IJAI 1:15 - Bibəl ta Sar̄

¹⁵ Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

Bible sar

¹⁵ Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

IJAI 1:15 Referans Kwoze

MISE 3:4

I tām̄ najə̄ ń noō tə́ n dan ń nin̄ a əgan̄ kɔŕ kə̄ dɔ Kɔ́ɔ̄ɓē tə́ anī, ni a daldə́ aĺ ní. Kum mbang ngeé ń noō tə́ ní, ni a ɓɔ̄ɔ̄ ta kumən kɔ̄ɔ́ adə̄ nin̄ a a̰ā̰n̄ alé, najə̄ yá̰á̰ kə́ majaĺ gə̄ ń nin̄ rāān̄ tə́ ní.

Gōsə̄ najə̄ gə̄ 1:28

Loo ń noō tə́ nin̄ a ɓāŕmə̄n̄, banī m-ā m̄-ndigədə́ aĺ ō, nin̄ a sāāmə̄n̄, banī a əngemə̄n̄ aĺ ō.

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

PĀ GƏ̄ 66:18

Loo kə́ beé tə́ ré m̄-gír̄ i yá̰á̰ kə́ majaĺ kemḿ tə́ anī, Kɔ́ɔ̄ɓē a oō najə̄ yāḿ alé.

1 MBAN̄G GƏ̄ 8:22

Gō tə́ anī Salomo̰ aw̄ ra ta loo tun̄ yá̰a̰ yā Kɔ́ɔ̄ɓē tə́, ta kum ngán Israel gə̄ malang ń kánə̄n̄ naā tə́ ní, ɔy jīn kə̄ dɔɔ́

IJAI 58:7

I kadə̄ ī-kēgə̄ mápa yāí ādə̄ deē ń ɓō rāān ní, i kadə̄ ngé ndoō gə̄ ń kújə yādə́ gətóó ní loo kadə̄ tonə̄ń, i kadə̄ ngé gə̄ ń kūbə̄ yādə́ gətóó ní kūbə̄ kadə̄ əlan̄ rɔ̄də́ tə́, i kadə̄ ī-tūr̄ gidií kɔ̄ɔ́ ta de kə́ ngōkó̰ó̰í tə́ alé.

PĀ GƏ̄ 55:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Dabid kə́ yā ndóoń deē yá̰a̰.

Makətūbə̄ yā Job 27:20

Yá̰á̰ kə́ to ndíl ka̰ȳ gə̄ reēn̄ kə̄ dɔn tə́ tītə̄ bəngál man̄ beé. Nél māĺ kógə̄ḿ unən ndɔ̄ɔ́ aw̄ seneé kɔ̄ɔ́.

1 MBAN̄G GƏ̄ 8:54

Salomo̰ tetə i kejən nang tə́ ta loo tun̄ yá̰á̰ tə́ ō, ɔy jīn i kə̄ dɔɔ́ ō n a ndɔ̄yń Kɔ́ɔ̄ɓē ō, a rāān̄neé ɓɔ́ ō ní. Dan ń ni ndɔ̄ȳ Kɔ́ɔ̄ɓē oy anī, ɔsə nang ḭḭ dɔɔ́

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MATIYE 6:7

Dan ń ā ī-ndɔ̄yī anī, ī-lōōī kɔr̄ najə̄ kə́ kógə̄ḿ beē kə̄ naā tə́ kə̄ naā tə́, tītə̄ yā de gə̄ kə́ nin̄ i Jipə aĺ gə̄. Nin̄-ɔjən̄neé na ré n-ɔrə̄n̄ najə̄ ngá̰ý anī n-a n-əngen̄ yá̰á̰ ń na n dəjen̄ ní.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

IJAI 8:17

m̄-ndi m̄-ngóō Kɔ́ɔ̄ɓē. Kə́ ngɔr ń toō tə́ ɓáa ni-əndā kumən gír kojə yā Jakob tə́ to̰ alé, banī m-ə̄ndā kemḿ dɔn tə́.

PĀ GƏ̄ 134:2

Ə́laī jīsí kum kə̄ loo kə́ táĺ tə́ ō, ī-tɔ̄yī Kɔ́ɔ̄ɓē ō.

