IJAI 1:14 - Bibəl ta Sar̄

¹⁴ Pétə nāā kə́ teē kijə yāsí gə̄ ō, pétə́ yá̰a̰ kūjə́ yāsí gə̄ ō ń ī-rāāī ní, nelə̄m̄ aĺ ngá̰ý. Nin̄ ɔȳmə̄n̄ ngá̰ý ō, kɔr rāām̄ ta tə́gā taḿ gíŕdə́ tə́ kɔ̄ɔ́ ō.

Bible sar

¹⁴ Pétə nāā kə́ teē kijə yāsí gə̄ ō, pétə́ yá̰a̰ kūjə́ yāsí gə̄ ō ń ī-rāāī ní, nelə̄m̄ aĺ ngá̰ý. Nin̄ ɔȳmə̄n̄ ngá̰ý ō, kɔr rāām̄ ta tə́gā taḿ gíŕdə́ tə́ kɔ̄ɔ́ ō.

IJAI 1:14 Referans Kwoze

AMOS 5:21

Njə̄rā mbā yāsí gə̄ kə́ yā kaw̄ń loo gə̄ kə́ yā ɓōĺ gidə tə́ nelə̄m̄ aĺ ngá̰ý. Nin̄ i yá̰á̰ kógə̄ḿ tām̄ yāḿ tə́ alé. M-ásə́ tə́gā taḿ dɔ kɔsə dɔ naā tə́ yāsí gə̄ tə́ to̰ alé.

IJAI 43:24

Nar yāí udə loo mang kámbə kotə gə̄ tə́ tām̄ yāḿ tə́ alé, ī-rāā adə̄ m̄-ndān̄ kə ta kūl̄ kəsa yibə̄ dā̰ kə́ tɔ̄l̄ ba tun̄ gə̄ alé. Banī ī-rāā adə̄ mā i ɓəlo yāí kə ta kūl̄ yá̰a̰ rāāí kə́ gōtə́ aĺ gə̄. Ī-rāā adə̄ kɔr rāām̄ kə ta kūl̄ mān̄ kə́ ī-mān̄ dɔ ndūḿ gə̄ kə̄ nja naā tə́.

AMOS 2:13

Beé ɓá ní, ngɔlaā m-ā m̄-rējə̄sí tītə̄ ń púsə́ kə́ yá̰a̰ gātə̄ rosə kem a rējəń yá̰a̰ malang kə́ dɔ róbən tə́ ní.

IJAI 61:8

Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

IJAI 7:13

Anī Ijai əda na: I beé ní, sḭḭ̄ ń i de gə̄ kə́ gír kojə yā mban̄g Dabid tə́ ní, ōōī! Sḭḭ̄ ī-rāāī de gə̄ adə̄ kɔr rāādə́ ō, tá to tītə̄ kə́ nge ń noō asəsí aĺ ɓáý beē. Sḭḭ̄ ī-rāāī Nə́ɓā yāḿ adə̄ kɔr rāān ō!

MALASI 2:17

Ī-rāāī Kɔ́ɔ̄ɓē kə najə̄ kɔr̄sí gēé adə̄ ni ɔr. Sḭḭ̄ ə́daī na ké ī-rāāī i ba̰ý n ni ɔrəń ní wa. Sḭḭ̄ ī-rāāin̄ adə̄ ni ɔr, i dan ń ə́daī na ni na a̰a̰ ngé rāā yá̰á̰ kə́ majaĺ gə̄ na i kə kemən kə́ majaá ní, ni na ndigə najə̄ gō de gə̄ ngeé gə̄ ń noō tə́ ní. Sḭḭ̄ ə́daī ɓáý to̰ na: Ké Nə́ɓā kə́ nge gān̄g sarya kə́ gōtə́ ndi a rāā i rí wa.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

IJAI 29:1

Kɔ́ɔ̄ɓē əda na: Yá̰á̰ kə́ to kum kaȳ aĺ! Ariel, Ariel! Ɓē kə́ Jerusalem ń mban̄g Dabid reē ənīn rɔ̄ɔ̄ ní! Ásə ɓōĺ gidə ndɔ̄ rāā nāā gə̄ malang, kə dɔ ɓāl̄ gə̄.

1 YÁ̰A̰ GƏ̄ 23:31

a rāān̄ beé tām̄ yá̰a̰ tun̄ kə́ róō horoó kadə̄ Kɔ́ɔ̄ɓē tə́ ō, a rāān̄ beé ndɔ̄ sabat gə̄ tə́ ō, ndɔ̄ rāā nāā kə́ teē kijə tə́ ō, ndɔ̄ rɔ̄nel̄ kə́ rang gə̄ tə́ ō, kə dɔ kutə yá̰a̰ tun̄ gə̄ ń ndang adə̄n̄də́ kadə̄ to ngándáńg ta kum Kɔ́ɔ̄ɓē tə́ ní.

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

IJAI 66:23

Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní, kə dɔ ndɔ̄ sabat gə̄ malang ní, de kə́ dɔ nang tə́ gə̄ malang a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.

OJEE 2:11

I tām̄ najə̄ ń toō tə́ n dan yā sāā kōō gémē gə̄ tə́ anī, m-ā m̄-tél yā reē taā gémē yāḿ ní ō, m-ā m̄-tél yā reē taā kasə nduú yāḿ kə́ kijə dan yā mbə́rē kan̄ nduú gə̄ tə́ ní ō. M-ā m̄-taā kūbə̄ bḭḭ̄ batə̄ yāḿ kɔ̄ɔ́ ō, m-ā m̄-taā kūbə̄ lḛ́ḛ yāḿ kɔ̄ɔ́ ō, yá̰a̰ gə̄ ń noō ń majə kadə̄ ni utə̄ń gidə rɔ̄n ní.

OJEE 5:7

Nin̄ ran̄ dɔ ndūdə́ tə́ kə Kɔ́ɔ̄ɓēé alé, ojən̄ ngáń kə́ loo kaya tə́ gə̄. Ngɔlaā ní, asə nāā kógə̄ḿ anī, a nujən̄ ɓē yādə́ kɔ̄ɔ́.