

PĀ GƏ̄ 48:8

To i tītə̄ néĺ kə́ dūn̄ ɓē tə́, dan ń a tɔ̄ɔ̄ too bo gə̄ kə́ Tarsis ní.

PĀ GƏ̄ 48:1

I pā yā ngán Kore gə̄.

PĀ GƏ̄ 46:4

Ká̰a̰ bā bo gə̄ ní ɓār̄ bu bu ō, húūlú dɔdə́ ḭḭ puk puk ō, bā bo gə̄ ní ḭḭn̄ ō, mbal̄ bo gə̄ ndāmə̄n̄ ngingin ō.

NEHEMI 11:1

Ngār gə̄ yā ngán Israel gə̄ ndin̄ i Jerusalem. Gotə de gə̄ ń na̰yn̄ ní ré de gə̄ i kutə anī, túgə̄n̄ wə̄lā ɔr̄ə̄nneé deē kógə̄ḿ danaá kadə̄ aw̄ ndi Jerusalem ń i ɓē kə́ táĺ ní tə́, ba gotə kə́ ndōhó gə̄ a ndin̄ i kem ngán ɓē kə ndágá gə̄ tə́.

2 YÁ̰A̰ GƏ̄ 19:9

Ni ədadə́ kadə̄ rāān̄ yá̰a̰ gə̄ ń toō: Ā ī-rāāī i tītə̄ ń toō beé: Ī-ɓōlíī ndíĺ Kɔ́ɔ̄ɓē loon tə́ ō, ī-rāāī i kə háĺ kə́ gōtə́ ō, kə kem kə́ rɔ̄kum ō.

2 SAMUEL 8:15

Dabid o̰o̰ ɓē dɔ ngán Israel gə̄ tə́ malang. Ni-gān̄g sarya yā de gə̄ malang i kə gōó.

JEJU TEĒ KUM JA̰A̰ 17:1

Anī de kə́ dɔ rā̰ tə́ kógə̄ḿ dan ngé kə́ sīrí gə̄ ń kópə kə́ sīrí gə̄ i jīdə́ tə́ ní, reē ɔr̄ najə̄ seḿ, ədam̄ na: Ī-reē ādə̄ m-ɔ́jiī sarya yā dəyá̰ kə́ nge rāā ájə́ba ngá̰ý ń ndi kadə bā bo gə̄ tə́ ní.

IJAI 1:22

Jerusalem, gində̄ arjā̰a̰ yāí tél i yedə̄ ō, kasə nduú yāí kə́ majə ní urən̄ man̄ tū tə́ ō.

IJAI 59:3

Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

IJAI 59:14

I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

IJAI 59:15

A̰á̰ā̰, kɔr̄ najə̄ kə́ rɔ̄kum gətóo kɔ̄ɔ́ ō, deē ń ndigə ɓōĺ gidə yá̰a̰ rāā kə́ gōtə́ anī, a nārə̄n̄ yá̰a̰ yān malang kɔ̄ɔ́ ō. Kɔ́ɔ̄ɓē a̰a̰ yá̰a̰ gə̄ ń noō malang. Ni-a̰a̰ kadə̄ gətóo yā yá̰á̰ kə́ súmūú i yá̰á̰ kə́ majaĺ.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

HABAKUK 1:4

De kə́ un ndū najə̄ rāań kəla gətóo ō, de kə́ gān̄g sarya kə gōó gətóo i kə́ bátə́ gə̄ tə́ ō. De kə́ majaĺ ənī de kə́ rɔ̄kum rɔ̄ɔ̄ ō, ngé rāā sarya gə̄ gāngə̄n̄ sarya kə gōó aĺ ō.

IJAI 26:10

Ba ré deē o̰o̰n tām̄ yā de kə́ majaĺ gə̄ tə́ anī, nin̄ a ndóōn̄ rāā yá̰á̰ kə́ nelī alé. Kem ɓē ń deē rāā yá̰a̰ majə tū tə́ ní gə̄gē, nin̄ rāān̄ yá̰á̰ kə́ majaĺ, Kɔ́ɔ̄ɓē, nin̄ a̰a̰n̄ kadə̄ ḭ̄ i de kə́ bo alé.