Biblia Todo Logo
Bib sou entènèt

- Piblisite -




IJAI 1:13 - Bibəl ta Sar̄

13 Ī-dəbaī ta reē kə yá̰a̰ ndējə̄ gə̄ kə́ kanjə̄ kumən gēé kadəm̄! Sa, i yá̰á̰ kə́ nelə̄m̄ aĺ ngá̰ý. Sḭḭ̄ ī-rāāī nāā kə́ teē kijə ō, nāā ndɔ̄ sabat ō, ə̄ndāī kán̄ naā kə́ bo gə̄ ō, kum mbang nəkɔ́ ń noō tə́ ɓáa sḭḭ̄ ī-rāāī yá̰á̰ kə́ majaĺ gə̄ ō. M-ásə́ tə́gā taḿ dɔ tə́ to̰ alé.

Gade chapit la Kopi

Bible sar

13 Ī-dəbaī ta reē kə *yá̰a̰ ndējə̄ gə̄ kə́ kanjə̄ kumən gēé kadəm̄! Sa, i yá̰á̰ kə́ nelə̄m̄ aĺ ngá̰ý. Sḭḭ̄ ī-rāāī nāā kə́ teē kijə ō, nāā ndɔ̄ *sabat ō, ə̄ndāī kán̄ naā kə́ bo gə̄ ō, kum mbang nəkɔ́ ń noō tə́ ɓáa sḭḭ̄ ī-rāāī yá̰á̰ kə́ majaĺ gə̄ ō. M-ásə́ tə́gā taḿ dɔ tə́ to̰ alé.

Gade chapit la Kopi




IJAI 1:13
25 Referans Kwoze  

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.


Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.


Nin̄-rāān̄ kəla yāḿ i ndāńg karī, tɔdɔ̄ yá̰a̰ gə̄ ń nin̄ a ndóōn̄ de gə̄ ní i ndū najə̄ yā de gə̄ ngóy.


Yá̰á̰ ń mā Kɔ́ɔ̄ɓē Nə́ɓā m-ə́dásí sḭḭ̄ ngán Israel gə̄ ní n toó: Sḭḭ̄ kógə̄ḿ kógə̄ḿ āw̄ ī-rɔyī nə́ɓā kə́ rɔ̄kum aĺ yāsí gə̄! Ba gō tə́ anī, ā ōōī taḿ dɔ gúú tə́. Ā ī-ndējī nə́ɓā yāsí kə́ rɔ̄kum aĺ gə̄ yá̰a̰ yā kídəń rīḿ kə́ kɔr̄ kam̄ to̰ alé.


Rɔ̄ ndoō i yāsí sḭḭ̄ Parijiyḛ gə̄! Tām̄ sḭḭ̄ ɔ̄rī dɔ kámbə kotə ō, kámbə ru ō, mbī kámbə́ kə́ tayā tayā gə̄ ō kə́ nge ko̰ kutə ādī Nə́ɓā ō, banī yá̰á̰ kə́ gōtə́ ō, táŕ Nə́ɓā ō, ɓáa usəsí dɔ tə́ alé. Tá i yá̰a̰ gə̄ ń toō n majə kadə̄ ə̄nīī rɔ̄sí rak ī-rāāīdə́ kanjə̄ kəya̰ ngé gə̄ noō kɔ̄ɔ́ ō ní.


Ī-kɔ̄ríī tōw̄ Siyo̰ tə́, ī-*ndiī ɓō tām̄ yā Nə́ɓā tə́ ɔ̄rīneé kamsí, ə̄nīī mbēr̄ kán̄ naā kə́ táĺ.


Ni bótə̄yō̰ gong kə́ kɔr gidə ndɔr̄ yān tə́ ō, nujə kə loo kán̄ naā yānneé kɔ̄ɔ́ ō. Kɔ́ɔ̄ɓē rāā adə̄ dɔ de kə́ Siyo̰ gə̄ ndígə̄nal rāā nāā gə̄ ō, ngɔ̄m̄ ndɔ̄ sabat ō. Ni-əla rɔ̄sɔl̄ dɔ mban̄g tə́ ō, dɔ nge tun̄ yá̰á̰ tə́ ō, kə wōngōó ngá̰ý.


Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.