ESDRAS 9:5

Dan ń mbang ndējə̄ yá̰á̰ kə́ loo tíbí asə anī m-lōō gír rāā rɔ̄ḿ ndoō tə́, ba m-ḭ́ḭ kə kūbə̄ kə́ rə̄yā̰ gēé rɔ̄ḿ tə́ m̄-tétə̄ kejəḿ, nang tə́ ō, m-ɔ́y jīḿ kə̄ dɔɔ́ kum kə̄ rɔ̄ Kɔ́ɔ̄ɓē Nə́ɓā yāḿ tə́ ō,

JA̰A̰ 9:31

Jə-gerī kadə̄ Nə́ɓā oō najə̄ yā ngé rāā majaĺ gə̄ alé. Banī deē ń ɓōĺ ndílən ō, rāā yá̰á̰ ń kemən ni-ndigə ō ní, ni a oō najə̄ yān.

Teē Ngán Israel gə̄ 9:29

Moijə tél ədan na: Dan ń m-ā m̄-teē gidə ɓē tə́ anī, m-ā m-ɔ́y jīḿ kə̄ dɔɔ́ yā ndɔ̄yń Kɔ́ɔ̄ɓē. Man̄ a ndang to̰ aĺ ō, kɔ̄sə̄ a tə́sō to̰ aĺ ō, kadə̄ ī-gerə̄ń na dɔ nang i yā Kɔ́ɔ̄ɓē.

Makətūbə̄ yā Job 35:13

Najə̄ ń Nə́ɓā a oō aĺ ní i najə̄ kə́ kanjə̄ kumən gə̄ ngóy. I najə̄ gə̄ ń noō n Nə́ɓā kə́ tɔ́gən i ngá̰ý a ger̄ kumdə́ aĺ ní.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

IJAI 45:15

Nə́ɓā yā Israel, ḭ̄ ń i nge kajə deē ní, ḭ̄ i Nə́ɓā kə́ to loo ɓɔ̄ɔ̄ tə́ rɔ̄kum.

IJAI 58:4

Dan ń sḭḭ̄ ī-*ndiī ɓō tām̄ yā Nə́ɓā tə́ anī, ī-kɔ̄lī naā ō, ī-ɓirī jīsí ī-tə́ndāīneé madə̄sí gə̄ ō. I kə ta kūl̄ ndi ɓō kə́ tītə̄ ń noō n ā ī-rāāiń kadə̄ oōn̄ ndūsí dɔɔ́ nú ní alé.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

JEREMI 11:11

I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

EJEKIEL 11:6

Sḭḭ̄ ī-tɔ̄lī de gə̄ ngá̰ý kem ɓē ń toō tə́, ī-rāāī ādə̄ nīń de gə̄ táā loo kum róbə kɔsə gə̄ tə́.

EJEKIEL 14:3

Ḭ̄ ngōn̄ deē, ōō! De gə̄ ń noō aw̄n̄ kə nə́ɓā yādə́ kə́ rɔ̄kum aĺ gə̄ ngarā̰ kemdə́ tə́ noō. Kemdə́ gḛy yá̰á̰ ń na rāādə́ adə̄ a tə́sōn̄ kum majaĺ tə́ ní ngá̰ý. Ní kə m-ə́ya̰ rɔ̄ḿ kadə̄ kə dəjemə̄n̄ najə̄ a?

EJEKIEL 39:23

Nápar de gə̄ a gerə̄n̄ kum yá̰á̰ ń toō: Ɔyn̄ Israel gə̄ aw̄n̄ sedə́ dɔ ɓē kə́ rang tə́ dɔ gúú tə́ i najə̄ yá̰a̰ rāādə́ kə́ gōtə́ aĺ tə́, tɔdɔ̄ nin̄ ran̄ dɔ ndūdə́ tə́ seḿ mā Kɔ́ɔ̄ɓēé alé. I tām̄ najə̄ ń toō tə́ n m̄-tūr̄ gidəḿ tadə́ tə́ kɔ̄ɔ́ ní. M-ə́yá̰də́ kem jī madə̄ ba̰ā̰də́ gə̄ tə́, adə̄ nin̄ tɔ̄lə̄n̄də́ kɔ̄ɔ́ malang ta rɔ̄ɔ̄ tə́.

OJEE 5:6

Nin̄ sāān̄ Kɔ́ɔ̄ɓē i kə batə̄ yādə́ gə̄ ō, man̄g yādə́ gə̄ ō ń aw̄n̄ yā tɔ̄l̄ ba ndējə̄ ní. Banī nin̄ a əngenən̄ alé, tɔdɔ̄ ni əya̰də́ ba aw̄ sa̰y kɔ̄ɔ́.