IJAI 1:18 - Bibəl ta Sar̄

¹⁸ Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

Bible sar

¹⁸ Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

IJAI 1:18 Referans Kwoze

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

PĀ GƏ̄ 51:7

Á̰a̰ā̰, kété pá tá kadə̄ ojəmə̄n̄ ní mā i de kə́ gōtə́ alé. Əla gír i ndɔ̄ ń kó̰ó̰ḿ ndānə̄m̄neé tə́ ní n mā i de kə́ majaĺ ní.

IJAI 41:21

Kɔ́ɔ̄ɓē, mban̄g yā gír de gə̄ yā Jakob gə̄, əda na: Sḭḭ̄, nə́ɓā gə̄ yā gotə gír de kə́ rang gə̄, ī-reē ɔ́jiī yāsí, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum.

IJAI 41:1

Kɔ́ɔ̄ɓē əda na: Sḭḭ̄ gír de gə̄ ń ī-ndiī sa̰y ní, ī-ndiī tasí mbóo ōōiń najə̄ yāḿ. Sḭḭ̄ de kə́ kem ɓēé gə̄ malang, ī-téĺ ə́hɔī rɔ̄sí tɔgə gogə́ rang. Ī-ndɔ́tī kə̄ kété ba ɔ̄rī najə̄! A̰á̰ā̰, j-awī naā tə́ malang loo sarya tə́.

Makətūbə̄ ń Pol ndang adə̄ Rom gə̄ ní 5:20

Tɔdɔ̄ ndū najə̄ yā Nə́ɓā reē yān yā kadə̄ majaĺ ń de gə̄ rāān̄ ní taā loo ɓá tā, banī loo ń majaĺ yā de gə̄ taā loo tū tə́ ní, rajə yā Nə́ɓā al̄ ngandə̄ tū tə́ ō.

KƏLA RĀĀ 18:4

Kə ndɔ̄ sabat gə̄ malang ní, Pol a ɔr̄ i najə̄ kem kújə́ kán̄ naā tə́. Ni sāā i kɔsə ngóy Jipə gə̄ ō Gərek gə̄ ō.

1 SAMUEL 12:7

Ba ngɔlaā ní ī-raī loo ń noō tə́ ta kum Kɔ́ɔ̄ɓē tə́. M-ā m̄-tə́dá yá̰á̰ kə́ gōtə́ gə̄ malang ń Kɔ́ɔ̄ɓē rāā sesí ō, kə kaasí gēé ō ní.

KƏLA RĀĀ 17:2

Anī Pol aw̄ gōdə́ tə́ kem kújə́ ní tə́ tītə̄ ń i jī bēl̄ loo rāān yān ní. Ni-ɔr̄ najə̄ sedə́ kə dɔ ndɔ̄ sabat gə̄ mətá kə gō naá.

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

KƏLA RĀĀ 24:25

Ba dan ń Pol a ɔr̄ najə̄ kə́ dɔ háĺ kə́ gōtə́ tə́ ō, dɔ kəhɔ rɔ̄ dɔ yá̰á̰ tə́ ō, dɔ sarya kə́ a reē ɓáý tə́ ō anī, ɓōĺ rāā Peliksə adə̄ əda na: Kə́ ngɔr ń toō tə́ ɓáa ī-tél āw̄ kə̄ naā tə́. Ré m-ə́nge kum mbang anī m-ā m̄-ɓāríī ɓáý.

MISE 6:2

Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje Israel gíŕ yá̰a̰ rāān gə̄.

Makətūbə̄ yā Job 9:33

Nə́ngētə́ nge mā̰ȳjí naā tə́ kógə̄ḿ i danjí tə́ kadə̄ əndā jīn dɔjí tə́ jōó mbak.

IJAI 50:8

Kɔ́ɔ̄ɓē i rɔ̄ḿ tə́ ngɔr, ni a adə̄m̄ najə̄. De kógə̄ḿ ndigə rāā sarya seḿ a? J-awī naā tə́ malang loo sarya tə́! De kógə̄ḿ ndigə sekə́ḿ a? Ādə̄ ni-njə̄rā kə̄ rɔ̄ḿ tə́!

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

EJEKIEL 18:27

Ba ré de kə́ majə aĺ tūr̄ gidən kɔ̄ɔ́ ta yá̰á̰ kə́ majə aĺ ń ni-rāā tə́ ní ba ɓōĺ ndū najə̄ ō, rāā yá̰á̰ kə́ gōtə́ ō anī, ni a ajə rɔ̄n.

EJEKIEL 33:16

Yá̰á̰ kə́ gōtə́ aĺ gə̄ ń ni-rāā kété ní, deē a tə́da aĺ ō, ni a ndi kə kumneé tɔdɔ̄ ni ɓōĺ gidə ndū najə̄ gə̄ ō, ni ɓōĺ gidə rāā yá̰á̰ kə́ gōtə́ ō.

PĀ GƏ̄ 51:9

Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

IJAI 3:13

Kɔ́ɔ̄ɓē əndā dɔ rɔ̄n danaá kɔ̄ɔ́ yā rāā sarya, ni-ḭḭ ra kə njan kə́ dɔɔ́ yā gān̄g sarya dɔ gír deē yān gə̄ tə́.