Najə̄ ń toō gír yān gān̄g kɔ̄ɔ́, ba nge kə́ rang ń j-a j-awī kə̄ dɔ tə́ toō ní mā m̄-tɔ̄ȳsí loon tə́ alé. Tɔdɔ̄ kán̄ naā yāsí i kán̄ naā kə́ a rāā kadə̄ ī-tɔgiī kum kə̄ kété alé, banī a rāā i majaĺ sesí.


Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ táĺ, ɔ́siī dɔ kum kɔɔ̄ gə̄ ō, de gə̄ malang kə́ kem ɓēé ō naā tə́, kem kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.


Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.


Nin̄ mbātə́n̄ najə̄ tan tə́ nja i ngá̰ý kem dəla loo tə́, sāān̄ tan kem loo kə́ man̄ gətóo tū tə́ ń noō tə́!


a rāān̄ beé tām̄ yá̰a̰ tun̄ kə́ róō horoó kadə̄ Kɔ́ɔ̄ɓē tə́ ō, a rāān̄ beé ndɔ̄ sabat gə̄ tə́ ō, ndɔ̄ rāā nāā kə́ teē kijə tə́ ō, ndɔ̄ rɔ̄nel̄ kə́ rang gə̄ tə́ ō, kə dɔ kutə yá̰a̰ tun̄ gə̄ ń ndang adə̄n̄də́ kadə̄ to ngándáńg ta kum Kɔ́ɔ̄ɓē tə́ ní.


Kán̄ naā kə́ yā ɓōĺ gidə a to tām̄ yāsí tə́ kə ndɔ̄ kə́ ta kəga dɔɔ́ ō, kə ndɔ̄ kə́ nge ko̰ sīrí ō. Deē a rāā kəla kem ndɔ̄ gə̄ ń noō tə́ alé. Kəla ń ā ī-rāāī ní i kəla ndīr̄ yá̰a̰ kəsasí tá ngóy.


Kə́ rɔ̄kum tə́ tā anī ngé kə́rēý gə̄ dandə́ tə́ ní, i ngur kɔjə najə̄ ō, i nii kə́ kemdə́ tə́ ō n ɔsə sedə́ ta kɔjə najə̄ ní. Banī kə́ madə̄ gə̄ ɔjən̄ najə̄ yā Kərist i kə gír̄ kə́ majaá kemdə́ tə́.


Ī-mēr̄ rāā bərúnjə gə̄ jōó, ādə̄ rāān̄də́ kə gində̄ arjā̰a̰ kə́ koó. Bərúnjə gə̄ ní i yā ɓāŕəń ngán Israel gə̄ kadə̄ kánə̄nəń naā ō, ndɔ́tə̄nəń ɓē ō.


Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní, kə dɔ ndɔ̄ sabat gə̄ malang ní, de kə́ dɔ nang tə́ gə̄ malang a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.


I tām̄ najə̄ ń toō tə́ n dan yā sāā kōō gémē gə̄ tə́ anī, m-ā m̄-tél yā reē taā gémē yāḿ ní ō, m-ā m̄-tél yā reē taā kasə nduú yāḿ kə́ kijə dan yā mbə́rē kan̄ nduú gə̄ tə́ ní ō. M-ā m̄-taā kūbə̄ bḭḭ̄ batə̄ yāḿ kɔ̄ɔ́ ō, m-ā m̄-taā kūbə̄ lḛ́ḛ yāḿ kɔ̄ɔ́ ō, yá̰a̰ gə̄ ń noō ń majə kadə̄ ni utə̄ń gidə rɔ̄n ní.


M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.


Ngaan əda na: Ɓōólaā i ndɔ̄ nāā kə́ kijə aĺ ō, i ndɔ̄ sabat aĺ ō, ba i ba̰ý á ā āw̄ kə̄ ɓēé looneé ní? Dəyá̰ ní tél əda ngaan na: Ī-lōō sōl̄!


Kété m-ə̄nī ndūḿ m-ādə̄ Nə́ɓā kadə̄ m̄-ndējən yá̰a̰ tun̄ kə́ tām̄ yā kem kógə̄ḿ tə́, ba ɓōólaā m̄-rāā yá̰á̰ ń m-ə̄nī ndūḿ yā rāā ní kɔ̄ɔ́.


Swiv nou:

Piblisite


Piblisite